2022-12-31 15:40
Информагентства
Կոպիրկին․ ՌԴ-ն ու ՀՀ-ն ցույց են տվել դաշնակցային փոխգործակցության պահանջարկը (ՏԵՍԱՆՅՈՒԹ)
ՌԴ–ն մնացել է Հայաստանի հիմնական առևտրային գործընկերը և ներդրողը, հայտարարել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը ամանորյա շնորհավորական ուղերձում՝ ամփոփելով հայ ռուսական հարբերություններում տեղի ունեցած կարևոր իրադարձություններն անցնող տարում։
Խոսելով երկկողմ տնտեսական համագործակցության մասին դեսպանը նշել է, որ դրանք դինամիկորեն զարգացել և ընդլայնվել են, ապրանքաշրջանառությունը աճել է, Իսկ ՌԴ–ն մնացել է Հայաստանի հիմնական առևտրային գործընկերը և ներդրողը։
«Մեզ համար ընդհանուր ինտեգրացիոն միավորումների շրջանակներում խորացել է փոխշահավետ համագործակցությունը»,– ասել է դեսպանը։
Կոպիրկինը բարձր է գնահատել Հայաստանի նախագահությունը Հավաքական անվտանգության պայմանագրի կազմակերպությունում ու հավելել, որ երկու երկրները նաև ակտիվ շահագրգռված են Եվրասիական տնտեսական միության ձևաչափով։
«Կյանքը ցուց է տվել, որ դա նպաստում է մեր երկրների զարգացմանը, ինչպես նաև, որ քիչ կարևոր չէ, իրենց ուժերի վստահության և ինքնիշխանության ամրապնդմանը ներկայիս շատ բարդ ու անհանգստացնող աշխարհում»,– ասել է Կոպիրկինը։
Սերգեյ Կոպիրկինը նշել է, որ Ռուսաստանն ու Հայաստանը անցնող տարում բախվել են անվտանգության և պետականության լուրջ մարտահրավերների ու հստակ ցույց են տվել ռազմավարական դաշնակցային փոխգործակցության արդիականությունն ու պահանջարկը։
«Ռուսաստանը հենվելով եռակողմ պայմանավորվածությունների վրա՝ նախաձեռնողականորեն և հաստատակամորեն աջակցել է Հայաստանի և Ադրբեջանի միջև հարաբերությունների կարգավորման գործընթացին։ Այն ակտիվ դեր է խաղացել լայնածավալ էսկալացիայի կանխման և Հարավային Կովկասում խաղաղության և հանգստության հաստատմանը նպաստելու գործում»,– նշել է նա։
Դեսպանը խոսել է նաև տարածաշրջանում ռուսական խաղաղապահ զորախմբի կարևորության մասին. «Ռուսական խաղաղապահ զորախումբը ներդրում է ունեցել և շարունակում է ունենալ ԼՂ–ի հայ բնակչության անվտանգության և կենսագործունեության ապահովման գործում։ Այս մանրակրկիտ, բազմապլանային աշխատանքը` չնայած առկա բոլոր դժվարություններին, անշու՛տ կշարունակվի»։
Կոպիրկինը նշել է, որ մշակութային փոխանակումների օրակարգը 2022թ–ին աննախադեպ էր իր հագեցվածությամբ։ Անցկացվել են խոշոր միջաոցառումներ` «Հայաստանի մշակույթի օրեր Ռուսաստանում» և «Ռուսաստանի հոգևոր մշակույթի օրեր Հայաստանում»։
«Մեզ միավորում են բազմապլան կապերը ամենատարբեր ոլորտներում, բայց շատ կարևոր է, որ մեր հարաբերությունների անբաժանելի մասն են կազմում սերտ միջմարդկային շփումները»,– ասել է նա։
Իր ուղերձը դեսպանը եզրափակել է՝ երկու երկրներին մաղթելով խաղաղություն և բարգավաճում։
Sputnik Արմենիա
ПОСЛЕДНИЕ ОТ АВТОРА
-
New2025-07-30 13:33Для проверки достоверности слов Никола Пашиняна необходимо сначала представить запись радиопереговоров в автомобилях, которая была уничтожена. Об этом заявил Раффи АСЛАНЯН, адвокат потерпевшей стороны по делу Соны Мнацаканян, погибшей в результате наезда кортежа Никола Пашиняна.
-
New2025-07-30 12:33Предоставление коридора Азербайджану и Турции откроет возможности не для армянского народа, а лишь для правящей в Армении команды. Об этом секретарь парламентской фракции "Честь имею" Тигран Абрамян заявил в соцсетях, комментируя заявления президента Армении Ваагна Хачатуряна, сделанные им в Сюнике.
-
New2025-07-30 12:31В Армении в последние несколько лет зафиксирован рост преступлений, связанных с трафикингом. Об этом сообщил на пресс-конференции замначальника Управления по расследованию преступлений в сфере торговли людьми, направленных против сексуальной неприкосновенности несовершеннолетних и незаконного оборота наркотиков Главного управления Следственного комитета Тигран Киракосян.
-
New2025-07-30 12:30Организованная государством кампания против Армянской апостольской церкви вступает в новую фазу, переходя от внутреннего давления к внешнему, что особенно проявляется во влиянии на диаспору и дипломатическую систему. Об этом говорится в заявлении Всеармянского совета по защите Армянской церкви, поступившем в Новости Армении – NEWS.am.