2023-04-03 13:41
Информагентства
«Ապրելու երկիր»․ Մեր արոտավայրերը հայտնվել են ադրբեջանական նշանառության տակ
Սյունքի մարզի Տեղ գյուղի վարչական տարածքի բնակիչների աշնանացանը մնացել է Ադրբեջանի հաստատված հատվածում։ Այս մասին NEWS.am-ի հետ զրույցում ասաց Տեղ համայնքի «Ապրելու երկիր» խմբակցության ավագանու անդամ Մասիս Զեյնալյանը։
«Անջրդի դաշտավայր էր, որը մարդիկ հիմնականում գարնանացանի և աշնանացանի համար էին օգտագործում, ցորեն ու գարի էին ցանում։ Հենց իրենց փորած մի դիրքում էլ իմ աշնացանն է։ Իրենք դաշտերը վերցրել են ու արոտավայրերն էլ հայտնվել են իրենց նշանառության տակ, հիմա ես, որպես գյուղացի, ի՞նչ անվտանգության երաշխիք ունեմ, որ եթե անասունը տանեմ այնտեղ, պահեմ, չեն կրակի։ Մեր գյուղում շատ են եղել դեպքերը, որ անասուններին գողացել են իրենք»,- պատմեց Զեյնալյանը
Կոնկրետ քանի գյուղացի է այդ դաշտավայրում հողակտոր ունեցել և ինչ վնասներ են կրելու նրանք՝ այս պահին Զեյնալյանն ասել չի կարող, սակայն նշում է՝ ամեն հեկտարի վրա աշխատելու համար գյուղացիները մեծ գումարներ են ծախսել՝ սերմանացու, վառելիք և այլ անհրաժեշտություններ ձեռք բերելու համար։
«Հիմա կարող են մեր վնասը գնահատել, փոխհատուցում տալ, բայց խնդիրը դրա մեջ չէ, բա մեր հո՞ղը, բա մեր անվտանգությո՞ւնը։ Իրենք հիմա ամրաշինական աշխատանքներ են իրականացում, դիրքեր փորում։ Անզեն աչքով երևում են իրենք, բայց գյուղացիների մոտ խուճապ չկա, եթե վախենանք, փախչենք, բա մեր զինվորի թիկունքը ո՞վ է պահելու»,- նշեց նա։
Հիշեցնենք, որ ըստ ԱԱԾ հաղորդագրության՝ Տեղ գյուղի մոտ ադրբեջանական զինված ուժերի տեղակայման ընթացքում ի հայտ են եկել քարտեզների տարընթերցումներ: Որոշ տեղերում ադրբեջանական կողմը, չսպասելով նախապես պայմանավորված ճշգրտումներին, սկսել է դիրքավորվել և իրականացնել ինժեներական աշխատանքներ:
Հայկական կողմի հաշվարկներով հինգ այդպիսի կետ կա, որտեղ ադրբեջանական կողմը սահմանից 100-ից 300 մետր ավելի առաջ է տեղակայվել: Այժմ պայմանավորվածություն է ձեռբերվել, որ երկու կողմերի քարտեզագիրները ճշգրտեն իրավիճակը: Հայկական կողմն իրավիճակին մոտենում է էսկալացիա թույլ չտալու տրամաբանությամբ:
Ավելի ուշ ԱԱԾ-ն հայտնել էր, որ Տեղ-Կոռնիձոր հատվածում հանդիպում է տեղի ունեցել ՀՀ և ԱՀ ներկայացուցիչների մասնակցությամբ և իրականացվել սահմանի ճշգրտման աշխատանքներ, որի արդյունքում տվյալ հատվածում իրավիճակը էականորեն բարելավվել է։
ПОСЛЕДНИЕ ОТ АВТОРА
-
New2025-05-30 19:47В соответствии с частью 1 статьи 166 Конституции Республики Армения правительство Республики Армения выдвинуло кандидатуру Артака Зейналяна на должность судьи Конституционного суда. Об этом говорится в заявлении Председателя Национального Собрания Республики Армения.
-
New2025-05-30 19:46Форум децентрализованного сотрудничества Армения-Франция пройдет в Государственном драматическом театре имени Вагаршяна в Горисе 2-3 июня. Об этом Новости Армении – NEWS.am сообщили в пресс-службе МИД Армении.
-
New2025-05-30 19:43В США арестовали 14 членов армянской мошеннической группировки, которая, по словам следователей, украла в общей сложности 47 миллионов долларов, предназначенных для помощи в рамках борьбы против COVID и представителям малого бизнеса.
-
New2025-05-30 19:41Китай и Армения на взаимной основе поддерживают и уважают суверенитет и территориальную целостность друг друга. Пекин высоко ценит поддержку Ереваном принципа "одного Китая". Об этом заявил новый посол Китая в Армении Ли Синьвей на приеме в Ереване, организованном по случаю старта его дипломатической миссии.