2023-02-04 11:40
Информагентства
Դեսպան Անտոնով․ ԱՄՆ-ն սահմաններ չի ճանաչում
Կիևին ավելի ու ավելի հզոր սպառազինությունների փոխանցումն իրենից ներկայացնում է հակամարտության նպատակաուղղված էսկալացիա ԱՄՆ-ի կողմից։ Փետրվարի 3–ին նման հայտարարություն է արել Վաշինգտոնում Ռուսաստանի դեսպան Անատոլի Անտոնովը` մեկնաբանելով Ուկրաինային GLSDB հեռահար ռումբեր մատակարարելու ԱՄՆ որոշումը։
ԱՄՆ-ն ավելի վաղ հայտարարել էր Ուկրաինային 2,2 միլիարդ դոլարի ռազմական օգնության փաթեթ հատկացնելու մասին։ Փաթեթը ներառում է հակաօդային պաշտպանության միջոցներ, HIMARS-ի հեռահար հրթիռներ և GLSDB հեռահար արկեր: Պենտագոնում հայտարարել են, որ ԱՄՆ-ն Կիևի հայեցողությանն է թողնում հեռահար արկերը Ղրիմին հարվածելու համար օգտագործելու հնարավորությունը։
«Ռուսաստանին ռազմավարական պարտություն հասցնելու իր ձգտման մեջ Վաշինգտոնը սահմանները չի տեսնում։ Կիևի ռեժիմին էլ ավելի հզոր սպառազինությունների փոխանցումն ԱՄՆ-ի կողմից հակամարտության նպատակային էսկալացիա է։ Վարչակազմը «ուկրաինական խաղաթղթի» վրա դրել է գրեթե ամեն ինչ` սեփական միջազգային հեղինակությունը, ամերիկացի հարկատուների փողերը և ուկրաինացի զինվորների կյանքը»,-ասել է Անտոնովը, որի մեկնաբանությունը սոցցանցերում հրապարակել է դեսպանատունը։
Բարձրաստիճան դիվանագետը նշել է, որ նման տեմպերով ԱՄՆ-ն կարող է հասնել «բացարձակ խելագարության», ինչպիսին կլինի, օրինակ, Ուկրաինային կործանիչներ տրամադրելը։
«Վաշինգտոնը դե ֆակտո հովանավորյալներին «քսի է տալիս» ռուսական շրջանների վրա։ Ընդ որում, մեզ համար տարբերություն չկա, երբ մենք խոսում ենք Կիևի հանցագործների հավանական հարձակման մասին Զապորոժիեի, թե Բրյանսկի շրջանների, Ղրիմի, թե Սմոլենշչինայի վրա։ Բոլոր հողերը, որոնք Ռուսաստանի կազմի մեջ են մտել իրենց բնակիչների կամքով, մեր հայրենիքն են, որը մենք պաշտպանելու ենք բոլոր ուժերով»,- ընդգծել է Վաշինգտոնում Ռուսաստանի դիվանագիտական առաքելության ղեկավարը։
Վերջում Անտոնովը հավելել է, որ Ռուսաստանի Դաշնությանը վնաս հասցնելու ցանկացած փորձ դատապարտված է ձախողման:
«Որքան շուտ ԱՄՆ-ում դա գիտակցեն, այնքան ավելի արագ կավարտվի ներկայիս հակամարտությունը»,-ամփոփել է ռուս դիվանագետը:
Ռուսաստանն ավելի վաղ ՆԱՏՕ-ի երկրներին բողոքի նոտա էր հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել էր, որ ցանկացած բեռ, որն Ուկրաինայի համար ռազմամթերք կպարունակի, Ռուսաստանի համար օրինական թիրախ կդառնա։ ՌԴ արտաքին քաղաքական գերատեսչությունում հայտարարել էին, որ ՆԱՏՕ-ի երկրները, Ուկրաինային ռազմամթերք մատակարարելով, կրակի հետ են խաղում։ ՌԴ նախագահի մամուլի խոսնակ Դմիտրի Պեսկովն ընդգծել էր, որ Արևմուտքի կողմից Ուկրաինային զենք տրամադրելը չի նպաստում ռուս-ուկրաինական բանակցությունների հաջողությանը և բացասական ազդեցություն է թողնում։
Sputnik Արմենիա
ПОСЛЕДНИЕ ОТ АВТОРА
-
New2025-07-05 08:02Соучредитель компании Firebird AI, основатель нескольких технологических компаний Размик Овакимян получил гражданство Республики Армения. Паспорт Размику Овакимяну вручил министр высокотехнологической промышленности республики Мхитар Айрапетян.
-
New2025-07-05 07:59Суд принял решение в пятницу арестовать экс-мэра Измира (Турция), представителя оппозиционной Народно-республиканской партии (НРП) Тунча Соера в связи с расследованием дела о коррупции в мэрии. Об этом сообщают турецкие СМИ.
-
New2025-07-05 07:54С созданием AI-центра Армения войдет в мировые топ-10 по числу чипов высокой мощности на душу населения. Об этом сооснователь компаний Team и Firebird Александр Есаян заявил в беседе со Sputnik Армения в ходе технологического форума Vanadzor Tech Week, который проходит 4-6 июля в Ванадзоре.
-
New2025-07-05 07:50Турция следит за ходом мирных переговоров Еревана и Баку, ожидает подписания соглашения, "удовлетворяющего законные требования Азербайджана". Об этом, как передает РИА Новости, заявил президент Турции Реджеп Тайип Эрдоган.