2023-02-11 15:46
Информагентства
ՌԴ ԱԳՆ․ Ռուսաստանը պատրաստ է Ուկրաինայի հետ բանակցություններին, բայց առանց նախապայմանների
Ռուսաստանը պատրաստ է Ուկրաինայի հետ բանակցություններին, բայց առանց նախապայմանների, այն իրականության հիման վրա, որը գոյություն ունի։ Այս մասին հայտարարել է Ռուսաստանի փոխարտգործնախարար Սերգեյ Վերշինինը «Զվեզդա» հեռուստաալիքին տված հարցազրույցում:
«Այո, ցանկացած ռազմական գործողություն ավարտվում է բանակցություններով, և մենք, բնականաբար, արդեն ասել ենք, որ մենք պատրաստ ենք նման բանակցությունների։ Բայց միայն բանակցություններին՝ առանց նախապայմանների, այն իրականության հիման վրա, որը գոյություն ունի և հաշվի առնելով այն նպատակները, որոնք մենք հրապարակավ հնչեցրել ենք»,-ասել է նա։
Միևնույն ժամանակ, Վերշինինը նշել է, որ Մոսկվայի հետ բանակցությունների վերաբերյալ որոշումը կայացվում է ոչ թե Կիևում, այլ Վաշինգտոնում և Բրյուսելում, հաղորդում է ՏԱՍՍ-ը։
«Նախ, բանակցություններ արդեն եղել են՝ Մինսկում և Ստամբուլում։ Եվ դուք հիշում եք, որ դրանք ընդհատվել են ուկրաինական կողմից, բայց դուք լավ գիտեք, որ որոշումը Կիևում չի կայացվում, որոշումը կայացվում է այլ մայրաքաղաքներում, առաջին հերթին՝ Վաշինգտոնում, Բրյուսելում։ Ուստի պետք է դիմել նրանց»,-հավելել է նա։
Դիվանագետը նաև մեկնաբանել է ԱՄՆ նախագահ Ջո Բայդենի օրոք նման բանակցությունների հնարավորությունը։ «Դա մեզնից կախված չէ, մենք հստակ ասել ենք մեր դիրքորոշումը, եթե պարոն Բայդենը ողջամտություն, իմաստություն ցուցաբերի, ես նկատի ունեմ նրան և նրա շրջապատին»,-ասել է ՌԴ փոխարտգործնախարարը:
News.am
ПОСЛЕДНИЕ ОТ АВТОРА
-
2025-04-05 15:34Число погибших в результате разрушительного землетрясения в Мьянме возросло до 3354 человек, 4850 получили ранения и 220 пропали без вести, сообщает Reuters.
-
2025-04-05 15:32Арман Овакимян, ранее возглавлявший медцентр "Сурб Григор Лусаворич", и Нарек Манукян, экс-директор Национального центра онкологии им. В.А. Фанарджяна, являются высококвалифицированными специалистами и достойно справлялись с поставленными перед ними задачами. Об этом в беседе с Sputnik Армения заявил директор медцентра "Измирлян" Армен Чарчян.
-
2025-04-05 15:30Для освобождения наших заложников, удерживаемых в Баку, должна была вестись энергичная работа в сфере парламентской дипломатии. С таким заявлением выступила инициатива «Айакве».
-
2025-04-05 15:28Министерство обороны Армении предупреждает о распространении подозрительных Telegram-каналов.