Մոսկվան կանխելու է իր «դաշնակիցների ներքին գործերին միջամտելու փորձերը»

Ռուսաստանը առաջնային նշանակություն է տալու իր դաշնակիցների և գործընկերների ներքին գործերին միջամտելու փորձերին:

Այդ մասին ասվում է Ռուսաստանի Դաշնության արտաքին քաղաքականության հայեցակարգում, որի հաստատման մասին հրամանագիրը ստորագրել է ՌԴ նախագահ Վլադիմիր Պուտինը։

Փաստաթղթում, մասնավորապես, ասվում է, որ «մերձավոր արտերկիրը խաղաղության, բարիդրացիության, կայուն զարգացման և բարգավաճման գոտու վերածելու նպատակով Ռուսաստանի Դաշնությունը մտադիր է առաջնահերթ ուշադրություն դարձնել զինված հակամարտությունների կանխարգելմանն ու կարգավորմանը, միջպետական հարաբերությունների բարելամվանը և կայունության ապահովմանը՝ ներառյալ «գունավոր հեղափոխությունների» և Ռուսաստանի դաշնակիցների և գործընկերների ներքին գործերին միջամտելու այլ փորձերի կանխումը»։

Ռուսաստանը նաև առաջնահերթություն կտա «Ռուսաստանի, նրա դաշնակիցների և գործընկերների երաշխավորված պաշտպանության ապահովմանը աշխարհում ռազմաքաղաքական իրավիճակի ցանկացած զարգացման դեպքում, տարածաշրջանային անվտանգության համակարգի ամրապնդմանը՝ հիմնված անվտանգության անբաժանելիության սկզբունքի և տարածաշրջանային անվտանգության պահպանման և ամրապնդման գործում Ռուսաստանի առանցքային դերի, Միութենական պետության, ՀԱՊԿ-ի և պաշտպանության և անվտանգության ոլորտում Ռուսաստանի և նրա դաշնակիցների ու գործընկերների փոխգործակցության այլ ձևաչափերի փոխլրացման հիման վրա»:

Փաստաթղթում խոսվում է «Աբխազիայի Հանրապետությանը, Հարավային Օսիայի Հանրապետությանը համակողմանի աջակցության» մասին:

Հայաստանը, Ադրբեջանը և Վրաստանը փաստաթղթում չեն հիշատակվում:

Մեդիամաքս