2023-03-29 13:30
Информагентства
Ռուբեն ՎԱՐԴԱՆՅԱՆ․ ԱՐՑԱԽՈՒՄ ՄԻ ԽՈՒՄԲ ՄԱՐԴԻԿ ՄՅՈՒՍՆԵՐԻ ՀԱՇՎԻՆ ՄԵԾ ԳՈՒՄԱՐՆԵՐ ԵՆ ՎԱՍՏԱԿՈՒՄ (ՏԵՍԱՆՅՈՒԹ)
Արցախում անթույլատրելի իրավիճակ է ստեղծվել, բարձրաստիճան պաշտոնյաների հետ կապ ունեցող մի քանի տասնյակ մարդիկ՝ պայմանավորվելով ռուս խաղաղապահների հետ, բերում են առաջնային նշանակություն չունեցող ապրանքներ և մարդկանց վերջին միջոցների հաշվին մեծ գումարներ են վաստակում։ Այս մասին մարտի 29-ին «Շրջափակման պատճառով Լեռնային Ղարաբաղի տնտեսության կորուստների գնահատման մասին» հաշվետվության քննարկման ժամանակ հայտարարել է «Մենք ենք, մեր սարերը» տարածքային զարգացման գործակալության համահիմնադիր, Արցախի նախկին պետնախարար Ռուբեն Վարդանյանը։
Նա պարզաբանել է, որ այս մարդիկ Արցախ են բերում ձմերուկ կամ ինչ-որ այլ ապրանք, որն առաջնային նշանակություն չունի, որպեսզի գումար վաստակեն։ «Չեմ ուզում թաքցնել, որ դա ամոթ է և անընդունելի»,-նշել է նա։ Նախկին պետնախարարը հավելել է, որ այդ մի քանի տասնյակ մարդկանց մոտ աշխատում են ևս մի քանի հարյուր մարդ, որոնք աշխատավարձ են ստանում, և և մի քանի հազարը գնում է այդ ապրանքները: «Եթե դեկտեմբերին Հանրապետություն էր մտնում օրական 3 մեքենա, ապա հիմա այդ թիվը հասել է 16-ի։ Միևնույն ապրանքները հասանելի չեն բոլորի համար՝ չնայած կտրոնները ներդրվել են հենց դրա համար: Բացի այդ, կտրոնները չեն աշխատում, մարդիկ ստիպված են ապրանքներ գնել ավելի թանկ, քան պետք է արժենան կտրոնով։ Բացի այդ, երկարաձգվել են կտրոնների վավերականության ժամկետները, ուստի ստեղծվում է իրավիճակ, երբ սահմանաչափը սպառած անձը չի կարողանում ժամանակին ստանալ նոր կտրոնը»,-հավելել է նա։
Վարդանյանն ինֆլյացիան համարում է միայն ներհանրապետական գործընթացների հետևանք՝ կոչ անելով սկսել նրանից, թե ով և ինչպես է գնում այդ ապրանքները, ինչ գնով և ինչ քանակով: «Ստեղծված իրավիճակում, երբ մենք պետք է համերաշխ լինենք, կրկին խախտվում է արդարության սկզբունքը։ Դա ավելի շատ վնաս է հասցնում, քան տնտեսական գործոններն ու դրանց հետ կապված ինֆլյացիան»,-եզրափակել է Վարդանյանը։
ПОСЛЕДНИЕ ОТ АВТОРА
-
New2025-07-08 13:19Аресты, анонс штурма Эчмиадзина, рейдерский захват «Элсетей», обыски, драка в НС – всё это обострение связано с политической заявкой Самвела Карапетяна. В преддверии выборов это представляет угрозу для действующей власти.
-
New2025-07-08 13:03Мир между Арменией и Азербайджаном уже есть, война ведь закончилась. Об этом заявил помощник президента Азербайджана Хикмет Гаджиев.
-
New2025-07-08 12:56Никто в Армении не может совершить переворот. Намотайте это себе на ус. Об этом на внеочередном заседании Национального Собрания во время обсуждения ходатайства о даче согласия на возбуждение публичного уголовного преследования в отношении депутата от оппозиционного блока «Армения» Артура Саркисяна заявил 8 июля депутат от правящей партии «Гражданский договор» Хачатур Сукиасян.
-
New2025-07-08 12:54По достоверным данным 168.am, более 100 следователей мобилизованы для масштабных действий в Первопрестольном Святом Эчмиадзине.