2023-01-27 16:15
Информагентства
Ալիևը շտապել է «ահաբեկչություն» անվանել Թեհրանում Ադրբեջանի դեսպանության դեմ հարձակումը
Ադրբեջանի նախագահ Իլհամ Ալիևը Թեհրանում Ադրբեջանի դեսպանատան դեմ հարձակումն անվանել է «ահաբեկչություն»՝ պահանջելով հետաքննել միջադեպն «ամենակարճ ժամկետում և մեղավորներին ենթարկել պատասխանատվության»։
Ինչպես տեղեկացվել էր ավելի վաղ, հունվարի 27-ի առավոտյան տղամարդը մտել է Իրանում Ադրբեջանի դեսպանություն և կրակ բացել՝ սպանելով մեկ մարդու և վիրավորելով երկուսին։
Թեհրանի քրեական դատարանի դատախազը տեղեկացրել է, որ կասկածյալը պնդում է, որ անցած տարվա ապրիլին իր կինը գնացել է Թեհրանում Ադրբեջանի դեսպանատուն և տուն չի վերադարձել։ Նրա խոսքով՝ տղամարդը Ադրբեջանի դեսպանատնից որևէ պատասխան չի ստացել իր բազմակի այցելությունների ժամանակ, թե ուր կարող էր անհետանալ իր կինը, և մտածում էր, որ կինը թաքնվում է այնտեղ, Թեհրանում, և չի ցանկանում հանդիպել իր հետ։ «Այսօր առավոտյան ես որոշեցի գալ դեսպանատուն արդեն Կալաշնիկով ինքնաձիգով»,- ասել է նա քննիչներին՝ հավաստիացնելով, որ Թեհրանում դեսպանատան վրա հարձակման պատճառը անձնական էր։
Ավելի վաղ Թեհրանի ոստիկանապետը տեղեկացրել էր, որ հարձակվողը կալանավորվել է ոստիկանության կողմից միջադեպից անմիջապես հետո։
Նրա խոսքով՝ տղամարդը մտել էր դեսպանատուն իր երկու երեխաների հետ։ «Այսօր առավոտյան այդ մարդը մտել է Ադրբեջանի դեսպանատուն հրազենով (АК-47)։ Հարձակման հետևանքով մեկ մարդ զոհվել, երկուսը վիրավորվել են։ Նա նաև նշել է, որ նախնական տվյալներով՝ հարձակվողն ունեցել է անձնական և ընտանեկան պատճառներ։
Իրանի ԱԳՆ-ի ներկայացուցիչ Նասեր Քանաանին ընդգծել է, որ անվտանգության իրանական ուժերն օպերատիվ գործողություններ են ձեռնարկել հարձակվողին կալանավորելու համար, և ներկայում քննություն է ընթանում։ «Այս հարցը կհետաքննվի գերակայության և նրբանկատության բարձրագույն աստիճանով, որպեսզի պարզվեն այս գործողության մասշտաբներն ու հարձակվողի դրդապատճառները»,- ավելացրել է ներկայացուցիչը։
Նա նշել է, որ նախնական հետաքննությունը ցույց է տալիս, որ հարձակվողն ունեցել է անձնական դրդապատճառներ՝ ավելացնելով, որ քննությունը կշարունակվի, իսկ արդյունքների մասին կտեղեկացնեն լրատվամիջոցներին։
News.am
ПОСЛЕДНИЕ ОТ АВТОРА
-
2025-05-21 19:34В МВД Армении заявили, что в ходе акций протеста у здания МИД Армении никто не задержан. Об этом в ведомстве сообщили корреспонденту Armenia Today.
-
2025-05-21 19:33По поручению министра внутренних дел Арпине Саркисян работы по поиску двухлетнего ребенка в Мармарике будут продолжаться. Министр внутренних дел Арпине Саркисян рассказала «Арменпресс» о печальном случае исчезновения двухлетнего Тиграна Петросяна в Мармарике.
-
2025-05-21 18:59Армения претендует на проведение у себя в следующем году саммита европейского политического сообщества, аналогичного недавнему мероприятию в Тиране.
-
2025-05-21 18:57В ходе расследования уголовного дела Антикоррупционным комитетом РА установлено, что в июне 2023 года между Министерством обороны РА и подрядной организацией был заключен договор государственной закупки для выполнения строительных работ в N-ской воинской части Министерства обороны РА, в рамках которого строительные работы были выполнены не в полном объеме, а для некоторых работ были использованы некачественные материалы, стоимость которых в 3 раза ниже запланированной.