2023-02-24 08:56
Информагентства
ԱԽ քարտուղար․ ՀԱՊԿ-ը չի ճանաչում Հայաստանի սահմանները
Հարցն այն չէ, թե կլքի՞ արդյոք Հայաստանը ՀԱՊԿ-ին, այլ այն, թե կլքի՞ արդյոք ՀԱՊԿ-ը Հայաստանին։ ՀԱՊԿ-ը չի ճանաչում Հայաստանի սահմանները, սա լուրջ խնդիր է, քանի որ եթե չկան սահմաններ, ուրեմն չկան պատասխանատվության գոտիներ։ Այս մասին FactorTV-ին տված հարցազրույցում ասել է Հայաստանի անվտանգության խորհրդի քարտուղար Արմեն Գրիգորյանը։
«Մենք բարձրացրել ենք այդ հարցը, և այն դեռ չի գտել իր լուծումը։ Հուսով ենք, որ ինչ-որ պահի այս հարցին լուծում կգտնվի։ Առանց սահմանի ճանաչման անհնար է։ Ինչո՞ւ Հայաստանն ընդունեց Ալմաթիի հռչակագիրը որպես սահմանազատման և այլ հարցերի հիմք։ Ըստ այդ փաստաթղթի՝ նախկին խորհրդային հանրապետությունների վարչական սահմանները ճանաչվում են պետական սահմաններ։ Նշանակում է՝ Հայաստանի սահման կա, գուցե ոչ մինչև մի մետր, բայց դա արդեն սահմանազատման խնդիր է։ Հայտնի է, որ Հայաստանի տարածքը 29 800 քառակուսի կիլոմետր է։ Եթե կա կամք, ապա այն կարելի է պաշտպանել։ Բայց կամքի բացակայությունը Հայաստանը պաշտպանելու հնարավորություն չի տալիս»,- հավելել է նա:
Պաշտոնյան կրկնել է, որ Հայաստանի և Ադրբեջանի սահմանը հայտնի է.
«Սակայն Բաքուն ասում է, որ այն անհայտ է՝ հենց դրանով արդարացնելով իր քայլերը։ Նրանք խոսում են Հայաստանում որոշ ադրբեջանական գյուղերի մասին։ Նշանակում է՝ նրանք ընդունում են, որ կա սահման: Իսկ սա նշանակում է, որ նրանք պետք է լքեն Հայաստանի 2021-2022 թվականներին օկուպացված տարածքները»,- ընդգծել է նա։
Անդրադառնալով Հայաստան գազի մատակարարման ժամանակավոր դադարեցմանը՝ Գրիգորյանը պարզաբանել է, թե Ռուսաստանը հայտնել է, որ մատակարարումների խնդիրը տեխնիկական բնույթ է կրում։
«Հուսով եմ, որ սա տեխնիկական հարց է: Եթե Հայաստանը բախվի գազի կամ այլ ուղղության խնդրի, ապա լուծումներ կփնտրենք և կմտածենք այլընտրանքի մասին։ Հայաստանի համար գլխավորը իր խնդիրները լուծելն է։ Իսկ լուծումների որոնումները կարվեն տարբեր վայրերում։ Խնդիրների ծագման դեպքում մենք պատրաստ ենք ձեռնարկել բոլոր քայլերը՝ դրանք լուծելու համար»,- եզրափակել է նա։
News.am
ПОСЛЕДНИЕ ОТ АВТОРА
-
2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.