2023-01-23 12:21
Информагентства
0
Վահե ՀՈՎՀԱՆՆԻՍՅԱՆ․ ՎԱՐՉԱՊԵՏԸ ՓԱՍՏԱՑԻ ՉԵՂԱՐԿՈՒՄ Է ԸՆՏՐՈՒԹՅՈՒՆՆԵՐԻ ԱՐԴՅՈՒՆՔՆԵՐԸ. ՀԵՐԹՆ ԸՆԴԴԻՄՈՒԹՅԱՆՆ Է
Մամուլով երեկվանից տեղեկություն տարածվեց, թե վարչապետի գլխավորությամբ Իջևանում մեծ քեֆ են արել։ 15 այրված զինվորի պայմաններում, երբ էդ տղերքի ինքնությունը դեռ ԴՆԹ-ով որոշվում է, վերակենդանացման բաժանմունքներում կյանքի եզրին գտնվող տղերքի պայմաններում, ինչպե՞ս կարող է իշխանությունը քեֆ անել։
Եթե տեղեկությունը ճիշտ է, ապա ընդդիմությունը պետք է սկսի ԱԺ-ում վարչապետին անվստահություն հայտնելու պրոցես և մտնի հասարակության հետ ուղիղ երկխոսության մեջ։ Այսօրվա գերէմոցիոնալ ֆոնին հասարակությունը ճիշտ կարձագանքի։ Ժողովուրդը շոկի մեջ է։ Եթե միայն էթիկական նորմերը խախտելու համար մեղադրում են մեկ հեռուստաընկերության, ապա սա՞ որ բարոյական նորմերի մեջ է տեղավորվում։ Եթե ընդդիմությունը դա չի անում, ապա ծագում է միակ տրամաբանական հարցը՝ բա էլ ո՞րն է ընդդիմության իմաստը, ինչի՞ են պետք այս տեսքով խմբակցությունները։
Վարչապետի պաշտոնանկության մյուս կարևոր քաղաքական հիմնավորումը հետևյալն է. 2021թ-ի արտահերթ ընտրություններին նա Արցախի և մյուս կարևորագույն հարցերի վերաբերյալ իր նախընտրական ծրագրում ժողովրդին ներկայացրել է բոլորովին այլ տեսակետներ, իսկ այսօր իրականացնում է լրիվ հակառակը։ Նիկոլն ինքն այսպիսով չեղարկել է ընտրությունների արդյունքները, բայց դրան քաղաքական պրոցեսի տեսք պետք է տա ընդդիմությունը, որը դա չի անում։ Ավելին, ընդդիմության ներսում որոշումներ կայացնողները դադարել են ժողովրդի հետ շփվել։ Հետաքրքիր է, ինչպե՞ս է ընդդիմությունը պատկերացնում հանրային պրոցես, քաղաքական զարգացումներ գեներացնելը։ Եթե չի պատկերացնում կամ չի ցանկանում, ապա դրա մասին պետք է պարզ ասել հասարակությանը։ Ամեն ինչ վկայում է այն մասին, որ այս տարի Հայաստանում և նրա շուրջ լինելու են մեծ փոփոխություններ։
Վահե Հովհաննիսյան, Այլընտրանքային նախագծեր խումբ
ПОСЛЕДНИЕ ОТ АВТОРА
-
New2024-11-25 12:19В номом правительстве Грузии будет три новых министра: Мака Бочоришвили возглавит МИД, Анри Оханашвили – министерство юстиции, а Давид Сонгулашвили – министерство окружающей среды и сельского хозяйства, заявил премьер-министр Ираклий Кобахидзе. Его слова приводит Sputnik Грузия.
-
New2024-11-25 12:17Аэропорт "Сюник" в Капане проходит модернизацию: установка нового оборудования повысит безопасность полетов и сократит количество отмен рейсов из-за плохих погодных условий. Об этом рассказал директор аэропорта Карен Варданян в интервью Sputnik Армения.
-
New2024-11-25 12:17Работа школ Бейрута приостановлена из-за разрушений от израильских авиаударов. Об этом сообщил катарский телеканал Al Jazeera.
-
New2024-11-25 12:09Основные контуры картины предстоящих выборов уже понятны. По большому счету, это будет выбор не между политическими партиями, это будет выбор видений и пути. Об этом написал на своей странице в «Facebook» соучредитель группы «Альтернативные проекты», эксперт Ваге ОВАННИСЯН.