2023-04-04 13:02
Информагентства
Նյու Յորքի Թայմս Սքվերում կանցկացվի ցեղասպանության 108-րդ տարելիցին նվիրված միջոցառում
Նյու Յորքի Թայմս Սքվերում ապրիլի 23-ին, ժամը 13:30-ին կոգեկոչվի Հայոց ցեղասպանության զոհերի հիշատակը: Ինչպես հաղորդում է«Արմենպրես»-ը, ցեղասպանության 108-րդ տարելիցի միջոցառման գլխավոր բանախոսները կլինեն Կոլումբիայի համալսարանի Մարդու իրավունքների ուսումնասիրության ինստիտուտի խաղաղության կառուցման և իրավունքների վերաբերյալ ծրագրի տնօրեն, Արցախում տեղի ունեցած վայրագությունների վերաբերյալ նախագծի հիմնադիր Դեյվիդ Լ. Ֆիլիպսը, ինչպես նաև ԱՄՆ-ում Լեռնային Ղարաբաղի Հանրապետության մշտական ներկայացուցիչ Ռոբերտ Ավետիսյանը:
Միջոցառումը կազմակերպվում է արդեն 39 տարի՝ «Վարդանանց ասպետներ և դուստրեր» կազմակերպության կողմից: Ի դեպ, կազմակերպությունը նաև մարդասիրական մրցանակ կհանձնի բանախոս Դեյվիդ Լ. Ֆիլիպսին:
Միջոցառմանը ելույթ կունենան տարբեր պաշտոնյաներ, ինչպես նաև «Հույսեր» համույթը՝ Սրբոց Նահատակաց հայկական ամենօրյա վարժարանի և Բրուքլինի հայկական դպրոցի սաների հետ միասին:
Թայմս Սքվերում Հայոց ցեղասպանության զոհերի ոգեկոչման արարողության հետ միասին «Վարդանանց ասպետներ ու դուստրեր»-ը կհովանավորի ուսանողական շարադրությունների ամենամյա մրցույթը, որը հայ երիտասարդներին հնարավորություն է տալիս արտահայտելու իրենց ձայնն ու մտահոգությունները ցեղասպանության մասին իրազեկման և մարդու իրավունքների վերաբերյալ: Հաղթողների անունները կհայտարարվեն Հիշատակի երեկոյին:
Հաղորդագրությունում հիշեցվում է, որ և՛ ԱՄՆ Ներկայացուցիչների պալատը, և՛ Սենատը 2019 թվականին միաձայն հայտարարեցին ԱՄՆ-ի կողմից Հայոց ցեղասպանության ճանաչման մասին, որից հետո՝ 2021 թվականի ապրիլի 24-ին, Հայոց ցեղասպանությունը ճանաչեց նախագահ Ջո Բայդենը:
Ըստ հաղորդագրության՝ Հայկական Սփյուռքը կշարունակի իր եռանդուն ջանքերը՝ հիշելու, հարգելու և աշխարհին կրթելու համաշխարհային պատմության այս սահմռկեցուցիչ արաքի մասին, որը Թուրքիայի կառավարությունը մինչ օրս շարունակում է ժխտել:
Թայմս Սքվերում Հայոց ցեղասպանության ոգեկոչման ամենամյա միջոցառումը հովանավորվում է «Վարդանանց ասպետներ և դուստրեր» կազմակերպության կողմից և համահովանավորվում է Հայկական բարեգործական ընդհանուր միության, Ամերիկայի հայկական համագումարի, Ամերիկայի Հայ դատի հանձնախմբի, Հայկական լիբերալ-դեմոկրատական կուսակցության, Թեքեյան մշակութային միության, Ամերիկայի հայ ազգային խորհրդի, Հայ իրավաբանների միության և Ամերիկայի հայ ավետարանչական ընկերակցության կողմից: Մասնակից կազմակերպությունների շարքում են Հայ Եկեղեցու թեմը, Հայ Եկեղեցու Առաջնորդարանը, Հայ Առաջնորդական Եկեղեցին, Հայ Ավետարանական Միությունը, Հայ Կաթողիկե թեմը, Ամերիկայի հայկական ցանցի նյույորքյան գրասենյակը, Նյու Յորքի և Նյու Ջերսիի Հայ մարմնակրթական ընդհանուր միության սկաուտները, ՀՅԴ երիտասարդական միությունը և հայ ազգային երիտասարդական կազմակերպությունները։
ПОСЛЕДНИЕ ОТ АВТОРА
-
New2025-06-11 10:10Мир официально сошёл с ума. Безумие охватило всех — и всё из-за маленькой плюшевой игрушки под названием Labubu, пишет NYP.
-
New2025-06-11 07:33Нынешние власти Армении с их низким рейтингом не смогут консолидировать достаточно большую общественную массу для попытки свержения Католикоса всех армян. Такое мнение в беседе со Sputnik Армения выразил богослов, преподаватель кафедры истории и теории религии Ереванского госуниверситета, историк Вардан Хачатрян.
-
New2025-06-11 06:20«Я знаю, что вы пришли, чтобы выразить свой гнев в связи с выражениями, озвученными премьер-министром в последние дни в адрес церкви и представителей церкви. Мы знаем, что эти выражения, озвученные премьер-министром, вызвали всеобщий гнев. Я верю, что милостью Божьей и с Божьей помощью мы вместе с вами смиренно и без излишней эмоциональности сумеем преодолеть это испытание». Об этом 11 июня в беседе с журналистами в аэропорту «Звартноц» сказал Католикос всех армян Гарегин Второй.
-
New2025-06-11 06:13Возмущенные нападками властей Армении тысячи граждане ночью встретили Католикоса всех армян Гарегина II в международном аэропорту «Звартноц» города Ереван. Среди них были и оппозиционные политические деятели.