2023-05-08 17:26
Гаспар АДАМЯН
ԳՅՈՒՂԵՐՈՒՄ՝ ԵՐԵԽԱՆԵՐ, ԾԵՐԵՐ, ՀՂԻ ԿԱՆԱՅՔ... ՆԻԿՈԼԸ ՓՈԽԱՆԱԿՈՒՄ Է ՀԱՅԿԱԿԱՆ ՏԱՐԱԾՔՆԵՐԸ ՀԱՅԿԱԿԱՆ ՏԱՐԱԾՔՆԵՐԻ ՀԵՏ
Մայիսի 10-ին Բաքվում նշելու են Հեյդար Ալիևի 100-ամյակը, շրջափակված Արցախում մտավախություն ունեն, որ սադրանքներ են լինելու՝ լավ իմանալով Իլհամ Ալիևի ջերմ սերը խորհրդանշական ամսաթվերի նկատմամբ. նրա հոր աստվածացումը Ադրբեջանում սկսվել է դեռևս անցած դարում: Բերձոր-Ստեփանակերտ ճանապարհի սկզբնական հատվածում անցակետի բացումից հետո բացարձակ շրջափակման մեջ են հայտնվել Շուշիի շրջանի Եղծահող, Հին Շեն, Մեծ Շեն և Լիսագոր գյուղերը: Այնտեղից տեղեկությունների փշրանքներ են գալիս, կապը վատ է աշխատում։
«Հին Շենը ուրիշ շեն ա, ստեղի ժողովուրդն էլ են ուրիշ, մենք ամեն ինչ անում ենք, որ նաև մեր իշխանությունն ավելի ոգևորվի, բարձր ոգի ունենա… Շրջափակումը կալցոյի պես խեղդում ա մեզ, բայց մենք ըտի պեներ ենք տեսալ, անցակետ չլինի, ինչ ուզում ա լինի, մենք թուրքի դուդուկի տակ չենք պարի, ինքնասպան կլինենք, բայց թուրքի թրի տակ պար չենք գա»,- պարբերականներից մեկին տված հարցազրույցում հայտարարեց Հին Շենի գյուղապետ Սամվել Սարգսյանը։ Մեծ Շենում իրավիճակն առանձնապես չի տարբերվում Հին Շենի գյուղապետի նկարագրածից։
«Սա ոչ թե շրջափակում է, այլ պաշարում։ Չորս գյուղ վերցրել են գերի, չորս կողմից շրջափակել։ Հեշտ են ասում՝ դիմացեք։ Դիմանում ենք, բայց էդ ասողները թուրքի պուշկի տակ քանի րոպե կմնային։ Չորս կողմից նշանառության տակ ենք։ Եղծահողը կանգուն ա, ժողովուրդը՝ պինդ։ Մեզ կոտրելը հեշտ չի, երեսուն տարի էդ են անում, բայց չի ստացվում։ Հեսա կանաչը դուրս ա եկել, յոլա կգնանք, դեղորայքի խնդիրն ա սուղ, բայց դեռ դիմակայում ենք։ ԱԹՍ-ն մեզ համար սովորական է դարձել, թե գիշերը, թե ցերեկը։ Ամբողջ օրը ֆռում են, նկարահանում են: Ուրիշ ասելու բան չկա, մենք ձեզանից լավ լուրի ենք սպասում»,- ասաց Եղծահողի գյուղապետ Արտակ Հակոբյանը։
«Երեսուն տարի առաջ էլ նույն վիճակում էինք, բայց դիմացանք, հիմա վախենում եմ, որ նույն վիճակից դուրս չենք գա, ժողովուրդը նստած անորոշության մեջ օր ա մթնացնում։ Ամեն զանգից լավ լուր ենք սպասում, չգիտենք , որ պահի ինչ կանի մեզանից 18 կլիոմետր հեռավորության վրա գտնվող զինված թշնամին։ Գյուղում ունենք ծեր, մանուկ, հղի կանայք, որոնք ամեն անգամ գյուղապետին տեսնելիս մի լավ լուրի են սպասում, Աստված չանի Հայաստանում անցնեն էն ճանապարհը, ինչը մենք ենք անցնում էս ընթացքում։ Շրջափակման մեջ ամենավախեցնողը սովն ու հիվանդությունը չեն, մեզ անորոշությունն ա կաթիլ-կաթիլ սպանում»,- հայտարարեց Մեծ Շենի գյուղապետ Դավիթ Դավթյանը։
Ուրբաթ օրը ռուս խաղաղապահներն ու Կարմիր խաչի մեքենան 4 գյուղեր են տարել դեղորայք և առաջին անհրաժեշտության մթերքներ, որոնք դժվար թե երկար բավականացնեն: Շրջափակված գյուղերի բնակիչները գիտակցում են, որ իրենց անվտանգությունը ոչնչով ապահովված չէ, ուստի ամեն րոպե սպասում են զավթիչների սադրանքներին և գուշակում, թե քանի հայի արյուն է պատրաստվում հեղել Իլհամ Ալիևը իր հոր 100-ամյա հոբելյանի առթիվ:
Երեվանում ռեժիմի պարագլխի և Ստեփանակերտում իր խամաճիկի խոսքերն ու գործողությունները դեկտեմբերի 12-ից ի վեր մի միլիմետր անգամ չեն մոտեցրել Արցախի ապաշրջափակումը։ Փաշինյան-Հարությունյան դուետի տոտալ անաշխատունակության հինգերորդ ամիսը շուտով կկիսվի, հավաքական Արևմուտքն ու Փաշինյանը խոսում են Բաքու-Ստեփանակերտ ուղիղ բանակցությունների մասին, ինչը դիվանագիտության լեզվից թարգմանած նշանակում է՝ ինտեգրում Ալիևի պայմաններով։
