2023-05-26 11:12
Информагентства
ԳԱԱ ԷԿՈԼՈԳԱՆՈՈՍՖԵՐԱՅԻՆ ՀԵՏԱԶՈՏՈՒԹՅՈՒՆՆԵՐԻ ԿԵՆՏՐՈՆԸ ՆՇՈՒՄ Է ՀԻՄՆԱԴՐՄԱՆ 30 ԵՎ ՀԻՄՆԱԴԻՐ Ա․ՍԱՂԱԹԵԼՅԱՆԻ 70-ԱՄՅԱԿԸ (ՏԵՍԱՆՅՈՒԹ)
Այսօր ԳԱԱ Ա. Թախտաջյանի անվան բուսաբանության ինստիտուտում մեկնարկեց ակադեմիայի Էկոլոգանոոսֆերային հետազոտությունների կենտրոնի հիմնադրման 30 և կենտրոնի հիմնադիր տնօրեն դոկտոր, պրոֆեսոր Արմեն Սաղաթելյանի 70-ամյակին նվիրված միջոցառումների շարքը:
Էկոկենտրոնի և բուսաբանության ինստիտուտի գիտական ընկերությունը ևս մեկ անգամ հաստատվեց՝ օրվա խորհուրդը կրող ծառատունկի միջոցով։
Էկոկենտրոնի տնօրեն Լիլիթ Սահակյանի խոսքով, սա ևս մեկ լավ առիթ է իրար կապելու երկու կառույցները և շարունակելու գիտահեն ու կրթական գործունեությունը ծառայեցնել հասարակության շահերին։
«Անցած տարվանից սկսած էկոկենտրոնում հայտարարել էինք բուսաբանության տարի և կատարած բոլոր աշխատանքները, հետազոտությունները՝ կապված կրթական և գիտական աշխատանքների հետ, որոշել ենք անցկացնել բուսաբանական այգում, որի օրինակով նպատակ ունենք մեր ամբիոնում ներդնել նախագծահեն կրթություն»,- ասաց էկոկենտրոնի տնօրենը։
Լիլիթ Սահակյանի խոսքով, իրենց հիմնական առաքելությունն է պահպանել ընկերությունը և մարդկանց մոտ բարձրացնել բուսաբանական այգու նշանակությունը։
«Մեր կենտրոնն այս 30 տարիներին զբաղված է Հայաստանում շրջակա միջավայրի և էկոլոգիական խնդիրների ուսումնասիրությամբ, հետագայում սնունդն ու գյուղատնտեսությունը ևս դարձան մեր կարևոր ուսումնասիրությունների ոլորտները։ Այս ամենն իհարկե կյանքի ենք կոչում՝ հենվելով ժամանակակից տեխնոլոգիաների ընձեռած հնարավորությունների վրա, առանց որոնց որևէ հետազոտություն չէր հաջողվի»,-ասաց տնօրենը։
Միջոցառման առաջին հատվածում, Ա. Թախտաջյանի հուշարձանի կողքին տնկվեց անվանական ծառ՝ արոսենի՝ նվիրված ՀՀ ԳԱԱ Էկոլոգանոոսֆերային հետազոտությունների կենտրոնի հիմնադրման 30 և կենտրոնի հիմնադիր տնօրեն դոկտոր, պրոֆեսոր Արմեն Սաղաթելյանի 70-ամյակին։
Լիլիթ Սահակյանը, լինելով կենտրոնի հիմնադիր տնօրեն դոկտոր, պրոֆեսոր Արմեն Սաղաթելյանի աշակերտն ու հնարավորություն ունենալով նրա հետ աշխատել երկու տասնամյակ, մեծ հպարտությամբ է խոսում պրոֆեսորի գործունեության և թողած ավանդի մասին.
«Պրոֆեսոր Սաղաթելյանը, ի թիվս շատ այլ նորարարությունների, ներդրել է շատ կարևոր կրթական կոմպոնենտը, և մենք առաջնորդվում ենք այն սկզբունքով, որ քանի դեռ իր ստեղծածից լավը չունենք, իր ստեղծածից ոչինչ չենք քանդում»։
«Երևանի բուսաբանական այգու հողերի և փոշու էկոլոգիական և առողջական ռիսկի գնահատում» թեմայով հետազոտության նպատակն էր պարզել՝ արդյոք մաքուր և առողջ տարա՞ծք է բուսաբանական այգին։
Բուսաբանության ինստիտուտի տնօրեն Արսեն Գասպարյանն անդրադարձավ վերջին շրջանում առողջ և մաքուր բնության թեմայի շուրջ հանրության իրազեկվածության մակարդակի բարձրացմանն ու դրական գնահատեց դինամիկան։
«Էկոկենտրոնի մեր գործընկերներն այս աշխատանքով մի շատ կարևոր հետազոտություն են նվիրում այգուն։ Վերջին ժամանակահատվածում մեծ ուշադրություն կա հանրային առողջության նկատմամբ»,-ասաց նա՝ ընդգծելով, որ սա կարևոր համագործակցություն է, ունի հանրային օգուտ և ծառայում է հանրային շահերին։
Խոսելով իրականացվող ու նախատեսվող ծրագրերի մասին՝ Ա. Գասպարյանը նշեց՝ վերջին մեկ տարվա ընթացքում փորձում են նորություններ բերել այգի.
«Աղբի թափոնների խնդիրը բավականին լուրջ է, այգում տեղադրված են տեսակավորման թափոնամաններ, վանդալիզի ռիսկը ևս նվազել է, կա դրական փոփոխություն։ Տեղադրվել են բույսերի մասին պատմող ցուցանակներ։ Այգի այցելությունների թիվն այս տարի 20 %-ով աճել է նախորդ տարիների համաեմատ»։
Շուտով մեկնարկելու է «Կյանքի պուրակ» ծրագիրը և վերականգնվելու է շուրջ 30 հետկար տարածք։
Միջոցառման երկրորդ հատվածում հետազոտության մասնակիցները ներկայացրեցին կատարված աշխատանքի արդյունքներն ու փաստեցին, որ բուսաբանական այգին համապատասխանում է առողջ և մաքուր տարածք կոչվելու բոլոր նորմերին, իսկ խաղահրապարակի այն հատվածը, որտեղ նկատվել էր աղտոտվածություն, առաջարկեցին տեղափոխել այլ, առավել մաքուր վայր։
ПОСЛЕДНИЕ ОТ АВТОРА
-
New2025-04-17 14:16Индия поставила Армении 43% всего вооружения, импортированного в страну в период с 2022 по 2024 год. Об этом сообщает агентство Reuters со ссылкой на данные Стокгольмского международного института исследования проблем мира (SIPRI).
-
New2025-04-17 14:12Расцениваем заявление премьер-министра Армении Никола Пашиняна от 16 апреля 2025 года о том, что «карабахское движение в Армении не продолжится», как очередное проявление политики, направленной против интересов государства и народа. Об этом говорится в заявлении, распространенном Комитетом по сохранению Арцаха.
-
New2025-04-17 14:08Баку требует у Еревана «беспрепятственный въезд» в Нахиджеван. Эту мысль озвучил глава МИД Азербайджана Джейхун Байрамов на совместной пресс-конференции с министром иностранных дел Словении Таней Файон.
-
New2025-04-17 13:45«Заявление нынешнего лидера правящей группировки о том, что «карабахское движение не будет продолжено в Армении», по сути, является попыткой «понижения» масштаба политической повестки дня путем исключения темы, имеющей не только историческое, но и стратегическое значение для армянского народа». Подобную точку зрения высказал экс-председатель Комитета госдоходов Армении Давид Ананян.