2022-12-20 17:21
Соб.инф.
0
ՍԱՀՄԱՆԱՊԱՀ ՉԻՆԱՐԻՈՒՄ ԱՌՈՂՋԱՊԱՀԱԿԱՆ ԿԱՐԵՎՈՐ ՀԱՐՑԵՐ ԵՆ ԼՈՒԾՎԵԼ
Վիվա-ՄՏՍ-ն ու «Աթենաս» բարեգործական հիմնադրամն ամփոփել են պիլոտային ծրագրի արդյունքը
Հայրենիքն սկսվում է սահմանից: Այն պաշտպանելու պատրաստակամությունը կարող է դրսևորվել ոչ միայն զինվորագրվելու, այլև տարբեր ծրագրեր իրականացնելու միջոցով: Այս տրամաբանության շրջանակում, պիլոտային կարևոր՝ ատամնաբուժական անվճար ծրագիր է իրականացվում սահմանապահ Չինարի գյուղում: Շուրջ քառասուն տարվա տխուր իրականությունը հաջողվել է փոխել Վիվա-ՄՏՍ-ի ու «Աթենաս» բարեգործական հիմնադրամի գործընկերության արդյունքում:
Տեխնիկապես ոչ կիրառելի, ֆունկցիոնալ որեվէ հնարավորություն չունեցող բուժկետի ատամնաբուժական նախկին աթոռը փոխարինվել է նոր ու ժամանակակից աթոռով: Առավելապես հանգստյան օրերին՝ մայրաքաղաքից Չինարի ժամանող մասնագետներն աշխատում են կամավորության սկզբունքով: Ակնկալվող արդյունք ստանալուն նպաստում են նվիրումն ու ֆունկցիոնալ բոլոր հնարավորություններով օժտված՝ բարձրակարգ, ժամանակակից սարքավորումների առկայությունը: Ծրագիրը չինարեցիներին թույլ է տալիս բուժում ստանալ առավելագույն հարմարավետությամբ. ռենտգեն հետազոտություն անցնել և ախտորոշում ստանալ բժշկական աթոռից չիջնելով, ինչպես նաև մոռանալ գյուղից մարզկենտրոն մեկնելու՝ նախկինում ձևավորված անհրաժեշտությունը: Շտապ դեպքերում սպասարկումից բացի, հասանելի են բուժումը, պլոմբավորումը, պրոթեզավորումը:
Ատամնաշարի՝ տարիների բարձիթողի վիճակի և սթրեսի պատճառով խորացած խնդիրները լուծելու համար, մայրաքաղաքից ժամանած մասնագետները ձգտում են աշխատել առավելագույն ծանրաբեռնվածությամբ: Այցելուների գրանցմանը և կարիքների գնահատմանը զուգահեռ՝ առաջարկվում է նաև բուժում: Արդեն իսկ աջակցություն է ստացել տարբեր խնդիրներ ունեցող 65 բուժառու: Պրոթեզավորման անհրաժեշտություն ունեցողների համար կազմակերպվել է նվազագույնը 5 այց: Աջակցություն ստանալու իրենց հերթին դեռևս սպասում է գրանցված 60 չինարեցի: Լավագույն բուժումը համարելով կանխարգելումը՝ բժիշկ-կամավորները Չինարիի դպրոցականների շրջանում ատամների խնամքի վերաբերյալ դասընթաց են նախաձեռնել:
«Սահմանապահ գյուղերի բնակիչներն ապրում են սթրեսի պայմաններում: Մարդիկ կան, որ հագուստով են քնում, որովհետև չգիտեն՝ գիշերն ինչ կլինի: Այդ սթրեսն առաջացնում է առողջական խնդիրներ: Շատ կարևոր է, որ Վիվա-ՄՏՍ-ն այս տարի դարձավ մեր գործընկերը: Դրա շնորհիվ մենք կարողացանք իրականացնել այս պիլոտային ծրագիրը: Հայրենիքին օգուտ տալու համար պարտադիր պայման չէ զենք վերցնելը, թեև պետք է նաև դրան պատրաստ լինել: Հայրենիքին օգուտ տալու տարբեր ձևեր կան: Դրանցից մեկն էլ նման ծրագրերն ու կամավորական լինելու պատրաստակամությունն է»,- ասել է «Աթենաս» բարեգործական հիմնադրամի գործադիր տնօրեն Հրաչյա Գրիգորյանը:
Շուրջ երեք ամիս իրականացվող ատամնաբուժական պիլոտային անվճար ծրագիրը կավարտվի տարեվերջին: Չինարիի վարչական ղեկավար Սամվել Սաղոյանը կարևոր է համարում Վիվա-ՄՏՍ-ի և «Աթենաս» բարեգործական հիմնադրամի աջակցությունը:
Չինարիում Վիվա-ՄՏՍ-ի գործունեությունը հասցրել են գնահատել ոչ միայն որպես տեղեկատվական ու հեռահաղորդակցային ընկերություն, այլև կորպորատիվ սոցիալական պատասխանատվությամբ առաջնորդվող կառույց: Տարիների ընթացքում Վիվա-ՄՏՍ-ը վերանորոգել է գյուղի մանկապարտեզը, լուսադիոդային փողոցային լուսավորության համակարգ է գործարկել, կառուցել է խմելու ջրի պոմպակայան և ոռոգման համակարգ:
Галерея (8 фото)
ПОСЛЕДНИЕ ОТ АВТОРА
-
2024-11-21 16:1521 ноября на перегоне Советакан-Эчмиадзин на неохраняемом переезде автомобиль марки «БМВ» в нарушение правил дорожного движения выехал на железнодорожные пути, не остановившись перед знаком «СТОП». В результате произошло столкновение автомобиля со следующим по перегону тепловозом компании «Южно-Кавказская железная дорога».
-
2024-11-20 19:12Америабанк примет участие в форуме EngageArmenia2024, который пройдет 23 ноября в Дубае. Форум является динамичной площадкой для предложений, предусмотренных для соотечественников из диаспоры, с возможностью проведения панельных дискуссий и установления новых связей.
-
2024-11-20 10:33Ситуация с отставками - показуха, а не попытка приведения в соответствие с требованием борьбы с коррупцией правоохранительной системы страны. Почему? Потому что с должности не снят Генеральный прокурор!
-
2024-11-19 15:564 года назад в этот самый день произошло 2 важных события, которые должны были стать частью нашей коллективной памяти, пишет эксперт по информационной безопасности Карен Вртанесян.
ПОСЛЕДНЕЕ ПО ТЕМЕ
-
2023-09-18 18:43«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: