2023-02-06 13:44
Информагентства
«Թաթոյան» հիմնադրամ․ ԱԴՐԲԵՋԱՆԻ «ԷԿՈԱԿՏԻՎԻՍՏ»-ՆԵՐԸ ԵՐԳՈՒՄ ԵՆ ՄԻ ԵՐԳ, ՈՐՆ ՈՒՂՂՎԱԾ Է ՀԱՅԵՐԻՆ` ՍՊԱՆՈՒԹՅԱՆ ՈՒ ԱՐՅՈՒՆ ԹԱՓԵԼՈՒ ԿՈՉԵՐՈՎ
Ադրբեջանի կառավարության «էկոակտիվիստ» գործակալն ինստագրամյան իր էջի սթորի բաժնում հունվարի 11-ին տեղադրել է մյուս «էկոակտիվիստ» գործակալների մասնակցությամբ տեսանյութ, որտեղ հայերին ուղղված ադրբեջանական երգով ցույց են տալիս իրենց իրական հայասպան մտադրությունները. ևս մեկ ապացույց, որ նրանք որևէ կապ չունեն շրջակա միջավայրի հետ: Այս մասին ասվում է «Թաթոյան» հիմնադրամի տարածած հայտարարության մեջ:
Մասնավորապես, նրանք միասին երգում են մի երգ, որն Իրավունքի և արդարության կենտրոն «Թաթոյան» հիմնադրամի ուսումնասիրություններով ուղղված է հայերին` սպանության ու արյուն թափելու կոչերով: Տեսանյութի վերջում էլ նա ցույց է տալիս «Գորշ գայլեր» ծայրահեղական ազգայնական ահաբեկչական կազմակերպության սիմվոլը:
Մենք պարզել ենք, որ այս երգը հատուկ գրվել է 2020 թվականի հուլիսին, այսինքն՝ 44-օրյա պատերազմից առաջ` որպես ադրբեջանական քարոզչական քաղաքականության մաս:
Երգի կրկներգի թարգմանությունն այսպիսին է.
Կյանք խլողներ ենք, գնում ենք սպանության
Մենք գնում ենք կյանք խլելու/սպանության
Գետնին մնացած մեր արյան համար արյուն թափելու ենք գնում
Գնում ենք արյուն թափելու
Կյանք խլողներ ենք, գնում ենք սպանության
Մենք գնում ենք կյանք խլելու/սպանության
Գետնին մնացած մեր արյան համար արյուն թափելու ենք գնում
Գնում ենք արյուն թափելու:
«Այս օբյեկտիվ ապացույցը մեր նոր հատուկ զեկույցից է, որն ամփոփման փուլում է և բացահայտում է «էկոակտիվիստ» գործակալներին, թե ովքեր են նրանք իրականում: Նրանց են ոգեշնչում ադրբեջանական իշխանությունները հենց այս հանցավոր մտադրություններով:
Այս փաստը ևս մեկ անգամ հաստատում է, որ Արցախը Հայաստանի և աշխարհի հետ կապող կյանքի միակ ճանապարհը 2022թ. դեկտեմբերի 12-ից ապօրինի փակած, իրենց «էկոակտիվիստներ» հռչակած անձինք իրականում Ադրբեջանի կառավարության գործակալներ են, ադրբեջանական իշխանությունների էթնիկ զտումների քաղաքականության գործիք, հայատյաց մարդիկ:
Ի դեպ, այդ տեսանյութը ջնջել են տեղադրումից կարճ ժամանակ անց»,- ասված է հայտարարության մեջ:
ПОСЛЕДНИЕ ОТ АВТОРА
-
New2025-04-04 16:41Члены Совета по защите прав народа Арцаха объявят о своих дальнейших действиях сегодня вечером. Об этом «ФактИнфо» сообщил член совета Апрес Маргарян.
-
New2025-04-04 16:38«Три иска – со стороны Алена Симоняна: он требует наложения ареста на принадлежащие мне имущество и счета», – написал на своей странице в Facebook журналист Mediahub Ваге Макарян.
-
New2025-04-04 16:36В Ереване накануне 110-й годовщины Геноцида армян, вечером 23 апреля, пройдет традиционное Факельное шествие к мемориальному комплексу "Цицернакаберд".
-
New2025-04-04 16:34Глава МИД России Сергей Лавров в письме азербайджанскому коллеге Джейхуну Байрамову выразил убежденность в том, что координация действий и взаимная поддержка Москвы и Баку на международных площадках будут работать на укрепление стабильности и безопасности на Южном Кавказе.