2023-02-15 15:14
Информагентства
0
Հայաստանը մարդասիրական օգնության երկրորդ խմբաքանակն է ուղարկել Թուրքիա
Հայաստանը մարդասիրական օգնության երկրորդ խմբաքանակն է ուղարկել Թուրքիա։ Տեղեկությունը հայտնում է ՀՀ ԱԳՆ մամուլի խոսնակ Վահան Հունանյանը։
«Հայաստանը շարունակում է մարդասիրական օգնություն ուղարկել երկրաշարժից տուժած շրջաններ։ Երեկ ուշ երեկոյան մարդասիրական օգնության երկրորդ խմբաքանակով բեռնատարները Մարգարայի կամրջով հատել են հայ–թուրքական սահմանը»,– գրել է նա Twitter-ում։
Հայաստանը հումանիտար օգնության առաջին խմբաքանակը Թուրքիա էր ուղարկել փետրվարի 11-ին։ ՀՀ-ի հետ բանակցություններում Թուրքիայի ներկայացուցիչ Սերդար Քըլըչը հայտնել էր, որ հայկական կողմը 100 տոննա օգնություն է ուղարկել Ադիյաման։
Նշենք, որ Արարատ Միրզոյանն այսօր մեկնելու է Թուրքիա, որտեղ տեղի է ունենալու նրա և Թուրքիայի արտգործնախարար Մևլութ Չավուշօղլուի հանդիպումը։ ՀՀ արտգործնախարարը երկրաշարժից տուժած Ադիյաման քաղաքում հանդիպելու է նաև որոնողափրկարարական աշխատանքներ իրականացնող ՀՀ փրկարարական խմբին:
Ավելի վաղ NEWS.am-ը հայտնել էր, որ փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ էր տեղի ունեցել, որն ավերածությունների է հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ էր գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ: Թուրքիայում երկրաշարժի զոհ դարձածների թիվը անցել է 35 հազարից:
Այս երկրաշարժերից հետո ավերածություններ են գրանցվել նաև Սիրիայի մի քանի շրջաններում։ Սիրիայի առողջապահության նախարարության վերջին տվյալների համաձայն՝ երկրաշարժից մահացածների թիվը գերազանցել է 4500–ը: Նշենք, որ որոնողափրկարարական թիմերը Հայաստանից Թուրքիա և Սիրիա են մեկնել փետրվարի 8-ին։
ПОСЛЕДНИЕ ОТ АВТОРА
-
New2024-11-01 04:38Востоковед, старший научный сотрудник Института мировой экономики и международных отношений РАН Виктор Надеин-Раевский прокомментировал Alpha News новость о том, что МИД Армении назвал признание Геноцида армян в Османской империи не главным приоритетом Еревана.
-
New2024-11-01 04:32Фактический отказ армянских властей от процесса международного признания Геноцида армян серьезно ослабляет позиции страны и сводит на нет все многолетние усилия по защите интересов наследников жертв Геноцида. Об этом заявил Sputnik Армения политолог Сергей МЕЛКОНЯН, комментируя заявление министра иностранных дел страны Арарата Мирзояна.
-
2024-10-31 19:50Члены фан-движения Red Eagles выбежали на поле во время матча АПЛ между "Алашкертом" и "Вест Арменией" с требованием отставки президента Федерации футбола Армена Меликбекяна.
-
2024-10-31 19:45Состоялось заседание Клуба адвокатов, на котором обсуждены события, касающиеся закона «О внесении изменений и дополнений в Налоговый кодекс Армении» (далее - Закон). Об этом Новости Армении – NEWS.am сообщили в Палате адвокатов РА.