2023-05-10 18:16
Информагентства
0
Վահե ՀՈՎՀԱՆՆԻՍՅԱՆ․ ԳՐԻԳՈՐԻ ԽԱՉԱՏՈՒՐՈՎԻ ԴԱՏԱՎԱՐՈՒԹՅՈՒՆԸ ՊԵՏՔ Է ՎԵՐԱԾՎԻ ՆՈՐ ՔԱՂԱՔԱՑԻԱԿԱՆ ՇԱՐԺՄԱՆ
Բանակային 3-րդ կորպուսի նախկին հրամանատար Գրիգորի Խաչատուրուվի դատավարությունը պետք է վերածվի նոր քաղաքացիական շարժման: Այս մասին այսօր՝ մայիսի 10-ին, դատարանի բակում՝ լրագրողների հետ զրույցում ասաց Այլընտրանքային նախագծեր խմբի համահիմնադիր Վահե Հովհաննիսյանը:
«Այս դատը գնում է այսօրվա Հայաստանում, որտեղ խաղի կանոնները շատ այլասերված են, կա մեկ հոգու իշխանություն և պետական բոլոր ինստիտուտները ծառայում են մեկ հոգուն: Գրիգորի Խաչատուրովի դատավարությունը պետք է վերածվի նոր քաղաքացիական շարժման ի պաշտպանություն՝ ազգային արժանապատվության, չլռելու շարժման, որովհետև եթե մենք ամեն ինչ լռում ենք, ամեն անգամ ավելի այլանդակ տեսարանի ենք հանդիպում»:
Հարցին, թե ի՞նչ քայլեր են պետք, որպեսզի հանրային գործընթաց մեկնարկի, Հովհաննիսյանն ասաց. «Գրագետ քայլեր են պետք: Կարծում եմ՝ միջավայրը կա, մարդիկ ամեն ինչ շատ լավ հասկանում են: Հասարակության տրամադրությունները շատ բարդ են, դրանք գնալով փոխվում են: Հասարակությունը սկսում է արթնանալ: Գրագետ քայլերի դեպքում մենք կստանանք լավ արդյունք»:
Նշենք, որ այսօր՝ մայիսի 10-ին, Հակակոռուպցիոն դատարանում քննվում է ՀՀ պաշտպանության նախկին նախարար Սեյրան Օհանյանի, ՀՀ պաշտպանության նախարարության N զորամասի նախկին հրամանատար Գրիգորի Խաչատուրովի և ևս 11 անձի վերաբերյալ քրեական գործը։ Դատարանի բակում են հավաքվել գործով ամբաստանյալների աջակիցները, որոնց թվում են՝ պատերազմում զոհված զինծառայողների ծնողները։
Հիշեցնենք, որ վարույթի շրջանակում մեղադրանք է ներկայացվել ՀՀ պաշտպանության նախկին նախարար Սեյրան Օհանյանին` ՀՀ քրեական օրենսգրքի 179-րդ հոդվածի 3-րդ մասի 1-ին կետով և 3 դրվագ 308-րդ հոդվածի 2-րդ մասով (առանձնապես խոշոր չափերով գույքի վատնում և պաշտոնեական լիազորությունների չարաշահում, որն անզգուշությամբ առաջացրել է ծանր հետևանքներ)։
ПОСЛЕДНИЕ ОТ АВТОРА
-
New2025-01-09 12:53В рамках программы властей Азербайджана по захвату Армении уже во второй раз Аричаванк представляется как азербайджанское наследие. Об этом написал на своей странице в «Facebook» экс-омбудсмен Армении Арман Татоян.
-
New2025-01-09 12:50Армянский кабмин одобрил законопроект по запуску процесса вступления Армении в ЕС. Такое решение правительство приняло на заседании 9 января.
-
New2025-01-09 12:45В Армении собираются построить участок дороги Сисиан-Каджаран.
-
New2025-01-09 11:53Необходимо совместными усилиями сместить правящий капитуляционный режим. Об этом говорится в заявлении Совета Национального гражданского объединения «Айакве».