Ադրբեջանի ԱԳՆ-ն հակաիրանական հայտարարություն է արել
Ադրբեջանի ԱԳՆ-ն հանդես է եկել հայտարարությամբ, որով «դատապարտել է 2023թ. հունվարի 27-ին Թեհրանում Ադրբեջանի դեսպանության դեմ ահաբեկչական գրոհը դատապարտող միջազգային մի շարք կազմակերպությունների ընդունած հայտարարություններին խոչընդոտելու Իրանի փորձերը»։ Այս մասին տեղեկացրել են ադրբեջանական ԶԼՄ-ները։
«Հունվարի 27-ին Իրանում Ադրբեջանի դեսպանության դեմ կատարված ահաբեկչական գրոհի միջազգային դատապարտման, ահաբեկչության կազմակերպիչների և մեղավորների արագ բացահայտման և պատժման նպատակով համապատասխան միջազգային կազմակերպությունների և հարթակների ընդունմանն են ներկայացվել փաստաթղթեր, որոնք պարունակում են դիվանագիտական հարաբերությունների մասին Վիեննայի կոնվենցիայից բխող պարտավորությունների կատարման կոչեր»,- նշվել է Ադրբեջանի ԱԳՆ-ի հայտարարությունում։
Գերատեսչությունն ընդգծել է, որ Իրանում Ադրբեջանի դիվանագիտական առաքելության դեմ զինված հարձակումը դատապարտել են 100 երկրներ և միջազգային մի շարք կազմակերպությունների քարտուղարություններ՝ իրենց հայտարարություններում ընդգծելով այդ ակտի կատարման մեղավորներին պատժելու անհրաժեշտությունը։
«Իրանական կողմը ձգտել է կանխել միջազգային մակարդակում ահաբեկչական գրոհի մերկացումը միջազգային կազմակերպություններում, որոնց անդամ է հանդիսանում և որոնց որոշումները կայացվում են կոնսենսուսով։ Մասնավորապես, հարձակումից անմիջապես հետո իրանական կողմը բողոքել է կոմյունիկեների և հայտարարությունների նախագծերի դեմ, որոնք ներկայացրել է Ադրբեջանը Չմիանալու շարժման համակարգող բյուրո և Ասիայում փոխգործակցության և վստահության միջոցների խորհուրդ, և խոչընդոտել է նշված փաստաթղթերի ընդունմանը»,- նշել է Ադրբեջանի արտաքին գործերի նախարարությունը։
ԱԳՆ-ն նշել է, որ Չմիանալու շարժման 120 երկրներից միայն Սիրիան և Հնդկաստանն են աջակցել Իրանի դիրքորոշմանը։ Այդ երեք երկրների հիմնական պնդումն այն է, որ ահաբեկչական գրոհներն առանձին երկրներում, իբր, ավելի վաղ չեն դատապարտվել Չմիանալու շարժման կողմից, և որ երկկողմ հարցերն այդ երկրների միջև չեն հանվել միջազգային այնպիսի հարթակներ, ինչպիսին է Չմիանալու շարժումը։ Չնայած Շարժումն ընդունել է մի շարք փաստաթղթեր, որոնք դատապարտում են անդամ երկրներում տեղի ունեցած ահաբեկչական գրոհները, դրանցում նշվել է դիվանագիտական առաքելությունների պահպանությունն ուժեղացնելու անհրաժեշտության մասին։
News.am
ПОСЛЕДНИЕ ОТ АВТОРА
-
2024-09-21 15:02
Никол Пашинян получает поздравительные послания по случаю 33-летия Независимости Республики Армения. Как сообщает пресс-служба армянского правительства, в поздравительном послании президента Соединенных Штатов Америки Джо Байдена говорится:
-
2024-09-21 15:01
Президент и премьер-министр России, Владимир Путин и Михаил Мишустин, поздравили премьер-министра Армении Никола Пашиняна с 33-й годовщиной независимости Армении. Об этом сообщает пресс-служба правительства Армении.
-
2024-09-21 14:28
24 сентября в 11:00 в Ереванском военном Пантеоне «Ераблур» состоится церемония закладки фундамента мемориала «Зов Арцаха». Мемориал увековечит память всех отдавших свои жизни за Арцах и тех, кто погиб 25 сентября в результате трагического взрыва на топливном складе под Степанакертом. Новости Армении - NEWS.am
-
2024-09-21 14:26
Лидер протестного движения "Священная борьба" архиепископ Галстанян отреагировал на заявление радикального блока "Национально-демократический полюс" (НДП) о прекращении сотрудничества с ними.