2023-02-13 15:31
Информагентства
Վերջին տարիներին հայրենադարձության տեմպն աճել է. քաղաքացիության համար դիմել է 25.000 մարդ
Վերջին տարիներին Հայաստանում աճել է հայրենադարձության տեմպերը. ՀՀ քաղաքացիություն ստանալու համար 2022 թվականին դիմել է ավելի քան 25.000 մարդ։ Այս մասին լրագրողների հետ զրույցում ասաց Սփյուռքի գործերի հանձնակատարի գրասենյակի ռազմավարությունների մշակման բաժնի պետ Հովհաննես Ալեքսանյանը։
Նշենք, որ 2022 թվականին ՀՀ քաղաքացիություն է ստացել մոտ 15 հազար մարդ։
«Վերջին տարիներին հայրենադարձության տեմպն աճել է, ինչը շատ ուրախալի է։ Քաղաքացիություն ստանալու համար դիմողների թվի այս ցուցանիշը 1991 թվականից ի վեր ամենամեծն է»,– ասաց Ալեքսանյանը։
Նա շեշտեց, որ վերջին 3-4 տարում աշխարհի 40-45 երկրից դիմել են ՀՀ քաղաքացիություն ձեռք բերելու համար, վերադարձել են Հայաստան և մշտական բնակություն հաստատել։
Նա ընդգծեց, որ հայրենադարձության ակտիվացումն ու խթանումը մի շարք կարևոր խնդիրներ է լուծում։ Դրանք են` դեմոգրաֆիական իրավիճակի շտկումը, Հայաստանի մոդեռնիզացումը, հայրենիքում սփյուռքի ներուժի կիրառումը, ինչպես նաև սոցիալ–տնտեսական իրավիճակով պայմանավորված ներդրումների խթանումը։ Ըստ Ալեքսանյանի` հայրենադարձության շնորհիվ լուծվում է նաև հայապահպանության խնդիրը, քանի որ օտար երկրներում ձուլման վտանգ կա։
Նրա խոսքով` հայրենադարձների խնդիրները չեն ավարտվում միայն հայրենիք տեղափոխվելով և քաղաքացիություն կամ կացության կարգավիճակ ստանալով։ Հաճախ պետական լիազոր մարմնին դիմելիս խնդիրներ են առաջանում երեխաներին դպրոցներում, մանկապարտեզներում տեղավորելիս, աշխատանք փնտրելիս, մաքսային գոտով անձնական իրերի տեղափոխման հարցի ժամանակ և այլն։ Խնդիրների լուծման առումով Սփյուռքի գործերի հանձնակատարի գրասենյակը համագործակցում է պետական բոլոր օղակների, ինչպես նաև հասարակական դաշտում աշխատող կազմակերպությունների հետ։
2023 թվականի հունվար ամսվա ընթացքում Սփյուռքի գործերի հանձնակատարի գրասենյակին հայրենադարձության և ինտեգրման հարցերով դիմել է շուրջ 300 մարդ։ Հայրենադարձության գրասենյակը 2022 թվականին ստացել է շուրջ 10.000 դիմում` հայրենադարձության տարբեր փուլերին վերաբերող։ Ալեքսանյանի պնդմամբ` գրասենյակի պատմության մեջ դա աննախադեպ ցուցանիշ է, և այն այս տարի էլ շարունակվելու տենդենց ունի։
Sputnik Արմենիա
ПОСЛЕДНИЕ ОТ АВТОРА
-
New2025-04-09 12:56«Гражданский договор» после выборов в Совет старейшин Гюмри предложил кандидату в мэры от блока «Наш город» Мартуну Григоряну сформировать коалицию и стать мэром Гюмри, пишет газета «Грапарак» со ссылкой на свои источники.
-
New2025-04-09 12:02Армения готова проверить точность предоставленных Азербайджану минных карт с привлечением международных экспертов. Об этом написала в X пресс-секретарь армянского МИД Ани Бадалян.
-
New2025-04-09 12:01Комитет по армянским вопросам Конгресса США, состоящий из 25 членов, направил двухпартийное письмо государственному секретарю Марко Рубио и советнику по национальной безопасности Майку Уолтцу с требованием содействовать процессу освобождения армянских заключенных, незаконно удерживаемых в Азербайджане, и укрепить политику США в контексте расширения американской вовлеченности на Южном Кавказе, защищая суверенитет и безопасность Армении.
-
New2025-04-09 11:45«Согласно публикациям в прессе, «атаман обучающихся» недавно заявил: «Не война была во время моего правления, а я во время войны», – пишет член Группы альтернативных проектов Ваге ОВАННИСЯН.