2023-04-21 18:49
Информагентства
ՌՀՄ․ Փաշինյանի դիրքորոշումը հարվածի տակ է դնում Հայաստանի ինքնիշխանությունը
Արցախի վերաբերյալ վարչապետ Նիկոլ Փաշինյանի դիրքորոշումը հարվածի տակ է դնում Հայաստանի ինքնիշխանությունը։ Այս մասին ասվում է Ռուսաստանի հայերի միության (ՌՀՄ) հայտարարության մեջ, որով անդրադարձել են Հայաստանի կառավարության ղեկավարի ապրիլի 18-ի ելույթին:
«Փաշինյանի առաջարկած սխեման հարվածի տակ է դնում Արցախում ռուս խաղաղապահների՝ այնտեղ ապրող հայերի կյանքի և անվտանգության միակ երաշխավոր լինելու գաղափարը, ինչպես նաև բուն Հայաստանի ինքնիշխանությունը»,-նշել են ՌՀՄ-ում:
ՌՀՄ-ն հայտարարել է, որ Հայաստանի տարածքային ամբողջականությունը երբեք գործարքի կամ քաղաքական առևտրի առարկա չի եղել և չի կարող լինել․ «Այն նաև չի կարող ապահովվել Ադրբեջանի, այսպես կոչված, տարածքային ամբողջականության դիմաց՝ կազմում՝ Արցախը»։
Հայաստանի և Արցախի շուրջ իրավիճակի կայունացման և կարգավորման վերաբերյալ վարչապետ Փաշինյանի դիրքորոշումը, միության կարծիքով, հաստատում է Հայաստանի իշխանությունների անօգնականությունը՝ կատարելու իրենց անմիջական պարտականությունը՝ այն է՝ ապահովել պետության տարածքային ամբողջականությունը և քաղաքացիների անվտանգությունը։
«Արցախի բնակչության մասին Ադրբեջանի ղեկավարի հնչեցրած ագրեսիվ և վերջնագրային պահանջները կասկած չեն թողնում, որ Արցախին վիճակված է Ադրբեջանի կազմում գտնվող երբեմնի հայկական Նախիջևանի Ինքնավար Հանրապետության ճակատագիրը, որտեղ Ադրբեջանի կողմից իրականացվել է հայերի էթնիկ զտում, ավերվել և երկրի երեսից ջնջվել են ոչ միայն հայկական հնագույն մշակութային հուշարձանները, այլև նույնիսկ մեր նախնիների գերեզմանները»,-եզրափակել են ՌՀՄ-ում։
Հիշեցնենք նաև, որ օրերս ԱԺ-ում Փաշինյանը հայտարարել էր, որ ՀՀ-ն լիարժեքորեն ճանաչել է Ադրբեջանի տարածքային ամբողջականությունը։ Նա հայտնել էր, որ «Մադրիդյան սկզբունքներով» Արցախը ճանաչվել է Ադրբեջանի կազմում։ Երեկ ՀՀ նախկին ԱԳ նախարար Վարդան Օսկանյանն անդրադարձել էր Փաշինյանի պնդումներին։ Արցախի ԱԺ-ն անընդունելի էր համարել ՀՀ վարչապետի՝ Արցախի կարգավիճակն անտեսելու վերաբերյալ հայտարարությունը։
Armenia Today
ПОСЛЕДНИЕ ОТ АВТОРА
-
New2025-05-13 17:16Приказом министра образования, науки, культуры и спорта Армении, утверждены даты экзаменов на 2024-2025 учебный год для учащихся 4-х классов, а также выпускных и государственных выпускных экзаменов для 9-ти и 12-классников.
-
New2025-05-13 17:14Водолазы обнаружили тело мужчины, утонувшего в озере Смаверди в Ширакской области. Об этом сообщает Спасательная служба МВД Армении.
-
New2025-05-13 17:12В настоящее время спасатели проводят поисковые работы вдоль реки Мармарик и на Ахбюракском водохранилище. У нас есть силы, проводящие поисковые операции в поселке Мармарик и прилегающих к нему населенных пунктах, а также на различных участках берега реки. Об этом сегодня, 13 мая, в интервью News.am сообщил начальник спасательной службы Котайкской области Геворг Седракян, говоря о поисках двухлетнего Тиграна, пропавшего 4 мая.
-
New2025-05-13 17:09Президент Турции Реджеп Тайип Эрдоган проводит закрытые переговоры с генсеком НАТО Марком Рютте в Анкаре, сообщила канцелярия турецкого лидера.