2023-02-07 19:22
Информагентства
Նույնականացված, բայց ծնողների կողմից չճանաչված աճյունները կհուղարկավորվեն Եռաբլուրում
44-օրյա պատերազմում զոհված զինծառայողների մասունքները, որոնք նույնականացվել են, սակայն ծնողները չեն հավատում այդ պատասխաններին և չեն վերցնում մասունքները, կհուղարկավորվեն «Եռաբլուր» զինվորական պանթեոնում՝ հատուկ հատկացված տարածքում։ Այս մասին NEWS.am-ի հետ զրույցում ասաց Պաշտպանության նախարարի խորհրդական, գեներալ–մայոր Վարդան Ավետիսյանը։
Նրա խոսքով՝ նույնականացված է ավելի քան 80 զինծառայողի աճյուն, որոնք գտնվում են տարբեր դիահերձարաններում։
«Շատ ծնողներ չեն ընդունում ԴՆԹ պատասխանները, անգամ ծնողներ կան, որոնք մասունքները տարել են փորձաքննության այլ երկրներում։ Այդ տղաներին հուղարկավորելու հարցը քննարկվում էր դեռ նախորդ տարվանից, երբ ինձ զանգահարեց փոխնախարար Արման Սարգսյանը և հարցրեց, թե կա նախատեսված տարածք այդ տղաներին հուղարկավորելու համար, ես ասացի, որ այո, միայն թե համապատասխան շինարակական աշխատանքներից հետո։ Այդ ժամանակ անգամ 114 մասունք կար, բայց ամիսների ընթացքում որոշները ճանաչվել են ծնողերի կողմից»,- նշեց Ավետիսյանը։
Վարդան Ավետիսյանի խոսքով՝ հաստատումից հետո Կառավարությունը հանձարարականներ կտա, կսկսվեն շինարարական աշխատանքները, որոնք իրականացնող ընկերությունը կորոշվի նախապես հայտարարված մրցույթով։ Աշխատանքները հավանաբար կավարտվեն 3 ամսվա ընթացքում։
«Եռաբլուրում» արդեն առանձնացված է այն տարածքը, որտեղ կամփոփվեն տղաների աճյունները։ Այդ հողակտորը պետք է հարթեցվի, պատեր տեղադրվեն, կաթիլային համակարգ ներդրվի, կանաչապատվի, որից հետո այդ մասունքները կհուղարկավորեն։ Յուրաքանչյուր մասունքի կտրամադրվի մեկ գերեզմանատեղիի տարածք, ինչպես մյուս զոհերի շիրիմների դեպքում է։
«Դրանց վրա կլինեն փոքրիկ քարեր, որոնց վրա էլ կլինեն խաչեր՝ Առլինգթոնի գերեզմանատան նման, և այդ ամենը կանաչ գոտու վրա։ Խաչի տակ կլինի ԴՆԹ կոդ և տվյալ տղայի ծննդյան և մահվան տարեթիվը։ Անուն-ազգանուն չի գրվի, որովհետև շատ զգայուն և խնդրահարույց հարց է։ Ծնողն այդ թվի միջոցով կիմանա, որ այդտեղ հուղարկավորված է իր որդին։ Եթե ընթացքում ծնողը մտափոխվի, մենք կկարողանանք այնտեղ գերեզմանաքար դնել և նույն կերպ կառուցապատել, ինչպես մյուս տղաներինն են։ Կամ գուցե ծնողները որոշեն տեղափոխել աճյունը ընտանեկան գերեզմանատուն, դրա հնարավորությունը ևս կա»,- ընդգծեց Ավետիսյանը։
ПОСЛЕДНИЕ ОТ АВТОРА
-
New2025-06-19 11:35В новом исследовании, проведенном учеными Чикагского медицинского университета и Колумбийского университета, увеличение потребления фруктов и овощей на 5 чашек (по сравнению с отсутствием потребления) в соответствии с диетическими рекомендациями было связано с улучшением качества сна на 16%. Исследование было опубликовано в журнале Sleep Health.
-
New2025-06-19 11:22"Согласно заявлению, поданному ООО "Пицца Ташир" в инспекцию по контролю за безопасностью пищевых продуктов, в настоящее время контроль осуществляется на всех 36 объектах общественного питания, входящих в данную организацию", - говорится в сообщении на сайте органа.
-
New2025-06-19 11:20Из фракции "Республика" Совета старейшин Еревана сообщают, что член фракции Артак Зейналян сложил мандат Совета старейшин.
-
New2025-06-19 11:17Родственники пропавших без вести военнослужащих провели ночь на проспекте Баграмяна. Проспект перекрыт со вчерашнего дня. В данный момент они беседуют с заместителем начальника полиции. Участники акции требуют отменить решение об увольнении Армена Абазяна.