Սիրիայում երկրաշարժի հետևանքով վնասվել է Հալեպի պատմական կենտրոնը

Սիրիայում երկրաշարժի պատճառով վնասվել է Հալեպի պատմական կենտրոնը։ Այս մասին գրում է ՌԻԱ Նովոստին:

Սիրիայում ամենից շատ տուժել է Հին քաղաքը՝ Հալեպի պատմական կենտրոնը։ Շատ հին մզկիթներ ավերվել են։ Այս պահին տեղում աշխատում են փրկարարները, բազմաթիվ մարդիկ դեռ փլատակների տակ են։

Վնասվել է համաշխարհային ժառանգություն համարվող Հալեպի միջնաբերդը ու Հին քաղաքի կենտրոնում գտնվող միջնադարյան ամրացված Մեծ պալատը։ Միջնաբերդը համարվում է աշխարհի ամենահին և ամենամեծ ամրոցներից մեկը (մ.թ. ա. առնվազն 3-րդ հազարամյակի կեսեր):

Հալեպը Սիրիայում մեծությամբ երկրորդ քաղաքն է։ Մինչ սիրիական պատերազմի սկսելը (2011) եղել է երկրի տնտեսական մայրաքաղաքը և ամենախոշոր արդյունաբերական կենտրոնը։ 2005 թ.–ի տվյալներով ՝ Հալեպի բնակչությունը կազմում էր ավելի քան 2,5 միլիոն մարդ։

Հիշեցնենք՝ այսօր հզոր երկրաշարժեր են տեղի ունեցել Թուրքիայում ու Սիրիայում։ Թուրքիայում զոհերի թիվը հասել է 284-ի, վիրավորվել է 2383-ը։

Սիրիայում երկրաշարժի զոհ է դարձել 237 մարդ, վիրավորվել է 639-ը։

Sputnik Արմենիա