2023-03-30 19:08
Информагентства
Դա հաստատում է ԵՄ-ի ապակառուցողական մտադրությունը ․ Զախարովան՝ Ռիտերի խոսքերի մասին
Շատ կարևոր է լսել ոչ թե նրանց, ովքեր երբեք միջնորդ չեն եղել կարգավորման հարցում, ովքեր երբեք չեն բերել հավելյալ արժեք և ովքեր չեն հասել որևէ գործնական արդյունքի, այլ կարևոր է լսել Բաքվին և Երևանին։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանում ԵՄ առաքելության ղեկավար Մարկուս Ռիտերի հայտարարությունը, որ եթե այս տարվա գարնանը Ադրբեջանի կողմից հարձակում չլինի, կարելի կլինի ասել, որ ԵՄ առաքելությունը հաջող է անցել։
«Հասկանում եք՝ սա է այս ամբողջ խնդրի առանցքային պատմությունը: Պետք է լսել, լսել և գործել երկու երկրների շահերից ելնելով։ Այո՛, մենք հիանալի հասկանում ենք, որ երկու երկրների տարբեր տեսակետներ կան, երբեմն՝ տրամագծորեն հակառակ։ Այո, մենք հիանալի հասկանում ենք, որ լինում են ծայրահեղ բարդությունների, սրացումների և այլնի ժամանակաշրջաններ։ Բայց միևնույն ժամանակ մենք ֆիքսում ենք և այն, որ կողմերը կարող են պայմանավորվել։ Գլխավորը նրանց համար համապատասխան մթնոլորտ, նման պայմանավորվածությունների, փոխըմբռնման համապատասխան հիմք ստեղծելն է և այդ փոխըմբռնմանը նպաստելը։ Այլ ոչ թե հակառակը։ Հիմա հակառակի մասին հարցին. այս հայտարարությունները միայն հաստատում են մեր կողմից հնչեցված եզրակացությունների վավերականությունը այս տարածաշրջանում Եվրամիության ապակառուցողական մտադրությունների և գործողությունների վերաբերյալ։ Բրյուսելն ակնհայտորեն շահագրգռված չէ Ադրբեջանի և Հայաստանի միջև վստահության և մերձեցման ձևավորման հարցում, և իր ապաշնորհ, անընդհատ, ոչ պրոֆեսիոնալ, ոչ խելամիտ, ոչ ազնիվ գործունեությամբ նրանք հակասություններ են հրահրում Բաքվի և Երևանի միջև։ Եվ, իմ կարծիքով, մենք բոլորս տեսնում ենք դա, և դա թաքցնել պարզապես հնարավոր չէ»,- ասել է դիվանագետը։
Նա նաև կարծիք է հայտնել, որ հաջող միջնորդության որևէ օրինակ չկա «Արևմուտքի և ԵՄ-ի միջև ոչ միայն դժվար, այլ ամենաբարդ հակամարտություններում. «Իհարկե, ցավալի է, որ ԵՄ-ն չի մտածում, թե Անդրկովկասում խաղաղության ու կայունության համար ինչ անկանխատեսելի հետևանքների կարող է հանգեցնել անպատասխանատու քաղաքականությունը։ Կոչ ենք անում հրաժարվել նման առճակատման սցենարներից։ Եվ ուզում եմ հիշեցնել, որ հենց Ռուսաստանի Դաշնության ջանքերով հաջողվեց կասեցնել Հայաստանի և Ադրբեջանի միջև բախումը 2020 թվականի աշնանը, 2022 թվականի սեպտեմբերին։ Բաքվի և Երևանի միջև հարաբերությունների բարելավման համար Ռուսաստանի Դաշնության, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ համաձայնագրերի և դրան հաջորդած պայմանագրերի լիարժեք կատարմանը այլընտրանք չկա։
News.am
ПОСЛЕДНИЕ ОТ АВТОРА
-
New2025-07-10 19:24В Турции разгорелся скандал вокруг карикатуры, опубликованной в известном сатирическом журнале LeMan, который уже более 30 лет высмеивает власть. Из-за рисунка, на котором изображены два персонажа – бородатый мужчина в такия (традиционная мусульманская шапочка), представившийся Мухаммедом, и мужчина в цилиндре, напоминающий хасидского еврея, по имени Муса, – полиция ворвалась в редакцию и арестовала сотрудников. На фоне горящих зданий и летящих ракет оба персонажа изображены с крыльями, пишет Index on Censorship.
-
New2025-07-10 19:19Россия в контексте угроз США в адрес БРИКС призывает к компромиссам. Об этом, как передает РИА Новости, заявил замглавы российского МИД Сергей Рябков.
-
New2025-07-10 19:15Прошедшие с утра обыски, последовавшие за ними аресты и весь сопутствующий процесс не имеют отношения к праву. Это действия по "указке" сверху, мишенью которых стала партия Дашнакцутюн (АРФД), поэтому адвокаты приняли решение не участвовать в происходящем и не легитимизировать процесс своим присутствием. Об этом в беседе со Sputnik Армения заявил адвокат Сергей Арутюнян.
-
New2025-07-10 18:19Рост ВВП Армении в 2025 г. составит около 4,9%. Такая оценка приводится в Региональном экономическом обзоре на лето 2025 г., составленном Евразийским фондом стабилизации и развития.