2023-05-19 18:04
Информагентства
Տիգրան Աբրահամյան․ Իշխանությունը փորձում է սրել իրավիճակը (ՏԵՍԱՆՅՈՒԹ)
Իշխանությունները նպատային ձևով մեկ օրով ուշացնում են 44-օրյա պատերազմում զոհված զինծառայող Ժորա Մարտիրոսյանի մոր՝ Գայանե Մարտիրոսյանի գործով որոշման հրապարակումը: Այս մասին այսօր՝ մայիսի 19-ին, Երևանի ընդհանուր իրավասության դատարանի Շենգավիթ նստավայրի մոտ լրագրողների հետ զրույցում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը։
Նրա խոսքով, պետք է նկատի ունենալ, որ տիկին Գայանեն հացադուլի մեջ է, յուրաքանչյուր ժամ կարող է ազդեցություն ունենալ նրա առողջության վրա։
Ընդդիմադիր պատգամավորի խոսքով, ակնհայտորեն երևում է, որ իշխանությունը փորձում է տարբեր տեղերում տարբեր դրսևորումներով սրել իրավիճակը, անընդհատ, կարծես թե փորձում է բախումների, անհանգստությունների տանել։
«Մենք երեք պատերազմների ընթացքում բազմաթիվ զոհեր ենք ունեցել, ունենք նաև կենդանի հերոսներ, մարդիկ ովքեր այսօր էլ մեզ հետ ապրում են, բայց այս իշխանության համար այդ մարդիկ որևէ արժեք չունեն, իշխանության այսպիսի վերաբերմունքը հենց դրանով է պայմանավորված։
Արժեհամակարգի ոչ միայն փլուզում է, ակնհայտորեն ցույց է տալիս այն բարոյական անկումը, որը կա այս իշխանության մեջ»,- ասաց Աբրահամյանը։
Հիշեցնենք, որ այսօր, ավելի վաղ Շենգավիթի դատարանի առջև հավաքված զոհված զինծառայողների ծնողները փակել էին Արշակունյաց պողոտան։ Նրանք հայտարարել էին, որ առնվազն 1 ժամ փակ են պահելու պողոտան։ Ծնողները պահանջում են դատարանից ազատ արձակել զոհված զինծառայողի մայր Գայանե Մարտիրոսյանին:
Նշենք, որ Շենգավիթի ընդհանուր իրավասության դատարանն այսօր՝ մայիսի 19-ին, քննել է 44-օրյա պատերազմում զոհված Ժորա Մարտիրոսյանի մայրիկին՝ Գայանե Մարտիրոսյանին կալանավորելու միջնորդությունը։ Դատական նիստն ավարտվել է, դատարանի որոշումը կհրապարակվի վաղը՝ մայիսի 20-ին, ժամը 15։00-ին։
Հիշեցնենք, որ մայիսի 17-ին, վարչապետի ընտանիքին պատկանող «Հայկական ժամանակը» տեղեկություն էր տարածել, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան:
Աշոտ Փաշինյանը դեպքի առնչությամբ հաղորդում է ներկայացրել: Քննչական կոմիտեում նախաձեռնվել է քրեական վարույթ՝ մարդուն առևանգելու հոդվածով, ձերբակալվել է Գայանե Մարտիրոսյանը։
Տիկին Գայանեն անժամկետ հացադուլ է հայտարարել։
News.am
ПОСЛЕДНИЕ ОТ АВТОРА
-
New2025-04-02 11:12Предварительное следствие по делу о случаях геноцида в отношении населения Нагорного Карабаха со стороны Азербайджана продолжается. Об этом сообщили в ответ на запрос Sputnik Армения в пресс-службе СК Армении.
-
New2025-04-02 11:10Число погибших в результате разрушительного землетрясения в Мьянме достигло 2 886 человек, еще 4 639 человек пострадали, передает Центральное телевидение Китая (CCTV).
-
New2025-04-02 11:08Генпрокуратура Армении требует от суда взыскать 4,5 млрд драмов (порядка $11 млн) с бывшего главы Генштаба ВС Мовсеса Акопяна и экс-начальника управления ракетных войск и артиллерии ВС Армена Арутюняна.
-
New2025-04-02 09:53Ещё столетие с небольшим назад, в далёком 1914 году, учёный по имени Рахалдас Банерджи отправился изучить таинственные курганы в Пакистане. В этом месте никогда не было раскопок, его считали проклятым. Исследователь был уверен, что именно здесь находятся руины очень древнего великого города. То, что ему удалось в итоге обнаружить, стало открытием века. В долине Инда существовала цивилизация, которая легко может конкурировать с Месопотамией и Египтом. Только недавно учёные смогли проникнуть в тайну существования и гибели этой могущественной цивилизации древности.