Moody's գործակալությունը նվազեցրել է ԱՄՆ բանկային ողջ համակարգի կանխատեսումը

Moody's Investors Service միջազգային վարկանիշային գործակալությունը ԱՄՆ բանկային ողջ համակարգի կանխատեսումը կայունից իջեցրել է բացասականի, հայտնում է CNBC-ն։

Վարկանիշային գործակալությունը հայտնել է, որ դա անում է բանկերի ձախողումների լույսի ներքո, ինչը դրդել է կարգավորող մարմիններին միջամտել ավանդատուներին և ճգնաժամից տուժած հաստատություններին փրկելու ծրագրով:

Այս քայլը հետևել է Moody's-ի նախազգուշացմանը, որ ինքը կա՛մ նվազեցնում է վարկանիշը, կա՛մ վերանայման է դնում յոթ առանձին հաստատություններ՝ նվազեցման համար:

Այս քայլերը կարևոր են, քանի որ դրանք կարող են ազդել վարկային վարկանիշների և, հետևաբար, ոլորտի փոխառությունների արժեքի վրա:

Վարկանիշային գործակալությունը, իջեցնելով ամբողջ ոլորտի վարկանիշը, նշել է տուժած բանկերին փրկելու համար ձեռնարկված արտակարգ միջոցառումների մասին։ Ընդ որում, նա հայտարարել է, որ չիրացված վնասներով կամ չապահովագրված ավանդատուներով այլ հաստատություններ դեռ կարող են վտանգի տակ լինել:

ԱՄՆ Դաշնային պահուստային համակարգը (ԴՊՀ) հիմնադրամ է ստեղծել՝ իրացվելիության խնդիրներ ունեցող հաստատություններին կանխիկ դրամի հասանելիություն ապահովելու համար։ Ֆինանսների նախարարությունը աջակցել է ծրագրին 25 միլիարդ դոլարով և խոստացել է, որ SVB-ում և Signature-ում ավելի քան 250000 դոլար ունեցող ներդրողները լիարժեք հասանելիություն կունենան իրենց միջոցներին:

Սակայն Moody's-ը հայտարարել է, որ մտահոգությունները դեռևս պահպանվում են:

Չնայած վարկանիշի իջեցմանը, բանկային բաժնետոմսերը կտրուկ բարձրացել են: Առավոտյան սակարկումների ընթացքում SPDR Bank բորսային հիմնադրամն աճել է գրեթե 6,5%-ով: Հիմնական ինդեքսները նույնպես բարձրացել են՝ Դոու Ջոնսի արդյունաբերական ինդեքսն աճել է մոտ 450 կետով կամ 1,4%-ով։

Երկուշաբթի օրը Moody's-ը նվազեցրեց Signature Bank-ի վարկանիշը և հայտարարել, որ կհեռացնի բոլոր վարկանիշները: Նա հնարավոր իջեցումների համար վերանայման է դրել հետևյալ հաստատությունները՝ First Republic, Intrust Financial, UMB, Zions Bancorp, Western Alliance և Comerica:

Գործակալությունը նշել է, որ ցածր տոկոսադրույքների երկար ժամանակաշրջանը, որը զուգորդվում է կորոնավիրուսային համաճարակի հետ կապված հարկաբյուջետային և դրամավարկային խթանների հետ, բարդացրել է բանկերի աշխատանքը։

Օրինակ, SVB-ն երկարաժամկետ մարման գանձապետական պարտատոմսերի շուրջ 16 միլիարդ դոլարի չիրացված վնաս է կրել։ Եկամտաբերության աճը հանգեցրել է այս պարտատոմսերի հիմնական արժեքի և իրացվելիության խնդիրներ է ստեղծել բանկի համար, որը երկար ժամանակ սիրելի է եղել տեխնոլոգիական ներդրողների համար, որոնք չեն կարողացել ֆինանսավորում ստանալ ավանդական հաստատություններից: SVB-ն ստիպված է եղել վնասով վաճառել այդ պարտատոմսերը՝ իր պարտավորությունները կատարելու համար։

Դրույքները բարձրացել են, քանի որ Դաշնային պահուստային համակարգը պայքարում էր գնաճի դեմ, որը գները հասցրել է իրենց ամենաբարձր մակարդակին վերջին ավելի քան 40 տարվա ընթացքում: Moody's-ը նշել է, թե ակնկալում է, որ ԴՊՀ-ն կշարունակի բարձրացնել տոկոսադրույքները:

Ընկերությունը հայտնել է, թե սպասում է, որ ԱՄՆ տնտեսությունն այս տարվա վերջին կհայտնվի ռեցեսիայի մեջ, ինչը լրացուցիչ ճնշում կգործադրի ոլորտի վրա:

News.am