Արցախում ծանր վիճակում գտնվող պացիենտներից մեկը մահացել է

Արդեն 8-րդ օրն է, որ Արցախի ԱՆ ենթակայության տակ գործող բուժհաստատություններում շարունակում են ծանր և ծայրահեղ ծանր վիճակում գտնվող հիվանդներ մնալ. Հիվանդանոցներում դադարեցված են բոլոր պլանային վիրահատությունները: Առավոտյան հայտնի դարձավ, որ ծանր վիճակում գտնվող մեկ հիվանդ մահացել է:

Հանրապետական բժշկական կենտրոնի գործադիր տնօրեն Մհեր Մուսայելյանի խոսքով, այդ հիվանդը, որը 15 տարի գտնվում էր հեմոդիալիզի վրա և ուներ տարբեր դեկոմպենասացված վիճակ, պետք է գնար այլ ստուգման:

Նա նաև նշել է, որ 1960 թվականին ծնված տղամարդը տեղափոխվել է Երևանի Նորք-Մարաշի սրտաբանական հիվանդանոց,ո րտեղ պետք է իրականացվեր բաց վիրահատություն:

Այս պահին Ստեփանակերտի հնրապետական հիվանդանոցում ստացիոնար բուժում է ստանում 92 հիվանդ, վերակենդանացման բաժանմունքում 11 հիվանդ է գտնվում, որից 4-ը՝ ծայրահեղ ծանր վիճակում:

Մհեր Մուսայելյանն ասաց, որ 52-ամյա մի հիվանդ գտնվում է ծայրահեղ ծանր, կոմատոզ վիճակում, արհեստական շնչառության սարքին միացված. «Երկու օր առաջ կոմայից դուրս է եկել, արդեն վիճակը կայուն է, մոտակա օրերին կտեղափոխվի բաժանմունք»:

Իր հերթին «Արևիկ» մանկական բուժմիավորման գործադիր տնօրեն Կարեն Մելքումյանը նշեց, որ իրենց մոտ վերակենդանացման, ինտենսիվ թերապիայի և նորածնրային բաժանմունքում այս պահին 12 երեխա է գտնվում. «Ներկա պահին գերծանրաբեռնված է մանկական բաժանմունքը, որտեղ պառկած են բրոնխոթոքային պաթոլոգիաներով հիվանդները և նորածնային նորածնային և վերակենդանացման բաժանմունքը, որտեղ այս պահին գտնվում է 12 երեխա: Նրանց գերակշիռ մեծամասնության վիճակը գնահատվում է կայուն ծանր: վերակենդանացման բաժանմունքում գտնվողն 4 ամսական երեխան ծայրահեղ ծանր վիճակում է: Նրա կյանքին վտանգ է սպառնում»,-ասաց նա:

ՀՀ մասնագետների հետ խորհրդակցելով առցանց կապով Արցախի բժիշկները փոքրիկին անհրաժեշտ բուժօգնություն են ցուցաբերում, բայց Երևան տեղափոխելու անհրաժեշտություն կա:

News.am