Դավիթ Բաբայան․ Բացառվում է, որ համաձայնվենք Լաչինում մաքսակետ դնեն

Ռուսաստանը շատ ակտիվ ներգրավված է Լաչինի միջանցքի բացմանը, բայց մենք ուզում ենք, որ համապատասխան քայլեր անեն այլ երկրները ևս: Այս մասին այսօր՝ դեկտեմբերի 16-ին, ԱԺ-ում լրագրողների հետ զրույցում ասաց Արցախի արտաքին գործերի նախարարի պաշտոնակատար Դավիթ Բաբայանը:

«Եղել են շատ լավ հայտարարություններ Ֆրանսիայից, ԱՄՆ-ից, եվրոպական տարբեր երկրներից, որոնք դատապարտել են Ադրբեջանին: Ուզում ենք, որ այս գործընթացը հայտարարություններից նցնի արդեն գործնական փուլ, որովհետև Արցախի դեմ այդ ակցիան քաղաքակիրթ աշխարհի դեմ է»,-ասաց նա:

Անդրադառնալով տեսակետից, որ Լաչինի միջանցքը փակելով Ադրբեջանը ճնշումներ է գործադրում Հայաստանի վրա Սյունիքով միջանցք ստանալու, իսկ Ռուսաստանը միութենական պետության կազմում Հայաստանը տեսնելու համար, Բաբայանն արձագանքեց. «Իհարկե, փորձում են Հայաստանի վրա ճնշում գործադրել, բայց չեմ կարծում, որ այդ երկու հարցերը փոխպակակցելը ճիշտ է: Ընդհանրապես, ես չեմ ընդունում «Զանգեզուրի միջանցք» հասկացությունը: Ճանապարհը խնդրեմ, խնդիր չկա: Լաչինի միջանցքում մաքսակետ դնելը մեզ համար անքննարկելի է, որովհետև ռուս խաղաղապահներն իրականացնում են այդ գործառույթը: Բացի այ, նոյեմբերի 9-ի պյմանավորվածությամբ այդպիսի բն չի կարող լինել: Դա Արցախի համար լինելու է ոչ թե անցակետ կամ հսկիչ կետ, կամ մաքսակետ, այլ լինելու է բանտ տանելու մի կետ, որովհետև ամեն մեկին բռնելու են»:

Դավիթ Բաբայանը հայտարարեց, որ եթե հայկական կողմը դեմ լինի, ոչ մի մաքսակետ էլ չի կարող դրվել:

News.am