Ռոբերտ ՀԱՅՐԱՊԵՏՅԱՆ. ՊԵՏՔ ԷՐ ՊԱՊԻԿՅԱՆԻՆ ՆԵՐԳՐԱՎԵԼ ՔՐԵԱԿԱՆ ՎԱՐՈՒՅԹՈՒՄ՝ ՏԱԼՈՎ ՀՍՏԱԿ ԿԱՐԳԱՎԻՃԱԿ
Իրավաբան Ռոբերտ Հայրապետյանը, անդրադառնալով Գեղարքունիքի մարզի Ազատ գյուղում զորամասի կացարանի հրդեհի հետևանքով 15 զինծառայողների զոհվելու դեպքին, գրում է.
«Դեպքից 2 օր անց ունենք պաշտոնական մակարդակով հնչեցված իրարամերժ տեսակետներ և որպես հաստատված փաստ հնչեցվող կարծիքներ, գումարած ամբողջությամբ գլխատված 2-րդ բանակային կորպուս: Ինչ կարվեր, եթե ձևականությունն ու պոպուլիզմը ստորադասվեր օրենքին.
. Նախ պետք է անցկացվեր ծառայողական քննություն և պարզվեր կոնկրետ անձանց մեղավորությունը: Պետք է կասեցվեր առերևույթ մեղսակցություն ունեցող պաշտոնատար անձանց հետագա պաշտոնավարումը մինչև նախաձեռնված քրեական վարույթի և/կամ ծառայողական քննության արդյունքներով ի հայտ եկած փաստերի հաստատումը:
․ «ՀՀ զինված ուժերի ներքին ծառայության կանոնագիրքը հաստատելու մասին» ՀՀ օրենքը կարգավորում է հրդեհային անվտանգության, դրա համար պատասխանատու զինվորականների վարքագծի կանոնները և ոչ միայն: Այսինքն առկա է բավարար իրավական հիմք, պարզելու համար պատասխանատուների շրջանակը:
. Քրեական վարույթի շրջանակներում, եթե չլիներ հպատակված իրավական համակարգ, պետք է պարզվեր թե ինչու ՊՆ-ն ունենալով բավարար միջոց և հնարավորություն, չի ապահովել զորանոցային պատշաճ պայմաններ: Պետք էր պատասխանատու պաշտոնատար անձին` ՊՆ նախարարին ներգրավել քրեական վարույթում տալով հստակ կարգավիճակ: Զորանոցի ընդունման հարցում մեղավորություն ունի նաև ԳՇ պետը, ում գործողությունների պատշաճությունը ևս պետք է դառնա քննության առարկա:
Արդյունքում ունենք աշխատանքից ազատված մի շարք զինվորականներ, որոնց պատասխանատվությունն ու մեղսակցությունը մնում է չպարզված, սակայն որպես քավության նոխազ ու միայն ու միայն գլխավոր մեղավորի կաշին փրկելու համար արված քայլ, սեփական հրամանատարին ծառայության ժամանակ դանակահարած պաշտպանության նախարարը համարում է բավարար»։
ПОСЛЕДНИЕ ОТ АВТОРА
-
2025-07-10 12:00
Прослушка в доме, где проживал арестованный архиепископ Баграт Галстанян, была установлена в кофемашине. Об этом пишет газета "Грапарак" со ссылкой на достоверные источники в СНБ.
-
2025-07-10 11:57
Премьер-министр Армении Никол Пашинян и президент Азербайджана Ильхам Алиев продолжают встречу тет-а-тет за закрытыми дверями. Члены делегации покинули переговорный зал.
-
2025-07-10 11:52
На фоне атак на АРФД мне попалось на глаза видео с участием делегаций армянского правящего режима и представителей Алиева.
-
2025-07-10 11:51
Конгрессмен США (член палаты представителей от Демократической партии) Брэд Шерман выразил озабоченность арестами в Армении инакомыслящих, включая священников. Об этом он написал в соцсети X.