2023-04-11 15:47
Информагентства
«Դրամահավաք. Օգնենք Ալեն Սիմոնյանին»
Լրագրող Անի Գևորգյանը դատարանի վճռով պետք է 257 հազար դրամ գումար վճարի Ալեն Սիմոնյանին և հերքի նրա մասին զրպարտություն համարվող տեղեկությունները։ Ալեն Սիմոնյանին այդ գումարը տալու համար լրագրողն այսօր ԱԺ դիմաց դրամահավաք է նախաձեռնել «Օգնենք Ալեն Սիմոնյանին» խորագրով։
Լրագրողը ձեռքին սմայլիկներով տարա է պահել, անցնող դարձողները այնտեղ գումար են թողնում։
«Ալեն Սիմոնյանը կարող է ուրախանալ այնքան ժամանակ, քանի դեռ նրան թույլ են տալիս զբաղեցնել ԱԺ նախագահի աթոռը։ Դրանից հետո այս դատական գործը վերաբացվելու է, վճիռները բեկանվելու են»,-հայտարարեց Անի Գևորգյանը։
Նա հիշեցրեց, որ 2021 թ. ապրիլի 14-ին խորհրդարանում երբ Նիկոլ Փաշինյանը հայտարարեց, որ Հայաստանում և Արցախում ապագա կա, իշխող խմբակցության ու գործադիրի անդամները ծափահարել են։
«Երբ Ալեն Սիմոնյանը դուրս եկավ, ես պարզ հարց տվեցի, ինչո՞ւ են ծափահարում, այդքան զոհ ենք ունեցել, բացի այդ, վտանգված է թե Արցախը, թե Հայաստանի որոշ տարածքներ։ Ալեն Սիմոնյանը նույն կերպ ծափահարեց իմ դեմքին»,-ասաց նա։
Անի Գևորգյանն այդ օրը խմբագրություն վերադառնալուց հետո, երբ մուտք է գործում ֆեյսբուքյան իր էջ, տեսնում է, որ իր դեմ ֆեյքային գրոհ է սկսել, օգտագործել են իր երեխայի լուսանկարը, հնչել են հայհոյանքներ, սպառնալիքներ՝ իրեն ու երեխային ուղղված։
«Հարցազրույցի ընթացքում, ես ասացի՝ կարծում եմ, ներքին համոզմունք ունեմ, որ այդ ֆեյքային արշավը պատվիրված է Ալեն Սիմոնյանի կողմից, կապեցի այդ լարված ճեպազրույցի հետ, նախկինում էլ նման դեպքեր եղել են, նույն Ալեն Սիմոնյանի մասին է խոսքը, որ թքել է քաղաքացու դեմքին, նույն Ալեն Սիմոնյանի, որը, ըստ Փաշինյանների, սուտ տեղեկություններ է տարածել»,-ասաց Գևորգյանը։
Լրագրողի խոսքով, ամեն անգամ իրեն տեսնելիս Ալեն Սիմոնյանն հարցնում է՝ իմ գումարները ե՞րբ ես վճարելու։
«Հիմա ես քաղաքացիների օգնությամբ ուզում եմ կոպեկ առ կոպեկ գումարը տալ Ալեն Սիմոնյանին։ Գուցե «Յասաման»-ում ընթրիքի կամ Բալիում հանգստանալու համար է այս գումարը պետք։ Բայց ամեն դեպքում, կոպեկ առ կոպեկ ես Ալեն Սիմոնյանին տալու եմ այդ գումարը, չնայած համամիտ չեմ դատարանի որոշմանը, բայց պարտավոր եմ, պարտավոր եմ նաև հերքել անհերքելին, կրկնում եմ, որ հետագայում կապացուցվի, դատարանները հաշվի կառնեն կարծիք, ներքի համոզմունք հայտնելու իրավունքը»,-ասաց նա։
Panorama.am
ПОСЛЕДНИЕ ОТ АВТОРА
-
2025-04-12 15:46Власти надавали множество обещаний, чтобы отвлечь нас. Об этом в прямом эфире Alpha News заявил доктор политических наук Артур Хачикян.
-
2025-04-12 15:41После сделанного 13 марта заявления азербайджанской стороны о согласовании текста проекта «Соглашения об установлении мира и межгосударственных отношений между Республикой Армения и Азербайджанской Республикой» и выражения армянской стороной готовности его подписать практически ежедневно Баку обвиняет Ереван в обстрелах азербайджанских позиций.
-
2025-04-12 15:37Министры иностранных дел Арарат Мирзоян и Джейхун Байрамов в ходе дискуссии в рамках Анталийского дипломатического форума вступили в дебаты по вопросу предусловий Баку в виде изменения Конституции Армении, которые выдвинул глава МИД Азербайджана.
-
2025-04-12 15:33Де-факто конфликта между Арменией и Азербайджаном нет, но де-юре еще нет подписанного мирного договора, сказал Арарат Мирзоян во время панельной дискуссии в рамках дипломатического форума в Анталии.