2023-06-02 19:56
Информагентства
Վիկտորինի թելադրանքո՞վ․ ՀՀ ՄԻՊ-ն առաջարկում է Ստամբուլյան կոնվենցիայի շուրջ քննարկում անցկացնել
Մարդու իրավունքների պաշտպան Անահիտ Մանասյանի կարծիքով՝ հայ հասարակության շրջանում Ստամբուլյան կոնվենցիայի վերաբերյալ բովանդակային քննարկում է պետք անցկացնել։ Այս մասին Մանասյանն ասաց լրագրողների հետ ճեպազրույցում։
Օրեր առաջ ժողովրդավարության հայկական ֆորումի ժամանակ Հայաստանում ԵՄ դեսպան Անդրեա Վիկտորինը հայտարարեց, որ ուզում է, որպեսզի մեր երկրում վավերացվի Ստամբուլյան կոնվենցիան։ Նա նման հայտարարություն արել է նաև 2022 թվականի նոյեմբերին։
«Պետք է բովանդակային քննարկում անցկացնել` հանելով ապատեղեկատվության շղարշը։ Մեզ կարևոր է հասկանալ, թե ինչ գործիքներ է տալիս Ստամբուլյան կոնվենցիան և ինչ նպատակի է ուղղված։ Ընտանիքում բռնության կանխարգելումն առաջնահերթ նշանակություն պետք է ունենա ցանկացած հասարակության, ինչպես նաև Հայաստանի համար։ Շատ կարևոր եմ համարում, որպեսզի մենք պատշաճ մեխանիզմներ ունենանք, կլինի դա Ստամբուլյան կոնվենցիա, թե ներպետական օրենսդրություն»,– նշեց ՄԻՊ–ը։
Նա ընդգծեց, որ շատ դեպքերում թե Ստամբուլյան կոնվենցիայի, թե ընդհանրապես ընտանիքում բռնության կանխարգելմանը վերաբերող հարցերի հետ կապված մարդիկ ոչ պատշաճ տեղեկություններ են ստանում։ Դրա հետևանքով քննարկվում են ոչ թե բովանդակային, այլ ավելի ֆորմալ և ապատեղեկատվության շրջանակներում ընդգրկված հարցերը։ Մանասյանը վստահ է` երևույթը պետք է պատշաճ հասցեավորել։
Ճշտող հարցին, արդյոք ինքը կողմ է, որպեսզի Հայաստանը վավերացնի այդ կոնվենցիան ընտանիքում բռնությունը կանխարգելելու համար, Մանասյանը շեշտեց` կողմ է, որպեսզի պատշաճ իրավական գործիքակազմ կիրառվի` երևույթը հասցեավորելու համար։
Sputnik Արմենիա
ПОСЛЕДНИЕ ОТ АВТОРА
-
2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».