2022-12-16 18:51
Информагентства
Արցախի ՄԻՊ․ Հայաստանը, Արցախըև Սփյուռքը պետք է կիրառեն ամբողջ գործիքակազմը
Հայաստանում ՄԱԿ-ի գրասենյակի առջև շարունակվում է հաջակցություն Արցախի նստացույցը, որի նպատակն է հասնել միջազգային հանրության կողմից Ադրբեջանի սադրանքների հասցեական դատապարտմանը, գործնական քայլերի՝ ուղղված Արցախի ժողովրդի իրավունքների, Արցախի և Հայաստանի միջև անխափան կապի վերականգնմանը։
Նստացույցի ժամանակ Արցախի ՄԻՊ Գեղամ Ստեփանյանը ներկայացրեց նաև հնչող պահանջներից հիմնականը․ ռուսական խաղաղապահ առաքելությանը, նրա խոսքով, պետք է տրվի միջազգային մանդատ։
«Դրա համար երեկվա մեր ակցիան հատուկ թիրախավորել էր ՄԱԿ-ի անվտանգության խորհրդի 5 երկրներին, որովհետև այդ երկրները կարևոր դերակատարներ են։ Մեր կողմից փոխանցված նամակներում հստակ այդ պահանջները կան, որ հարցը քննարկման առարկա պետք է դառնա անվտանգության խորհրդի նիստում, և խաղաղապահ առաքելություն իրականացնողներին պետք է տրվի միջազգային մանդատ», - ասաց Գեղամ Ստեփանյանը՝ հավելելով, որ Ադրբեջանի անպատժելիությունը զսպելու այլ տարբերակ ինքը չի տեսնում ։
Արցախի ՄԻՊ-ը նաև համոզմունք հայտնեց՝ ադրբեջանական սադրանքները այս պայմաններում շարունակվելու են․ իհարկե, կարևոր է սեփական կարողություններն ու պաշտպանունակությունը բարձրացնելը, բայց տարածաշրջանում ուժային բալանսը խախտված է։
«Իր քաղաքացիներին պաշտպանելու պատասխանատվությունն առաջին հերթին կրում է պետությունը, բայց 44-օրյա պատերազմից հետո ուժային բալանսը խախտված է, և նաև կան ձևավորված համարժեք միջազգային գործիքներ, որոնք մեզ պետք է օգնեն՝ կոմպենսացնելու այդ խախտված ուժային բալանսի տարբերությունը և, ըստ այդմ էլ, պաշտպանելու մեր ժողովրդի իրավունքներն ու անվտանգությունը»,- ասաց Ստեփանյանը։
Նա խոսեց նաև Արցախի ժողովրդի իրավունքներն ու անվտանգությունը պաշտպանելու հարցում Հայաստանի և Արցախի իշխանությունների անելիքների, Սփյուռքից ակնկալիքների մասին։
«Նույն հարցով պետք է զբաղվեն և՛ ՀՀ իշխանությունները, և՛ Արցախի իշխանությունները, և՛ հայկական սփյուռքը։ Մենք գտնվում ենք այնպիսի իրավիճակում, երբ վտանգն ահագնանում է ամեն օր։ Այսինքն, էթնիկ զտման վտանգը բոլորին է պարզ, և բոլորի՝ և՛ ՀՀ իշխանությունների, և՛ Արցախի իշխանությունների, և՛ սփյուռքի մեր կազմակերպությունների գործը նույն նպատակին պետք է ուղղված լինի։ Բոլորը պետք է բարձրաձայնեն դրա մասին և կիրառեն իրենց հնարավորությունների ողջ գործիքակազմը»,- նշեց Գեղամ Ստեփանյանը։
Aysor.am
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.