2023-02-15 15:36
Информагентства
Նորաբակի ղեկավար․ Ադրբեջանցիները մոտ 10 րոպե կրակել են մեր մոտի դիրքերի ուղղությամբ
Երեկ կրակոցների ձայները լսում էինք գյուղում։ Մեր մոտի դիրքերի ուղղությամբ էին կրակում ադրբեջանցիները։ Ուշ իմացանք, որ վիրավոր ունենք։ Այդ մասին «Փաստինֆո»-ի հետ զրույցում ասաց Նորաբակի վարչական ղեկավար Վազգեն Ասատրյանը։
Ասատրյանի խոսքով՝ վաղուց կրակոցներ չեն լսվել, իսկ երեկ մոտ 10 րոպե լսվում էին ձայները։
Ադրբեջանցիների դիրքերը Նորաբակից ընդամենը 1,5 կմ հեռավորության վրա են գտնվում։ Սեպտեմբերյան ագրեսիայից հետո թշնամին ավելի է բարելավել իր դիրքերը՝ վերահսկողություն հաստատելով գյուղի արոտավայրերի ու խոտհարքերի գերակշիռ մասի վրա։
«Գյուղի ամեն մի կետն ադրբեջանցիների նշանառության տակ է։ Արոտավայրերն էլ համարյա ամբողջությամբ իրենց հսկողության տակ են։ Անցած տարի աշնանացանը մի կերպ արել ենք, չգիտեմ գարնանացանը հնարավոր կլինի՞, կթողնե՞ն անենք, թե՞ չէ։ Ձյունը վեր կենա, խնդիրները գլուխ կբարձրացնեն։ Ամենուր խնդիրներ են»,-ասում է Ասատրյանը։
Նորաբակի այն ընտանիքներին, որոնք դեռ անասուն ունեն, քաղաքապետարանը 15-ական տուկ խոտ է տրամադրել։ Վարչական ղեկավարն ասում է՝ գյուղը սարին կպած է, բայց քանի որ ադրբեջանցիները եկել, նստել են մեր տարածքներում, անասուն պահելը գրեթե անհնար է դարձել։ Գյուղում, որի եկամտի հիմնական աղբյուրն անասնպատահությունն է եղել տասնամյակներ շարունակ, ներկա դրությամբ անասնագլխաքանակը կտրուկ կրճատվել է։
Ասատրյանը ցավով նկատում է՝ մարդիկ նման անտանելի պայմաններին ստիպված հարմարվում են, բայց գյուղը զարգացնել, ապրեցնել այս պայմաններում անհնար է։
«Եթե ուզում ենք գյուղը պահենք, զարգացնենք, ադրբեջանցիներին պետք է հանենք մեր տարածքներից»,-համոզմունք է հայտնում Նորաբակի վարչական ղեկավարը։
ПОСЛЕДНИЕ ОТ АВТОРА
-
2025-04-04 19:43Фестиваль российского кино открылся в Ереване в кинотеатре "Москва" с показа фильма "Любовь Советского Союза". Кинокартина повествует о женщине, которую любили на всем постсоветском пространстве.
-
2025-04-04 19:41Евразийский экономический союз (ЕАЭС) и Вьетнам ведут переговоры о либерализации положений соглашения о свободной торговли. Об этом заявил вице-премьер России Алексей Оверчук в эфире телеканала "Россия 24".
-
2025-04-04 19:38Ветераны Великой Отечественной войны из Армении будут присутствовать на торжественных мероприятиях в Москве и Санкт-Петербурге, приуроченных к 80-летию Победы. Об этом посол РФ в Армении Сергей Копыркин сообщил журналистам.
-
2025-04-04 19:37Единый кандидат в мэры Гюмри от оппозиции Вардан Гукасян назвал правильным шагом решение Мартуна Григоряна поддержать его для избрания градоначальником.