Последние новости

Տիգրան Աբրահամյան․ Այս իշխանությունը տապալել է անվտանգության ուղղությամբ իրականացվող միջոցառումները

ԱԺ «Պատիվ ունեմ» խմբակցության քարտուղար Տիգրան Աբրահամյանի դիտարկմամբ՝ Հայաստանն անվտանգության խնդիր ունեցել է ոչ միայն արտաքին սահմանի առումով, այլև երկրի ներսում:

«Փաստացի, ադրբեջանցի զինծառայողների ներթափանցումը արդեն իսկ ցույց է տալիս, որ ոչ միայն արտաքին սահմանում է խնդիր, այլ նաև երկրի ներսում, ու այն մարմինները, որոնք պետք է ապահովեին ներքին անվտանգությունը ու նրանք, ովքեր երկրի ներսում պետք է կարողանային գործել, էֆեկտիվություն չեն դրսևորել», - ԱԺ-ում լրագրողների հետ զրույցում ասաց նա:

Աբրահամյանի խոսքով՝  այս իշխանությունը տապալել է անվտանգության ուղղությամբ իրականացվող միջոցառումները:

«Պատիվ ունեմ» խմբակցության քարտուղարին զարմացնում և մտահոգում է ոչ միայն, որ ադրբեջանցի զինծառայողներն առանց խոչընդոտի ու անարգել կարողացել են մտնել ՀՀ տարածք ու խորացել սահմանից հեռու բնակավայրեր, այլև որ առ այս պահը չկա հստակ տեղեկություն, թե քանի հոգի են:

«Որևէ հստակություն չկա, թե իրականում քանի հոգանոց խմբի մասին է խոսքը և թե իրականում նրանք ինչ նպատակով են մուտք գործել ՀՀ տարածք, նպատակը հետախուզական տեղեկությունների ձեռքբերո՞ւմն է, ահաբեկչական գործողությունների կամ դիվերսիայի իրականացո՞ւմը, թե՞ որն է։ Բայց փաստ է, որ մի կողմից անցում է եղել Հայաստանի առաջնագծով և փաստ է, որ նրանք երեք օր ՀՀ բնակավայրերում են եղել», - ընդգծեց Տիգրան Աբրահամյանը։

Aysor.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