2023-06-21 17:04
Информагентства
Իրանի ԱԳՆ․ Անկարայի և Դամասկոսի միջև հարաբերությունների կարգավորման աշխատանքները շարունակվելու են
Բանակցությունների ընթացքում Ռուսաստանի, Սիրիայի, Թուրքիայի և Իրանի պատվիրակությունները պայմանավորվել են շարունակել աշխատանքը Անկարայի և Դամասկոսի միջև հարաբերությունները կարգավորելու ճանապարհային քարտեզի վրա։ Այդ մասին «ՌԻԱ Նովոստիին» հայտնել են Աստանայում։
«Տարբեր տեսակետներ են ներկայացվել, տարբեր տեքստեր տարբեր ուղղություններով։ Այնուամենայնիվ, դրանք պետք է ուսումնասիրվեն և համակարգվեն: Մենք այժմ գտնվում ենք կողմերից յուրաքանչյուրի կարծիքների փոխանակման փուլում»,- ասաց նա։
Դիվանագետը նաև հույս է հայտնել, որ Թուրքիայի և Սիրիայի միջև հարաբերությունների կարգավորման աշխատանքներում հետագայում ևս առաջընթաց կգրանցվի:
«Նախապատրաստական աշխատանքներ են տարվել, մտքեր փոխանակել այս հարցի շուրջ։ Բնականաբար, չէինք սպասում, որ միայն մեկ հանդիպման ընթացքում կկարողանանք հասնել լիարժեք առաջընթացի, բայց կարևոր է, որ աշխատանքները սկսված են։ Մենք պայմանավորվեցինք շարունակել բանակցությունները»,- ասել է նա։
Նրա խոսքով, Անկարայի և Դամասկոսի հարաբերությունների կարգավորումը ենթադրում է փախստականների, սահմանների անվտանգության, Սիրիայում Թուրքիայի ներկայության հարցի քննարկում։
Դիվանագետը նշել է, որ երկու երկրների հարաբերությունների կարգավորումը հեշտ գործընթաց չէ և ունի միանգամից մի քանի հարթություն։
«Մենք փորձում ենք քայլ առ քայլ շարժվել այս ուղղությամբ։ Շատ հարցեր կան՝ ահաբեկչության դեմ պայքարը, առևտրային համագործակցությունը, փախստականները, որը Թուրքիայի խնդիրներից է, սահմանների անվտանգության հարցը, թուրքական ռազմական ներկայությունը Սիրիայում»,- ասաց նա։
Երեքշաբթի օրը՝ հունիսի 20-ին, Աստանայում տեղի է ունեցել Ռուսաստանի, Սիրիայի, Թուրքիայի և Իրանի փոխարտգործնախարարների մակարդակով քառակողմ հանդիպում՝ Դամասկոսի և Անկարայի միջև հարաբերությունների կարգավորման շուրջ։
Ռուսաստանից բանակցություններին մասնակցել է փոխարտգործնախարար Միխայիլ Բոգդանովը, Թուրքիայից՝ փոխարտգործնախարար Բուրաք Աքչապարը, Սիրիայից՝ փոխարտգործնախարար Այման Սուսանը, Իրանից՝ ԱԳ նախարարի օգնական Ալի Ասղար Հաջին։
News.am
ПОСЛЕДНИЕ ОТ АВТОРА
-
New2025-05-21 19:34В МВД Армении заявили, что в ходе акций протеста у здания МИД Армении никто не задержан. Об этом в ведомстве сообщили корреспонденту Armenia Today.
-
New2025-05-21 19:33По поручению министра внутренних дел Арпине Саркисян работы по поиску двухлетнего ребенка в Мармарике будут продолжаться. Министр внутренних дел Арпине Саркисян рассказала «Арменпресс» о печальном случае исчезновения двухлетнего Тиграна Петросяна в Мармарике.
-
New2025-05-21 18:59Армения претендует на проведение у себя в следующем году саммита европейского политического сообщества, аналогичного недавнему мероприятию в Тиране.
-
New2025-05-21 18:57В ходе расследования уголовного дела Антикоррупционным комитетом РА установлено, что в июне 2023 года между Министерством обороны РА и подрядной организацией был заключен договор государственной закупки для выполнения строительных работ в N-ской воинской части Министерства обороны РА, в рамках которого строительные работы были выполнены не в полном объеме, а для некоторых работ были использованы некачественные материалы, стоимость которых в 3 раза ниже запланированной.