2023-06-27 17:26
Информагентства
0
Քննարկվել են շենքերի էներգաարդյունավետության վերաբերյալ հարցեր
Քաղաքաշինության կոմիտեում հյուրընկալել են Զարգացման ֆրանսիական գործակալության (ԶՖԳ) պատվիրակությանը՝ Հարավկովկասյան գրասենյակի տնօրենի տեղակալ Բերենժե Կալամանդի գլխավորությամբ:
Ինչպես «Արմենպրես»-ը տեղեկանում է Կոմիտեի տարածած հաղորդագրությունից, քննարկվել են քաղաքաշինության բնագավառում էներգաարդյունավետության միջոցառումների կիրառմանն առնչվող հարցեր: Կոմիտեի նախագահի առաջին տեղակալ Դավիթ Գրիգորյանը տեղեկացրել է այդ ուղղությամբ օրենսդրական կարգավորումների մշակման և շենքերի էներգաարդյունավետությանը վերաբերող նորմերի ընդունման մասին: Նա ընդգծել է, որ ներկայում պետական բյուջեի միջոցներով իրականացվող ծրագրերում էներգաարդյունավետության միջոցառումների ներառումը պարտադիր պայման է:
Նախատեսվում են նաև մեխանիզմներ՝ խթանելու էներգաարդյունավետության միջոցառումների կիրառումը քաղաքաշինական մասնավոր ծրագրերում: Մշակված օրենսդրական նախաձեռնություններով նախատեսվում է աստիճանաբար իրականացնել ինչպես նոր կառուցվող, այնպես էլ գոյություն ունեցող շենքերի անձնագրավորում՝ շենքի վերաբերյալ համապարփակ տեղեկատվության մեջ ներառելով նաև էներգաարդյունավետության բնութագիր: Անդրադարձ է կատարվել նաև բնակարանների և անհատական բնակելի տների էներգաարդյունավետ վերանորոգման աշխատանքների պետական աջակցության ծրագրի դրական արդյունքներին:
Զարգացման ֆրանսիական գործակալության ներկայացուցիչները մանրամասներ են հաղորդել (ԶՖԳ) աջակցությամբ իրականացվող «Ջերմ օջախ» ծրագրի նպատակների և իրականացման ընթացքի վերաբերյալ: Դիտարկվել է վերջինս պետական տարբեր ծրագրերի հետ համադրելու հնարավորությունը:
Կողմերը պայմանավորվել են շարունակել համագործակցությունը՝ համադրելու էներգաարդյունավետության խնդիրների լուծմանն ուղղված ջանքերը:
ПОСЛЕДНИЕ ОТ АВТОРА
-
New2024-11-19 17:33Парад увольнений продолжается. Ара Мкртчян освобожден от должности замминистра окружающей среды. Соответствующее решение подписал премьер-министр Армении Никол Пашинян.
-
New2024-11-19 17:31В России впервые запущено серийное производство мобильного укрытия, предоставляющего защиту в том числе при ядерном взрыве. Его разработал Всероссийский научно-исследовательский институт по проблемам гражданской обороны и ЧС (ВНИИ ГОЧС).
-
New2024-11-19 17:29В ноябре можно наблюдать самую высокую активность переброски вооружения и военной техники из Израиля в Азербайджан за последнее время.
-
New2024-11-19 17:28"Информация об исчезновении семи произведений стоимостью 500 тысяч долларов из Музея Ерванда Кочара не соответствует действительности", - говорится в сообщении.