2023-06-07 09:07
Информагентства
Արցախում միասնական քննությունները կմեկնարկեն հունիսի 9-ից
Արցախում բուհերի ընդունելության միասնական քննությունների մեկնարկը կտրվի հունիսի 9-ին: Այս մասին «Արցախպրես»-ի թղթակցին տեղեկացրել է ԱՀ ԿԳՄՍ Գնահատման և թեստավորման կենտրոնի տնօրեն Յուրի Քարամյանը:
«Միասնական քննությունների առաջին օրը դիմորդները քննություն կհանձնեն «Քիմիա» և «Ռուսաց լեզու» առարկաներից: Հունիսի 13-ին քննություն կկազմակերպվի «Օտար լեզու», 16-ին՝ «Մաթեմատիկա», 20-ին՝ «Հայոց լեզու և հայ գրականություն», 23-ին՝ «Կենսաբանություն», 27-ին՝ «Հայոց պատմություն» և «Ֆիզիկա» առարկաներից: Քննական հինգ կենտրոններն արդեն կահավորված են, անհրաժեշտ տեսախցիկները և պատճենահանող սարքերը` տեղադրված, որպեսզի քննություններն անցկացվեն ըստ կարգի: Բոլոր դիմորդները ստացել են իրենց անցաթղթերը, տեղյակ են, թե որ քննական կենտրոնում է լինելու իրենց միասնական քննությունը: Քննությունները կսկսվեն առավոտյան` ժամը 09:30-ին, բայց դիմորդները պետք է ներկայանան քննական կենտրոն ժամը 08:30-ին՝ ձեռքի տակ ունենալով անցաթղթերը և անձը հաստատող փաստաթուղթը: Գրիչները և մնացած անհրաժեշտ պարագաները նրանց տեղում կտրամադրեն»,-մանրամասնել է Յու. Քարամյանը:
ԳԹԿ տնօրենի խոսքով՝ նախորդ տարվա ցուցանիշների համեմատ՝ այս տարի բոլոր ուղղություններում դիմորդների թվի նվազումն ակնհայտ է:
«Բայց եթե այս տարվա շրջանավարտների և դիմորդների թվի տոկոսային հարաբերությունը դիտարկենք, ապա, նախորդ տարվա համեմատ, այն պահպանվում է: Շրջանավարտների 65 տոկոսը կհանձնի միասնական քննություններ: Ունենք նաև շրջանավարտներ, ովքեր կհանձնեն ներբուհական քննություններ, որոնք կանցկացվեն հունիսի 26-ից մինչև հուլիսի 8-ը: Գրաֆիկը հաստատվել է ԳԹԿ տնօրինության կողմից և ուղարկվել համապատասխան համալսարաններ, որտեղ քննությունները անց են կացվելու տվյալ բուհի առարկայական հանձնաժողովների կողմից, որոնց կազմը հիմնականում հաստատված է: Տվյալ բուհերում դիմորդներին կտրամադրվեն անցաթղթերը»,-նշել է մեր զրուցակիցը:
ԳԹԿ տնօրենը տեղեկացրել է, որ այս տարի ևս կան դիմորդներ, ովքեր հայտագրվել են հայաստանյան բուհեր ընդունվելու համար: Այդ տոկոսային հարաբերությունը ևս պահպանվել է:
«Մեծ թիվ են կազմում Երևանի Մխիթար Հերացու անվան պետական բժշկական համալսարան ընդունվելու համար հայտագրված դիմորդները: Միասնական քննությունները կավարտվեն հունիսի 27-ին: Բոլոր դիմորդներին հաջողություն ենք մաղթում»,-ընդհանրացրել է ԳԹԿ տնօրենը:
News.am
ПОСЛЕДНИЕ ОТ АВТОРА
-
New2025-05-29 05:23Мэр Гюмри Вардан Гукасян поздравил военнослужащих российского погранотряда, дислоцированного в городе, с Днем пограничника. Об этом сообщает пресс-служба городской администрации.
-
2025-05-28 19:41Представители 102-й российской военной базы во главе с помощником командира по международным вопросам подполковником Игорем Селиверстовым возложили венок и цветы к мемориальному комплексу "Возрождение" в память о героях Баш-Апаранского сражения.
-
2025-05-28 19:39Мы заинтересованы в развитии отношений с Арменией, это важно для нас, и я очень надеюсь, что найдем пути их углубления, установления связей между людьми, так как мы оба древние нации, у которых много общего. Об этом в беседе с корреспондентом Новости Армении – NEWS.am заявил Чрезвычайный и полномочный посол Израиля в Армении Йоэль Лион.
-
2025-05-28 19:33Секретарь Совета безопасности РФ Сергей Шойгу заявил о всестороннем развитии российско-иранского партнёрства. Его заявление прозвучало на встрече с секретарем Высшего совета национальной безопасности Ирана Али Акбаром Ахмадианом в рамках 13-й встречи высоких представителей, курирующих вопросы безопасности, проходящей в Москве. Его слова приводит РИА Новости.