2023-04-18 09:13
Информагентства
0
Հայաստանից ՌԴ կաթնամթերքի մատակարարումների շուրջ բանակցություններ են անցկացվել
Ապրիլի 17-ին Մոսկվայում հայկական կողմի նախաձեռնությամբ բանակցություններ են տեղի ունեցել Ռոսսելխոզնադզորի ղեկավար Սերգեյ Դանկվերտի և ՀՀ Սննդամթերքի անվտանգության տեսչական մարմնի ղեկավար Արմեն Հայրապետյանի միջև՝ Ռուսաստանի արտաքին գործերի նախարարության ներկայացուցչի մասնակցությամբ։ Այս մասին հայտնում է Ռոսսելխոզնադզորի մամուլի ծառայությունը։
«Ավելի վաղ ծառայությունը հայտնել էր, որ ստուգման արդյունքներով Հայաստանից Ռուսաստան կաթնամթերքի մատակարարման նկատմամբ պետական վերահսկողության անբավարար մակարդակ է հայտնաբերվել։ Արդյունքում, Ռոսսելխոզնադզորը դիմել է հանրապետության անասնաբուժական ծառայությանը՝ երկիր կաթնամթերքի մատակարարումը դադարեցնելու խնդրանքով։
Արմեն Հայրապետյանը հայտնեց, որ ուշադիր ուսումնասիրել է Ռոսսելխոզնադզորի ստուգման հաշվետվությունը, որտեղ բացահայտվել են մի շարք կրիտիկական խնդիրներ՝ Ռուսաստան կաթնամթերքի մատակարարումը վերահսկելու հարցում։
Վերահսկողության համակարգի թերությունները հայկական ընկերություններին թույլ են տվել արտահանել իրանական հումքից պատրաստված արտադրանք, որոնք Ռուսաստանի հետ առևտրի թույտվություն չունեն։ Արդյունքում՝ 2022 թվականին Հայաստանը 10 անգամ ավելացրել է ձեթի մատակարարումները։ Նման սխեմաները խաթարում են մրցակցային միջավայրը ոչ միայն ռուսական շուկայում, այլև անհավասարակշռություն են մտցնում ԵԱՏՄ տնտեսական գործունեության մեջ։
Սերգեյ Դանկվերտն ընդգծել է, որ Ռուսաստանը լիովին ապահովված է կաթնամթերքով, որն արտադրվում է երկրի բոլոր մարզերում և արտահանվում արտաքին շուկաներ, և կարող է շահագրգռված լինել հայկական խոհանոցի համար ավանդական և բացառապես հայկական հումքից պատրաստված իսկական արտադրանք ձեռք բերելով։
Ստեղծված իրավիճակը կարգավորելու և գերատեսչությունների միջև վստահության նախկին մակարդակը վերականգնելու նպատակով կողմերը պայմանավորվել են փուլային աշխատանքներ իրականացնել։ Հայաստանը կստուգի իր՝ կաթ վերամշակող ընկերությունները և Ծառայությանը կուղարկի այն ձեռնարկությունների ցուցակները, որոնք կարող են բավարարել ռուսական պահանջները։ Ռոսսելխոզնադզորը կստուգի դրանք և արդյունքների հիման վրա Ռուսաստանի հետ առևտրի մեջ մտնելու մասին որոշում կկայացնի»,- ասվում է զեկույցում։
News.am
ПОСЛЕДНИЕ ОТ АВТОРА
-
New2024-11-20 18:15Международные активисты проводят акции в Брюсселе, называя Азербайджан оккупантом.
-
New2024-11-20 18:14Международное агентство по атомной энергии (МАГАТЭ) видит серьезную готовность Ирана к диалогу и принятию важных решений. Об этом, как передает РИА Новости, заявил гендиректор МАГАТЭ Рафаэль Гросси.
-
New2024-11-20 18:12Депутат Национального Собрания Армении от правящей фракции “Гражданский договор” Овик Агазарян отказывается сложить мандат и в эти минуты находится в парламенте
-
New2024-11-20 18:09Самым крупным проектом в транспортной сфере между Азербайджаном и Турцией является Зангезурский коридор. Как сообщает АПА, об этом заявил журналистам министр транспорта и инфраструктуры Турции Абдулкадир Уралоглу.