2023-04-18 15:11
Информагентства
0
Պուտինն այցելել է Խերսոնի մարզ
ՌԴ նախագահ Վլադիմիր Պուտինը մեկնել է պատերազմի ընթացքում Ռուսաստանի վերահսկողության տակ անցած Խերսոնի մարզ և այնտեղ այցելել «Դնեպր» զորքերի խմբավորման շտաբ, որտեղ նա ծանոթացել է Խերսոնի, ինչպես նաև Զապորոժիեի ուղղություններում տիրող իրավիճակին: Այս մասին «Արմենպրես»-ը տեղեկանում ТАСС գործակալությունից:
Հաղորդվում է, որ Ռուսաստանի ղեկավարը Խերսոնի մարզ է ժամանել ուղղաթիռով, որից հետո արտաճանապարհային մեքենայով գնացել է շտաբ։ Այնտեղ «Դնեպր» զորքերի խմբավորման հրամանատար, գեներալ-գնդապետ Օլեգ Մակարևիչը ՌԴ նախագահին հայտնել է, որ խմբավորումը «իրականացնում է պաշտպանություն՝ կարգադրության համաձայն»։
Պուտինը շտաբում խորհրդակցություն է անցկացրել: ՌԴ նախագահին զեկույց են ներկայացրել նախ Խերսոնի, այնուհետև՝ Զապորոժիեի ուղղություններում ստեղծված իրադրության վերաբերյալ:
ՌԴ նախագահը նաև շնորհավորել է զինծառայողներին Զատկի տոնի կապակցությամբ և նրանց նվիրել սրբապատկեր, որը, Պուտինի խոսքով, պատկանել է «Ռուսական կայսրության ամենահաջողակ պաշտպանության նախարարներից մեկին»:
ТАСС-ը նշում է, որ սա Ռուսաստանի ղեկավարի առաջին այցն է Խերսոնի մարզ: Ըստ հրապարակման՝ նախորդ անգամ Պուտինն «այցելել էր Ռուսաստանի նոր շրջաններ մարտի 19-ին, երբ մեկնել էր Մարիուպոլ»:
Դոնեցկի Ժողովրդական Հանրապետությունում, Լուգանսկի Ժողովրդական Հանրապետությունում, Խերսոնի և Զապորոժիեի մարզերում 2022 թ.-ի սեպտեմբերի 23-27-ը հանրաքվեներ են անցկացվել Ռուսաստանի Դաշնության կազմ մտնելու վերաբերյալ: Ըստ ՌԴ Կենտրոնական ընտրական հանձնաժողովի հրապարակած տվյալների՝ նշված տարածքները կողմ են արտահայտվել Ռուսաստանի կազմ մտնելուն: Հանրաքվեները չեն ճանաչել ինչպես Ուկրաինան, այնպես էլ աշխարհի բազմաթիվ երկրներ:
ПОСЛЕДНИЕ ОТ АВТОРА
-
New2024-11-20 18:15Международные активисты проводят акции в Брюсселе, называя Азербайджан оккупантом.
-
New2024-11-20 18:14Международное агентство по атомной энергии (МАГАТЭ) видит серьезную готовность Ирана к диалогу и принятию важных решений. Об этом, как передает РИА Новости, заявил гендиректор МАГАТЭ Рафаэль Гросси.
-
New2024-11-20 18:12Депутат Национального Собрания Армении от правящей фракции “Гражданский договор” Овик Агазарян отказывается сложить мандат и в эти минуты находится в парламенте
-
New2024-11-20 18:09Самым крупным проектом в транспортной сфере между Азербайджаном и Турцией является Зангезурский коридор. Как сообщает АПА, об этом заявил журналистам министр транспорта и инфраструктуры Турции Абдулкадир Уралоглу.