2023-03-06 15:17
Информагентства
Մետաքսե ՀԱԿՈԲՅԱՆ․ ԱԴՐԲԵՋԱՆԸ ՑԱՆԿԱՆՈՒՄ Է ԳՆԱԼ ՊԱՏԵՐԱԶՄԻ ԵՎ ԴՐԱՆՈՎ ԼՈՒԾԵԼ ԲՈԼՈՐ ՔԱՂԱՔԱԿԱՆ ԽՆԴԻՐՆԵՐԸ
Ադրբեջանը ահաբեկչական գործողություններով ցանկանում է պարտադրել իր օրակարգը, խաղաղության պայմանագրի իրեն ձեռնտու տարբերակը և ազատվել Արցախում ապրող հայերից։ Այս մասին News.am-ի հետ զրույցում ասաց Արցախի ԱԺ «Արդարություն» խմբակցություն քարտուղար Մետաքսե Հակոբյանը։
«Ադրբեջանի արարքը պատերազմական լուրջ գործողություն էր, որը եռակողմ պայմանավորվածության խախտում էր։ Նման գործողությունները պետք է իրական ուշադրության արժանանան միջազգային հանրության կողմից, որովհետև ահաբեկչությունը կարող է դառնալ սովորական երևույթ արդեն բոլոր երկրների համար։ Իրենք երկու տարուց ավելի նման քայլերի են դիմում խուճապ տարածելու համար և տեսնում են, որ հաջողության չեն հասել ու հիմա այլ նպատակ ունեն՝ սպանել, ոչնչացնել, պատերազմի գնալ և այդ պատերազմով լուծել բոլոր քաղաքական խնդիրները։ Կարծում եմ՝ հիմա Ադրբեջանի հեռուն գնացող նպատակը պատերազմի հրահրումն է և նաև Հայաստանը»,- նշեց Մետաքսե Հակոբյանը։
Պատգամավորի կարծիքով՝ Լաչինի փակման հետևանքով Արցախում առաջացած ճգնաժամը ոչ թե հումանիտար է, այլ քաղաքական։ Այն պետք է լուծվի Հայաստան-Ռուսաստան-Ադրբեջան ձևաչափով։
«Ադրբեջանը հստակ ցույց է տալիս, որ իր համար ոչինչ են նոյեմբերի 9- ի փաստաթղթով ձեռք բերված պայմանավորվածությունները։ Եվ սա ապացուցելու կարիք էլ չկա՝ մենք շատ պարզ լսում ենք Ադրբեջանի ծրագրերի մասին՝ ութ գյուղեր, Զանգեզուրի միջանցք և այլն»,- ասաց Հակոբյանը։
Հիեցնենք, որ մարտի 5-ի առավոտյան Արցախի ՊԲ-ն հաղորդագրություն տարածեց՝ հայտնելով, որ ժամը 10։00-ի սահմաններում ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է արձակել ՆԳՆ ոստիկանության անձնագրային և վիզաների վարչության անձնակազմի հերթափոխի մեքենայի վրա։
Թշնամու գործողությունների հետևանքով զոհվել են փոխգնդապետ Արմեն Մայորի Բաբայանը, մայոր Դավիթ Վալերիի Դանիելյանը, լեյտենանտ Արարատ Թելմանի Գասպարյանը:
Լեյտենանտ Դավիթ Աշոտի Հովսեփյանը ստացել է կրծքավանդակի հրազենային վիրավորում։ Վիրավոր ոստիկանը վերակենդանացման բաժանմունքում է, նրա վիճակը կայուն ծանր է՝ թույլ դրական դինամիկայով։
ПОСЛЕДНИЕ ОТ АВТОРА
-
2025-07-12 21:19Член Совета по защите прав арцахцев Артак Мкртчян объявил сидячую забастовку на Площади Свободы.
-
2025-07-12 21:08Пятидесятиметровый флаг Арцаха развернули перед началом митинга на площади Свободы в центре Еревана.
-
2025-07-12 21:05Совет по защите прав арцахцев провёл акцию на площади Свободы в Ереване, требуя от властей Армении комплексных решений проблем перемещенных из Нагорного Карабаха граждан. Один из членов Совета, Апрес Маргарян, заявил, что правительство ограничилось мерами косметического характера и не ответило на ключевые запросы.
-
2025-07-12 21:01Часть азербайджанских рейсов Баку — Нахчыван переведена на новый маршрут полетов через воздушное пространство Армении, сообщают азербайджанские СМИ. Отмечается, что теперь они «преодолевают на 100 км армянского неба меньше, чем раньше».