2022-12-19 16:11
Информагентства
Զաս․ Լաչինի միջանցքի շրջափակումն անթույլատրելի է
Արցախում ռուս խաղաղապահների առաքելությունը շատ կարևոր է, բոլոր կողմերը պետք է օգնեն և շահագրգռված լինեն խաղաղապահ զորակազմի գործունեությամբ։ Այս մասին ասել է ՀԱՊԿ գլխավոր քարտուղար Ստանիսլավ Զասը հեռուստակամրջի ընթացքում։
«Մենք ռուս խաղաղապահների իրականացրած առաքելությունը համարում ենք շատ կարևոր ամբողջ տարածաշրջանի համար։ Այն դժվար է գերագնահատել։ Իհարկե, մեզ համար նշում ենք ոչ հեշտ պայմանները, հատկապես հիմա, երբ տեղի է ունեցել իրավիճակի սրում, այդ թվում Լաչինի միջանցքի շրջափակում։ Իհարկե, մեր կարծիքով, անհրաժեշտ է ազատություն տալ տեղաշարժվող մարդկանց և հումանիտար բեռներին։ Զրկանքները հասարակ մարդկանց համար անթույլատրելի են։ Անթույլատրելի է հումանիտար աղետը»,- ընդգծել է Ստանիսլավ Զասը։
Դեկտեմբերի 12-ի ժամը 10.30-ից ադրբեջանցի վայ-բնապահպանների, իրականում՝ քաղաքացիական հագնված զինվորականների և հատուկ ծառայությունների աշխատակիցների ամբոխը փակել է Արցախը Հայաստանին կապող միակ ճանապարհը։ Վայ-բնապահպաններն ամեն կերպ սադրում են խաղաղապահներին, վիրավորում, միաժամանակ տարածում տեսանյութեր, որոնք կոչված են ահաբեկելու հայ բնակչությանը։ Ութ օր Արցախ անհնար է մթերքներ և դեղորայք հասցնել։ Ավելի քան հազար մարդ, այդ թվում երեխաներ, մնացել են ճանապարհին։ Դեկտեմբերի 13-ից Ադրբեջանը փակել էր գազի մատակարարումն Արցախ, բայց դեկտեմբերի 16-ին ստիպված է եղել վերականգնել գազամատակարարումը։
News.am
ПОСЛЕДНИЕ ОТ АВТОРА
-
2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
2025-06-09 19:50Зампреду РПА Армену Ашотяну продлили домашний арест на 2 месяца.
-
2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.