Շրջափակումն ու ապարտեիդի պարտադրումը ցեղասպանության հատկանիշներ են, սակայն քաղաքակիրթ հանրությունը ոչ մի կերպ չարձագանքեց Հաագայի Միջազգային դատարանի որոշման նկատմամբ Ալիևի վերաբերմունքին: Այդ հանրությունը պատժամիջոցներ չկիրառեց Ադրբեջանի նախագահի նկատմամբ՝ ելնելով այն հանգամանքից, որ Հայաստանի վարչապետը 2022 թվականի հոկտեմբերի 6-ին Պրահայում ճանաչել է Արցախն Ադրբեջանի կազմում և դրանով իսկ լեգիտիմ իրավունք տվել Ալիևին խոսել ինտեգրման մասին։
Մեծ Շենի գյուղապետի խոսքերը մարգարեական էին, անցած շաբաթվա վերջին «Ազատություն» ռադիոկայանին տված հարցազրույցում Նիկոլը հայտարարեց, որ պատրաստ է Տավուշի մարզի գյուղերը հանձնել Ալիևին, եթե վերջինս դուրս բերի ադրբեջանական զորքերը Հայաստանի բռնազավթված տարածքներից: Տավուշի սահմանամերձ համայնքների բնակիչները շոկի մեջ են ու հիմա հարց են տալիս. ո՞վ է իրավունք տվել դավաճանին փոխանակել հայկական տարածքները հայկական տարածքների հետ։ Հարցը միանգամայն իրավազոր է, քանզի վարչապետի աթոռին նստած մարդը չի էլ փորձում թաքցնել, որ աճուրդի է հանել Հայաստանը՝ Արցախը Ադրբեջանի մաս ճանաչելուց հետո։
ПОСЛЕДНИЕ ОТ АВТОРА
-
2025-06-16 09:32Самым громким скандалом прошлого лета, как известно, стало посещение Пашиняном территориального подразделения ГД в Капане. Главарь правящей верхушки выслушал претензии рядовых партийцев относительно поведения местных руководителей ГД и устроил скандальную разборку. Сведения о ней за считанные часы достигли столицы. Гнев Пашиняна был направлен против руководителя ячейки Нарека Давтяна. Пашинян настоял на том, чтобы Давтян покинул руководящую партийную должность, он хотел, чтобы Давтяна исключили из партии, однако за него вступился марзпет Сюника Роберт Гукасян.
-
2025-06-16 09:07На днях во дворе во дворе церкви "Сурб Григор Лусаворич" в Ереване уже появились первые провокаторы. Судя по всему, Пашинян отдал негласный приказ провоцировать стычки со священниками, но обо всем по порядку. Один из верных соратников Пашиняна Бабкен Тунян как-то объявил с трибуны парламента, что его сосед Погос не вправе решать вопрос наличия или сворачивания АЭС. Спешу сообщить, что мой сосед Погос уже написал письмо Пашиняну, предложив свою кандидатуру в состав группы, которая призвана координировать действия по отлучению от сана Католикоса Всех Армян и организации новых выборов. На днях Пашинян объявил: "Армянская Апостольская Святая Церковь будет возвращена Иисусу Христу и армянскому народу!". Процесс пошел. Церковь народу будут возвращать члены тоталитарных сект и ЛГБТ-сообщества!
-
2025-06-13 10:13Как уже сообщалось, власть прибегла к укрупнению общины Вагаршапат с видом на досрочные выборы совета, которые состоятся 16 ноября. Прогнозы о том, что укрупнение Вагаршапата за счет общины Хой носит сугубо политический характер, косвенно подтвердил на днях сам марзпет Армавира Аргишти Мехакян.
-
2025-06-12 09:08Похоже, сильно ошиблись политологи, которые утверждали, что после завершения войны на Украине, по итогам нового передела мира, Россия восстановит свое влияние на Южном Кавказе. Война вступила в стадию переговоров, однако уже очевидно, что Западу нужны Армения, Грузия и Азербайджан. Причем без российского присутствия.