2023-05-20 13:21
Информагентства
Բայդենը Ջեյմս Օ'Բրայենի թեկնածությունն է առաջադրել Եվրոպայի և Եվրասիայի հարցերով պետքարտուղարի օգնականի պաշտոնում
ԱՄՆ նախագահ Ջո Բայդենը Եվրոպայի և Եվրասիայի հարցերով պետքարտուղարի օգնականի պաշտոնում առաջադրել է Ջեյմս Օ'Բրայենի թեկնածությունը, հայտնում է Սպիտակ տունը:
Ջեյմս Օ'Բրայենը ներկայումս զբաղեցնում է պատժամիջոցների համակարգման գրասենյակի ղեկավարի պաշտոնը։
Ավելի վաղ Օ'Բրայենը ծառայել է ԱՄՆ երկու վարչակազմերին՝ որպես նախագահի հատուկ բանագնաց: Հաղորդվում է, որ նա եղել է ԱՄՆ նախկին պետքարտուղար Մադլեն Օլբրայթի ավագ խորհրդականը, քաղաքականության պլանավորման գծով տնօրենի գլխավոր տեղակալը և Բալկանների հարցերով նախագահի բանագնացը:
«Նա ղեկավարել է պատժամիջոցների լայնածավալ և հաջող ծրագիրը և խորհրդատվություն է տրամադրել մի շարք հարցերի շուրջ, ներառյալ Եվրոպայում խաղաղ բանակցությունները, գիտական և բնապահպանական համաձայնագրերը, Ռուսաստանի և Ուկրաինայի հետխորհրդային անցումը, ինչպես նաև ռազմական հանցագործությունների համար պատասխանատու անձանց հետաքննության և հետապնդման նախաձեռնությունները: 2015-2017 թվականներին որպես պատանդների հարցերով նախագահի առաջին բանագնաց՝ նա օգնել է գրասենյակ ստեղծել և ապահով վերադարձրել հարյուր ամերիկացի քաղաքացիների: Կառավարությունից հեռանալուց հետո նա Albright Stonebridge Group միջազգային խորհրդատվական ընկերության տնօրենն ու փոխնախագահն էր։ Օ'Բրայենը ստացել է իրավագիտության դոկտորի կոչում Յեյլի իրավաբանական դպրոցում, մագիստրոսի կոչում Փիթսբուրգի համալսարանում և բակալավրի կոչում Մինեսոտա նահանգի Սենթ Պոլ քաղաքի Մաքալեստեր քոլեջում: Նա Միջազգային հարաբերությունների խորհրդի անդամ է, տիրապետում է ֆրանսերենին և ռուսերենին»,-ասվում է Սպիտակ տան հաղորդագրության մեջ։
News.am
ПОСЛЕДНИЕ ОТ АВТОРА
-
New2025-03-14 11:36Лондон впервые назначила военного атташе при посольстве Великобритании в Азербайджане.
-
New2025-03-14 11:32Иран приветствует согласование текста мирного договора между Арменией и Азербайджаном. Об этом говорится в заявлении посольства Ирана в Армении, опубликованном в соцсети X.
-
New2025-03-14 11:31Соединенные Штаты планируют возобновить поставки в Украину высокоточных планерных бомб GLSDB (Ground-Launched Small Diameter Bomb), модернизированных для противодействия российским средствам радиоэлектронной борьбы, сообщает Reuters со ссылкой на двух собеседников, знакомых с ситуацией
-
New2025-03-14 11:27Глава МИД Германии Анналена Бербок назвала "смелыми уступками" шаги Еревана в переговорах с Баку, комментируя окончательное согласование текста мирного договора сторонами.