2023-05-30 14:44
Информагентства
ՌԴ մետաղագործական խոշոր ընկերությունը ՀՀ-ում ներկայացուցչություն կբացի
Ռուսաստանյան «Новосталь-М» մետաղագործական խոշոր ընկերությունը Հայաստանի շուկայում 5 տարվա միջնորդավորված աշխատանքից հետո մտադիր է այստեղ ընկերության ներկայացուցչություն բացել: Քաղաքաշինության կոմիտեում հյուրընկալել են ռուսաստանյան «Новосталь-М» մետաղագործական խոշոր ընկերության պատվիրակությանը, հայտնում է քաղաքաշինության կոմիտեի մամուլի ծառայությունը։
Հանդիպմանը կոմիտեի պատասխանատուներից բացի ներկա են եղել նաև Հայաստանի շինարարների միության ներկայացուցիչները: Քննարկվել է Հայաստանի շինարարության ոլորտում ընկերության ներգրավմանն առնչվող հարցերի լայն շրջանակ:
Ընկերության սեփականատեր Իվան Դեմչենկոն տեղեկացրել է, որ շինարարական պողպատից իրենց արտադրատեսակները, ամրանները ներկայացված են աշխարհի ավելի քան 70 երկրում:
Քաղաքաշինության կոմիտեի նախագահ Արմեն Ղուլարյանը կարևորել է ընկերության հետաքրքրվածությունը հայաստանյան շինարարության ոլորտով և բնագավառի ներկայացուցիչների հետ հանդիպման միջոցով գործակցության ուղիների նախանշումը: Ղուլարյանը հյուրերին ծանոթացրել է քաղաքաշինության բնագավառը կանոնակարգող օրենսդրությանը, վերջին տարիներին մշակված և արդիականացված շինարարական նորմերին, որոնք առնչվում են ընկերության արտադրատեսակներին: Դիտարկվել են նաև առավել հաճախ կիրառվող կոնստրուկցիաներն ու շինարարական արտադրատեսակները՝ հաշվի առնելով երկրաշարժադիմացկունության տեսանկյունից նորմերով սահմանված խիստ պահանջները:
Անդրադառնալով երկրում ընթացող լայնածավալ շինարարական ծրագրերին` մասնավորապես՝ դպրոցների, մանկապարտեզների, ճանապարհների և ջրամբարների կառուցմանը՝ դիտարկվել են գործընթացներում ընկերության ներգրավման հնարավորությունները: Իվան Դեմչենկոն ընդգծել է իրենց հետաքրքրվածությունը՝ Հայաստանում իրագործելու ներդրումային բաղադրիչով ծրագրեր ինչպես բնակարանաշինության, այնպես էլ ենթակառուցվածքների շինարարության բնագավառում:
Կողմերը պատրաստակամություն հայտնել շարունակել համագործակցությունը:
Sputnik Արմենիա
ПОСЛЕДНИЕ ОТ АВТОРА
-
New2025-05-30 13:28Заместитель помощника госсекретаря США по делам Европы и Евразии Джошуа Хак отправился из Еревана в Баку.
-
New2025-05-30 13:27Специалисты управления Россельхознадзора по Дагестану запретили ввоз 152 тонн продукции из Азербайджана.
-
New2025-05-30 13:25Большинство (80,2%) россиян доверяют президенту РФ Владимиру Путину, 77,4% опрошенных граждан России одобряют его деятельность. Об этом пишет РИА Новости со ссылкой на результаты опроса аналитического центра ВЦИОМ.
-
New2025-05-30 13:23Оскорбления властей в адрес Армянской Апостольской Церкви – продолжение инициированной Азербайджаном кампании, заявил глава оппозиционной парламентской фракции "Честь имею" Айк Мамиджанян в ходе брифинга.