2022-12-20 08:16
Информагентства
Բորել. ԵՄ-ն անցումային թիմի հետ ներգրավվածության նոր փուլ է սկսում Հարավային Կովկասում
ԵՄ-ն անցումային թիմի հետ ներգրավվածության նոր փուլ է սկսում Հարավային Կովկասում, որը հող կնախապատրաստի Հայաստանում ԵՄ հնարավոր երկարաժամկետ առաքելության համար՝ տարածաշրջանում կայուն խաղաղության խթանման վերջնական նպատակով: Այս մասին ասվում է ԵՄ գլխավոր դիվանագետ Ժոզեպ Բորելի հայտարարության մեջ։
Նշվում է, որ այսօր Հայաստանում ԵՄ մոնիտորինգի խումբը (EUMCAP), որը գործարկվել է հոկտեմբերին, ավարտում է իր մանդատը։
«Հայաստանի, Ադրբեջանի, Եվրոպական խորհրդի և Ֆրանսիայի ղեկավարների միջև պայմանավորվածության հիման վրա հոկտեմբերի 20-ին EUMCAP-ը տեղակայվել է Ադրբեջանի հետ միջազգային սահմանի հայկական կողմի երկայնքով՝ տեղում իրավիճակը վերահսկելու, վերլուծելու և զեկուցելու համար։
Մոնիտորինգի հարցով 40 եվրոպացի փորձագետների տեղակայումը արդյունավետ է եղել և նպաստել է անկայուն իրավիճակում վստահության ձևավորմանը: Այսօր մենք Հարավային Կովկասում ԵՄ ներգրավման նոր փուլ ենք սկսում անցումային թիմով, որը հող կնախապատրաստի Հայաստանում ԵՄ հնարավոր երկարաժամկետ առաքելության համար՝ տարածաշրջանում կայուն խաղաղությանը նպաստելու վերջնական նպատակով:
Այս ֆոնին Խորհուրդը, համաձայնեցնելով Հայաստանի իշխանությունների հետ, որոշել է, որ Վրաստանում ԵՄ դիտորդական առաքելությունը (EUMM Georgia) օգնության ժամանակավոր խումբ կուղարկի Հայաստան՝ անվտանգության իրավիճակի մասին ԵՄ իրազեկությունը բարձրացնելու և պլանավորման ու երկրում հնարավոր քաղաքացիական առաքելության և նախապատրաստման մեջ իր ներդրումն ունենալու համար։ Անցումային պլանավորման օգնության խումբը կաջակցի Եվրոպական խորհրդի նախագահ Շառլ Միշելին Հայաստանի և Ադրբեջանի միջև հարաբերությունների կարգավորման գործընթացում, որն իրականացվում է ԵՄ աջակցությամբ»,- նշվում է հայտարարության մեջ։
News.am
ПОСЛЕДНИЕ ОТ АВТОРА
-
New2025-06-03 11:46Варварская бакинская администрация усиливает антиармянские настроения, угрожая безопасности Армении, считает заведующий Кафедрой иранистики факультета востоковедения ЕГУ Вардан ВОСКАНЯН.
-
New2025-06-03 11:43Отставка начальника полиции Армении Арама Ованнисяна может быть связана с недовольством премьер-министра Никола Пашиняна организацией безопасности в день празднования его 50-летия. Об этом пишет газета "Грапарак".
-
New2025-06-03 11:40Руководитель офиса Владимира Зеленского Андрей Ермак вылетел в США. Об этом пишет "СТРАНА.ua".
-
New2025-06-03 11:39Соединенные Штаты закрыли две военные базы в Сирии и передали еще одну под контроль курдских "Сирийских демократических сил" (СДС) в рамках постепенного сокращения военного контингента. Об этом сообщил представитель Пентагона в интервью телеканалу Al Arabiya. Его слова приводит ТАСС.