2023-02-28 18:35
Информагентства
Քայլերթ և լուռ ակցիա՝ ի հիշատակ Սումգայիթի ջարդերի (ՏԵՍԱՆՅՈՒԹ)
Հայաստանում ՄԱԿ-ի գրասենյակի առջև փետրվարի 28-ին կայացավ քայլերթ և լուռ ակցիա՝ Սումգայիթի ջարդերի 35-րդ տարելիցի կապակցությամբ: Ակցիային մասնակցում էին Հայաստանում տարբեր համալսարանների ուսանողներ:
«Արմենպրես»-ի հաղորդմամբ՝ ցույցը մեկնարկեց ԵՊՀ համալսարանի մոտ՝ մասնակիցների կողմից հայերեն և անգլերեն լեզուներով Սումգայիթի ջարդերը, արցախյան 44-օրյա պատերազմը, սեպտեմբերյան դեպքերը և Արցախի շրջափակումը դատապարտող հայտարարություններով:
«Քայլերթի նպատակն է հիշեցնել Սումգայիթի ջարդերի մասին: Ուզում ենք, որ աշխարհը ևս ընդունի այդ փաստը ու Արցախի հանդեպ փոխի դիրքորոշումները: Կարծում ենք աշխարհի լռությունը տարօրինակ է և կարևոր ենք համարում հիշեցնել Սումգայիթում և Բաքվում հայերի դեմ իրականացված վայրագությունների, պետական մակարդակով հանցագործությունների քողարկման և Ադրբեջանի շարունակվող հայատյաց ու ռազմատենչ քաղաքականության մասին»,- ասաց ակցիայի մասնակից ուսանողներից մեկը:
Այնուհետև Ադրբեջանին դատապարտող պաստառներով ակցիայի մասնակիցները շարժվեցին դեպի Հայաստանում ՄԱԿ-ի գրասենյակ, որտեղ լուռ ակցիա անցկացրին: Ցուցարարները պաստառներ էին բարձրացրել` «Կանգնեք Արցախի կողքին՝ արդարության, խաղաղության և ժողովրդավարության համար», «Մի թողեք 120 հազար մարդկանց Ադրբեջանի շրջափակման մեջ», «Աջակցելով Արցախին՝ պաշտպանում եք մարդու իրավունքները» և այլ կոչերով:
Սումգայիթի ջարդեր, Խորհրդային Ադրբեջանի Սումգայիթ քաղաքում ադրբեջանական իշխանությունների կողմից պետական մակարդակով կազմակերպված քաղաքի հայ ազգաբնակչության եղեռն և զանգվածային տեղահանություն, որը տեղի է ունեցել 1988 թվականի փետրվարի 27-29-ն ընկած ժամանակահատվածում։
Փետրվարի 29-ին խորհրդային զորքեր են մտցվել Սումգայիթ, սակայն այդ օրը ևս շարունակվել են բռնարարքներն ու սպանությունները։ Բանակը զենք կիրառելու հրաման չի ստացել և չի օգնել հայերին։ Միայն երեկոյան դիմել է վճռական գործողությունների և կանխել հետագա ջարդերը։
Չնայած միջազգային հանրությունը դեռևս Սումգայիթի ոճրագործությունը չի ճանաչել որպես ցեղասպանություն, բայց այն դատապարտել են Եվրոխորհրդարանը (1988 թ.), ԱՄՆ Սենատը (1989 թ.) և Արգենտինայի խորհրդարանը։
ПОСЛЕДНИЕ ОТ АВТОРА
-
2025-05-23 19:30Бывший президент Армении обвиняется в получении взятки примерно в $3 млн., сообщает Антикоррупционный комитет республики.
-
2025-05-23 19:21Баку с нуля создает "исторический Азербайджан", а Армения отказывается от собственной истории, сказал в интервью Sputnik Армения политолог Карен Игитян.
-
2025-05-23 19:13По состоянию на 17 часов 23 мая на особо охраняемые территории в столице и регионах доставлены 217 транспортных средств участников мероприятий «Последний звонок», 127 из которых управляли несовершеннолетние. Об этом сообщает пресс-служба полиции МВД.
-
2025-05-23 19:07Ложь и фальсификация никогда не смогут стать правдой, как бы часто и восторженно они ни повторялись. Об этом говорится в заявлении Первопрестольного Святого Эчмиадзина в ответ на последние заявления главы Управления мусульман Кавказа Шейха уль-ислама Аллахшукюра Пашазаде.