2022-12-20 08:17
Информагентства
Պուտինը Լուկաշենկոյի հետ քննարկել է միասնական պաշտպանական տարածքի ստեղծման հարցը
Ռուսաստանի նախագահ Վլադիմիր Պուտինը հայտնել է, որ Բելառուսի նախագահ Ալեքսանդր Լուկաշենկոյի հետ քննարկել է միասնական պաշտպանական տարածքի ստեղծման հարցը:
«Իհարկե, այսօրվա բանակցությունների ընթացքում մանրամասն քննարկել ենք թե՛ միասնական պաշտպանական տարածքի ձևավորման, թե՛ Միութենական պետության անվտանգության ապահովման հարցերը, ինչպես նաև համագործակցությունը Հավաքական անվտանգության պայմանագրի կազմակերպության շրջանակներում՝ հաշվի առնելով այն, որ ՀԱՊԿ-ում նախագահությունը հունվարի 1-ից անցնում է Բելառուսին»,- ասել է Պուտինը՝ ամփոփելով բանակցությունների արդյունքները:
ՌԴ նախագահը նշել է, որ Լուկաշենկոյի հետ բանակցություններն արդյունավետ են անցել։ ՌԴ-ն և Բելառուսը պայմանավորվել են շարունակել համատեղ զորավարժությունները։
«Հիշեցնեմ, որ Ռուսաստանի և Բելառուսի ընդհանուր ռազմական դոկտրինի հետևողական իրականացման շրջանակներում համատեղ ռազմական պլանավորում է անցկացվում։ Գործում է ռուս-բելառուսական տարածաշրջանային զորախումբը։ Ներկայում Բելառուսի տարածքում անցկացվում են մեր երկրի միավորումների և զորամասերի մարտական ներդաշնակեցման միջոցառումներ»,-ասել է Ռուսաստանի ղեկավարը։
Նրա խոսքով՝ «ստեղծվել և մարտական հերթապահություն է իրականացնում հակաօդային պաշտպանության միասնական համակարգը»։
Ռուսաստանի նախագահը հայտարարել է նաև, որ Մոսկվան և Մինսկը համատեղ միջոցառումներ կձեռնարկեն երկրների անվտանգության հուսալի ապահովման համար, առաջնահերթության մեջ են զորքերի նախապատրաստման հարցերը:
«Պայմանավորվել ենք այսուհետ ևս համատեղ ձեռնարկել բոլոր անհրաժեշտ միջոցները մեր երկու երկրների անվտանգության հուսալի ապահովման համար, առաջնահերթ ուշադրություն դարձնել զորքերի նախապատրաստմանը, նրանց մարտունակության բարձրացմանը և շարունակել համատեղ վարժանքների և օպերատիվ ու մարտական պատրաստության այլ միջոցառումների կանոնավոր պրակտիկան»,-ասել է Պուտինը:
Բացի այդ, կողմերը պայմանավորվել են զբաղվել նոր ռազմական տեխնիկայի ստեղծմամբ։
«Իրականացնել պահանջված սպառազինությունների փոխադարձ մատակարարումներ և միասին զբաղվել նոր ռազմական տեխնիկայի արտադրությամբ»,-ասել է ՌԴ նախագահը:
Sputnik Արմենիա
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.