2022-12-22 15:12
Информагентства
ԱԽ քարտուղար․ Հայաստանը կոչ է անում միջազգային հանրությանը՝ առաքելություն ուղարկել Լաչինի միջանցք
Հայաստանի Հանրապետությունն իր ամբողջ կարողություններն օգտագործում է, որպեսզի կարողանանք օգտագործել բոլոր այն հնարավոր գործիքները, որոնք առկա են, որպեսզի Լաչինի միջանցքը վերադառնա իր բնականոն հունին, այսինքն՝ աշխատի նոյեմբերի 9-ի հայտարարության համաձայն, որտեղ հստակ նշված է, որ ԼՂ-ի կապը Հայաստանի հետ իրականացվում է Լաչինի միջանցքով: Այդ մասին այսօր՝ դեկտեմբերի 22-ին, ԱԺ-ում լրագրողների հետ ճեպազրույցում, անդրադառնալով Հայաստանի կողմից կատարվող աշխատանքին՝ ասաց ՀՀ ԱԽ քարտուղար Արմեն Գրիգորյանը:
Նրա խոսքով՝ նախօրեին տեղի ունեցած ՄԱԿ-ի Անվտանգության խորհրդի նիստում քննարկվել է հարցը, հասցեական կոչեր են եղել, պետք է շարունակել աշխատել այդ ուղղությամբ. «Ե՛վ Հայաստանի ՀԿ-ները, և՛ հայկական այլ կազմակերպություններ և միջազգային տարբեր կառույցներ կոչեր են հնչեցրել, որպեսզի Լաչինի միջանցքի բացվի: Շարունակում ենք աշխատել այս ուղղությամբ, որպեսզի հնարավորինս արագ Լաչինի միջանցքը բացվի»,- ասաց նա՝ նշելով, որ Լաչինի միջանցքի առումով Հայաստանն աշխատում է միջազգային հանրության հետ:
«Հենց այս պահին Հայաստանի ԱԳՆ-ն աշխատում է, և բոլոր այն կառուցակարգային, ինստիտուցիոնալ հնարավորությունները, որ տալիս է ՄԱԿ-ն իր Անվտանգության խորհրդի կառույցի շրջանակներում, փորձում ենք բոլոր հնարավոր միջոցներով կիրառել, աշխատանքներ կատարել: Եթե կլինեն արդյունքներ, դրանք կհրապարակվեն»,- ասաց Արմեն Գրիգորյանը:
«Հայաստանը կոչ է անում միջազգային հանրությանը՝ դա կլինի ՄԱԿ-ը թե ԵԱՀԿ-ն, թե ԵԱՀԿ ՄԽ-ը, առաքելություն ուղարկել Լաչինի միջանցք, որպեսզի կարողանանք հանգուցալուծել այս իրավիճակը»,- նշեց ԱԽ քարտուղարը՝ ընդգծելով, որ իրավիճակը վտանգավոր է նաև այն տեսանկյունից, որ 120 հազար հայ Արցախում շրջափակման մեջ է և հումանիտար ճգնաժամի առջև է կանգնած:
News.am
ПОСЛЕДНИЕ ОТ АВТОРА
-
New2025-04-07 14:11Министерство обороны Армении опровергло сообщение Баку о якобы обстреле азербайджанских позиций.
-
New2025-04-07 14:05В мире есть субъект, который периодически ссылается на документ, подписанный в Арцахе в сентябре 2023 года, не имеющий правовую силу. И этим субъектом является отнюдь не руководство Азербайджана. Об этом написал на своей странице в Facebook депутат от блока «Армения» Ишхан Сагателян.
-
New2025-04-07 13:59Родители без вести пропавших военнослужащих проводят «акцию молчания» перед зданием правительства РА.
-
New2025-04-07 13:56Россотрудничество планирует открыть контактные, информационные центры Русского дома в ряде городов Армении. Об этом глава Россотрудничества Евгений Примаков заявил на онлайн-конференции с подключением площадки мультимедийного пресс-центра Sputnik Армения.