2023-04-03 13:33
Информагентства
Ամանորի համար նախատեսված նվերներն Արցախի երեխաները կստանան Սուրբ Զատիկի օրերին
Ծաղկազարդի և մանուկների օրհնության օրվանից սկսած՝ առաջիկա շաբաթվա ընթացքում, Արցախի Հանրապետության շուրջ 12500 երեխաներ նվերներ կստանան «Մենք ենք մեր սարերը» տարածքային զարգացման գործակալության կողմից:
«Նվերներ՝ Արցախի երեխաներին» ծրագիրը գործակալությունը նախաձեռնել էր դեռ անցած տարեվերջին: Գործակալության՝ աշխարհի տարբեր երկրներում բնակվող նվիրատուների կողմից այդ նպատակի համար նվիրաբերված միջոցներով նվերները գնվել էին մինչև Արցախի շրջափակումը: Նվերների հանձնումը նախատեսվում էր Ամանորի նախաշեմին, սակայն դեկտեմբերի 12-ից սկսված շրջափակման պատճառով տոնական անակնկալը չստացվեց։
Շրջափակման ամիսների ընթացքում հաջողվել էր Գորիսում պահվող նվերները մաս-մաս տեղափոխել Արցախ, և ապրիլի 2-ից արդեն մեկնարկել է փաթեթների բաժանումը հասցեատերերին ինչպես Ստեփանակերտում, այնպես էլ Մարտունիի, Մարտակերտի ու Ասկերանի շրջաններում:
«Մենք և մեր նվիրատուները, ինչ խոսք, շատ էինք ցանկանում, որ նվերներն արցախցի փոքրիկներին հասնեն Ամանորին, ու երբ պատրաստվում էին փաթեթները, ոչ մեկի մտքով անգամ չէր անցնում, որ դրանք կկարողանանք նրանց բաժանել միայն գարնանը: Բայց կարևորն այն է, որ նվերները, ի վերջո, գտան իրենց «տերերին»: Շրջափակված Արցախում, երբ երեխաները զրկված են բազմաթիվ հնարավորություններից, երբ խախտված են նրանց մի շարք կենսական իրավունքներ, թեկուզ մի փոքր ուրախության պահ նրանց պարգևելը մեզ համար անչափ կարևոր է»,- ասել է «Մենք ենք մեր սարերը» տարածքային զարգացման գործակալության սոցիալական ծրագրերի ղեկավար Արմեն Մանգասարյանը։
«Մենք ենք մեր սարերը» տարածքային զարգացման գործակալությունը ձեռնարկում և իրագործում է Արցախի և Սյունիքի զարգացման նախագծեր՝ համագործակցելով Արցախի Հանրապետության և Հայաստանի Հանրապետության կառավարությունների, ինչպես նաև տեղական, միջազգային և մասնավոր այլ կազմակերպությունների հետ։ «Մենք ենք մեր սարերը» տարածքային զարգացման գործակալությունը հիմնադրել են Ռուբեն Վարդանյանը և նրա գործընկերները։
News.am
ПОСЛЕДНИЕ ОТ АВТОРА
-
2025-06-11 19:52Глава СНБ Армении Армен Абазян провел очередное заседание межведомственной комиссии, занимающейся вопросами пленных, удерживаемых лиц и без вести пропавших, сообщает Служба нацбезопасности.
-
2025-06-11 19:51Координационный совет армянских организаций Франции (CCAF) выступил с заявлением, в котором говорится:
-
2025-06-11 19:48Спасатели извлекли тело пятого погибшего при взрыве газа и пожара в жилом доме в Чамбараке, сообщили Sputnik Армения в пресс-службе МВД.
-
2025-06-11 19:47Представитель администрации Ирана Фатима Мохаджерани заявила, что Соединенные Штаты не имеют права диктовать Ирану, чем он должен обладать, и только иранцы имеют право решать, что необходимо для их национальных интересов. Фатима Мохаджерани сделала это заявление в интервью ливанскому телеканалу Al Mayadeen во вторник вечером.