2022-12-21 09:08
Информагентства
ԱՄՆ. Լաչինի միջանցքի շուրջ ստեղծված իրավիճակը խաթարում է խաղաղ գործընթացը
ԱՄՆ-ը խորապես մտահոգված է Լաչինի միջանցքի օգտագործման հարցում ներկայիս խոչընդոտներով և այս իրավիճակի մարդասիրական աճող հետևանքներով։ Այս մասին ասել է ՄԱԿ-ում ԱՄՆ ներկայացուցիչ Ռոբերտ Վուդը Անվտանգության խորհրդում Լաչինի միջանցքում տիրող իրավիճակի վերաբերյալ Հայաստանի հայտարարության հիման վրա հրավիրված քննարկման ժամանակ։
«Հստակ հայտարարում եմ, որ Լաչինի միջանցքի օգտագործման խոչընդոտները հետ են շպրտում խաղաղ գործընթացը՝ խաթարելով միջազգային վստահությունը այս գործընթացի նկատմամբ։ Այս իրավիճակը կարող է հանգեցնել պոտենցիալ սարսափելի մարդասիրական հետևանքների: Մենք կոչ ենք անում Ադրբեջանի կառավարությանը և միջանցքի անվտանգության համար պատասխանատու մյուս կողմերին հնարավորինս արագ վերականգնել տեղաշարժի ազատությունը, այդ թվում՝ մարդասիրական և առևտրային տրանսպորտի համար։ Մեզ ոգևորում է Լեռնային Ղարաբաղի բնակչության գազամատակարարման վերականգնումը։ Այս ծառայողներին խոչընդոտելու ցանկացած փորձ սպառնալիք է Լեռնային Ղարաբաղի խաղաղ բնակչության համար։ Սա անընդունելի է։ ԱՄՆ-ն այսուհետ ևս կոչ կանի բոլոր կողմերին ցուցաբերել զսպվածություն ու անհապաղ դադարեցնել խաղաղ գործընթացը խաթարող բոլոր քայլերը և հարգել միջազգային մարդասիրական իրավունքով ստանձնած պարտավորությունները:
Հայաստանի և Ադրբեջանի չլուծված խնդիրները պետք է կարգավորվեն խաղաղ բանակցությունների միջոցով. Բանակցությունները կայուն խաղաղության հասնելու միակ ճանապարհն են։ Միջազգային հանրությունը պետք է անի հնարավոր ամեն ինչ և աջակցի դիվանագիտական ճանապարհով խաղաղության հասնելու ջանքերին։
Ժամանակը ցույց է տվել, որ այս հակամարտությունը չի կարող ունենալ միակողմանի, ռազմական լուծում։ Երկու կողմերն էլ պետք է հայտարարեն դիվանագիտական գործընթացին իրենց հավատարմության մասին և վերականգնեն հաղորդակցության ուղիղ խողովակները։ Բոլոր կողմերը պետք է ակտիվացնեն դիվանագիտական շփումները և առաջընթացի հասնեն հարաբերությունների կարգավորման ուղղությամբ համապարփակ խաղաղ համաձայնագրի միջոցով։ Պետք է հասնել բոլոր առկա խնդիրների համապարփակ կարգավորմանը։ ԱՄՆ-ը հավատարիմ է կայուն զինադադարին և այս հակամարտության խաղաղ լուծմանը: Մենք դեռ ակտիվորեն մասնակցում ենք այս նպատակին հասնելու երկկողմ, բազմակողմ ձևաչափերին: Պատրաստ ենք այսուհետ ևս նպաստել Երևանի և Բաքվի միջև երկխոսությանը»,- նշել է նա։
News.am
ПОСЛЕДНИЕ ОТ АВТОРА
-
New2025-06-13 12:13Иранские власти сообщили Международному агентству по атомной энергии (МАГАТЭ), что ядерные объекты в Исфахане и Фордо не пострадали. Об этом заявил глава МАГАТЭ Рафаэль Гросси. Его слова приводит ТАСС.
-
New2025-06-13 12:11МИД Армении осудил атаку Израиля на Иран и призвал к немедленному прекращению боевых действий.
-
New2025-06-13 12:10Цены на нефть взлетели на 13% на фоне опасений, что конфликт может ограничить поставки.
-
New2025-06-13 11:44Военные удары израильских сил по Тегерану унесли жизни по меньшей мере шести иранских ученых-ядерщиков, сообщает Tasnim.