2023-04-12 09:30
Информагентства
0
Կլաար․ ՀՀ-ի և Ադրբեջանի դիրքորոշումների միջև մեծ «տարածություն» չկա
Բրյուսելում Հայաստանի և Ադրբեջանի ղեկավարների միջև եղել է բավականին մանրամասն քննարկում Ադրբեջանը Նախիջևանին Հայաստանով կապող կապի շուրջ, ինչպես նաև այն մասին, թե ինչպես պետք է այն կառուցվի: Այս մասին Հարավային Կովկասում և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարն ասել է Բրյուսելի Եվրոպական քաղաքականության կենտրոնի կողմից կազմակերպված «Անվտանգությունը Հարավային Կովկասում. ո՞րն է ԵՄ-ի դերը» խորագրով միջազգային վեբինարի ժամանակ։
Ըստ նրա, իրենք հասել են որոշակի ընդհանուր ըմբռնումների. «Մենք հասել ենք որոշակի ընդհանուր ըմբռնման, իսկ թե ինչպես պետք է դա իրագործվի, դա թողնվել է փոխվարչապետերի աշխատանքային խմբի վրա, որտեղ Հայաստանի ու Ադրբեջանի փոխվարչապետերը հանդիպել են ռուս գործընկերոջ հետ»,- ասել է Կլաարը:
Տոյվո Կլաարի կարծիքով՝ կողմերի դիրքորոշումների միջև մեծ տարածություն չկա և մի փոքր ավելի ինտենսիվ աշխատանքով կարելի է կամրջել տարակարծությունները՝ հասնելով ըմբռնման, թե ինչպես ապահովել այս տրանսպորտային կապը:
Կլաարը նաև հայտարարել է, որ տարածաշրջանի դրական զարգացումը բխում է ԵՄ շահերից. «Մեր մասնակցությունն այդ գործընթացին որևէ երրորդ կողմի դեմ ուղղված չէ։ Հարավային Կովկասը հարևան տարածաշրջան է և մեր ցանկությունն է, որ այստեղ խաղաղություն և կայունություն լինի», - նշել է եվրոպացի պաշտոնյան:
News.am
ПОСЛЕДНИЕ ОТ АВТОРА
-
New2024-11-20 19:56Газета «Грапарак» пишет:
-
New2024-11-20 19:51Представитель Армянской Апостольской церкви в Святом Престоле, Патриарший делегат в Западной Европе архиепископ Хажак Парсамян заявил об уничтожении христианских символов на международной конференции в Риме, посвященной сохранению религиозного и культурного наследия Арцаха.
-
New2024-11-20 19:49ВВС Израиля нанесли удар по Пальмире, есть погибшие и раненые, передает агентство SANA.
-
New2024-11-20 19:48В период с 10 по 14 ноября Азербайджан совершил 5 рейсов с вооружением и военной техникой в Нахиджеван. Самолеты курсировали между Гянджой и Нахиджеваном, пишет политолог Сергей Мелконян.