2023-02-09 19:49
Информагентства
ԵԽ-ի նախագահը Ադրբեջանի խորհրդարանի խոսնակին կոչ է արել անհիմն չմեղադրել ԵԽ պատգամավորներին
Եվրոպական խորհրդարանի նախագահ Ռոբերտա Մեցոլան Ադրբեջանի խորհրդարանի խոսնակ Սահիբա Գաֆարովային ուղղված նամակում վճռական անհամաձայնություն է հայտնել 2022 թ. դեկտեմբերի 20-ին Ադրբեջանի խորհրդարանում ԵՄ-Ադրբեջան խորհրդարանական համագործակցության հանձնաժողովի համանախագահ Թուրալ Գյանջալիևի արած հայտարարություններին։ «Արմենպրես»-ի փոխանցմամբ՝ նամակն իր սոցիալական էջերում հրապարակել է Եվրոպական խորհրդարանում ԵՄ-Հայաստան, ԵՄ-Ադրբեջան և ԵՄ-Վրաստան խորհրդարանական համագործակցության հանձնաժողովների համանախագահ Մարինա Կալյուրանդը:
«Ինչպես հաղորդում են ադրբեջանական լրատվամիջոցները, պարոն Գյանջալիևը մեղադրել է Եվրոպական խորհրդարանին՝ «կոռուպցիայի միջոցով Եվրոպայի խորհրդարանի անդամների ֆինանսավորման մեխանիզմ ստեղծելու համար»: Իր մեղադրանքների համար ոչ մի հիմք չներկայացնելով՝ նա պնդել է, որ «Լեռնային Ղարաբաղում թալանված ոսկու հանքավայրերից ստացված եկամուտները» մտնում են Ադրբեջանի գործողությունները քննադատող խորհրդարանականների գրպանը։ Նա նաև Twitter-ում տարածել է Եվրոպական խորհրդարանում ԵՄ-Ադրբեջան խորհրդարանական համագործակցության հանձնաժողովի համանախագահ Մարինա Կալյուրանդի նկատմամբ ուղղակի անձնական հարձակում պարունակող հոդվածը՝ նրան կեղծ մեղադրանք ներկայացնելով կոռուպցիայի համար», - գրել է Մեցոլան։
Միևնույն ժամանակ, Եվրախորհրդարանի նախագահը պատրաստակամություն է հայտնել՝ շարունակելու լավ հարաբերություններ կառուցել Ադրբեջանի Միլի մեջլիսի հետ՝ փոխադարձ հարգանքի ոգով։
«Դա կարող է ներառել և հաճախ ներառում է կառուցողական քննադատություն, որը, սակայն, պետք է հիմնված լինի փաստերի վրա, այլ ոչ թե անհիմն և զրպարտող պնդումների: Այդ պատճառով ես երախտապարտ կլինեի, եթե Դուք ձեռնարկեիք բոլոր հնարավոր քայլերը՝ ապագայում նման միջադեպերի կրկնությունից խուսափելու համար», - գրել է Մեցոլան Ադրբեջանի խորհրդարանի խոսնակ Գաֆարովային ուղղված նամակում:
ПОСЛЕДНИЕ ОТ АВТОРА
-
New2025-04-09 09:19Генсек ООН Антониу Гутерреш надеется, что введенные США пошлины не приведут к мировой рецессии. Об этом он заявил в рамках пресс-подхода, отвечая на соответствующий вопрос.
-
New2025-04-09 09:17Власти Армении выразили готовность продлить на месяц выплаты вынужденным переселенцам из Арцаха при условии, что организаторы акций протеста арцахцев уберут свою палатку с Площади Свободы в Ереван, заявил сайту ABC media член Совета по защите прав арцахцев Нжде Искандарян.
-
New2025-04-09 09:15В Баку продолжился "суд" над бывшим госминистром Нагорного Карабаха, бизнесменом и филантропом Рубеном Варданяном.
-
New2025-04-09 09:13Верховный суд США разрешил Трампу депортировать иммигрантов по закону военного времени.