2023-06-28 17:11
Информагентства
Ալեքսեյ ՄԵԼՆԻԿՈՎ․ ՆՈՎՈՌՈՍԻՅՍԿ-ԲԱԹՈՒՄ ԲԵՌՆԱՐԿՂԱՅԻՆ ՓՈԽԱԴՐՈՒՄՆԵՐԸ ԼԱՍՏԱՆԱՎԱՅԻՆԻՆ ԱՐԺԱՆԻ ԱՅԼԸՆՏՐԱՆՔ ԿԼԻՆԵՆ
Նովոռոսիյսկ–Բաթում բեռնարկղային փոխադրումները Փոթի–Կովկաս նավահանգիստ լաստանավային փոխադրումների արժանի այլընտրանք են։ Այս մասին Sputnik Արմենիա մուլտիմեդիոն մամուլի կենտրոնում հրավիրված մամուլի ասուլիսի ժամանակ ասաց ՀԿԵ գլխավոր տնօրեն Ալեքսեյ Մելնիկովը։
Ավելի վաղ հայտնի էր դարձել, որ Հայաստանում ծովային տրանսպորտի միացմամբ մուլտիմոդալ փոխադրումներ են գործարկում։ Նովոռոսիյսկից ծովով փորձնական ուղերթը դեպի Բաթում հաջողությամբ իրականացվեց ապրիլին, և այն բոլոր շանսերն ունի կանոնավոր դառնալու համար։
«Լաստանավային փոխադրումների այլընտրանքը Նովոռոսիյսկի նավահանգստից Բաթումի նավահանգիստ բեռնարկղային փոխադրումների բացումն է։ Պետությունը կսուբսիդավորի երթուղին, դա երկաթուղու համար լրացուցիչ բեռներ կապահովի, առավել ևս, որ բեռնարկղային փոխադրումներն այսօր պահանջված են ամբողջ աշխարհում», – ասաց Մելնիկովը։
Նրա խոսքով` բեռնարկղերը պահման ունիվերսալ տեսակ են, տարողություն, որը թույլ է տալիս տարբեր տեսակի շարժակազմերի միջև բեռնելու ջանքերը նվազագույնի հասցնել։
Ինչ վերաբերում է լաստանավային փոխադրումների զեղչերին, Մելնիկովը նշեց, որ դրանք պահպանվել են նաև Ռուսական երկաթուղիների, Վրաստանի և Հայաստանի տարածքում։
Նա հիշեցրեց, որ «Հարավկովկասյան երկաթուղի» ՓԲԸ–ն 2018 թվականի դեկտեմբերի 1-ից դադարեցրել է լաստանավային հաղորդակցությունը Փոթի– Կովկաս նավահանգիստ երթուղով։ Ընկերության որոշումը պայմանավորված էր այդ ուղղությամբ բեռնափոխադրումների ծավալների կրճատմամբ։
«Սև ծովը բավական ալեկոծ է, նենգ, փոթորիկներ են լինում, իսկ փոխադրումների կայունությունը գործընկերների վստահության երաշխիքն է, գործընկերներ, որոնք իրենց հերթին վստահում են մեզ իրենց բեռը», – ասաց Մելնիկովը։
Հիշեցնենք, որ հունիսի 15-ից Փոթի–Կովկաս երթուղով լաստանավային հաղորդակցության գործարկման մասին ՀՀ իշխանությունները հայտարարել էին դեռ նախորդ տարվա մայիսին։ Լաստանավի օպերատոր էր ընտրվել տեղական C&M International լոգիստիկ ընկերությունը, որը շաբաթական երկու անգամ պետք է ուղերթներ իրականացներ Փոթի–Կովկաս և հակառակ ուղղությամբ։ Լաստանավի տարողունակությունը կազմում է 50 բեռնատար ավտոմեքենա և 40 վագոն։ Միևնույն ժամանակ, ՀՀ կառվարությունը պատրաստակամություն է հայտնել սուբսիդավորել լաստանավային ծախսերն առաջին 6 ամիսների ընթացքում։
Այն ժամանակ սա մեծ հետաքրքրություն առաջացրեց հայկական ներկրողների և արտահանողների, ինչպես նաև ռուսական ընկերությունների մոտ։ Երկրի ղեկավարությունը հայտարարեց, որ լաստանավից կկարողանան օգտվել միրգ ու բանջարեղեն արտահանողները, որոնց մոտ սեզոնից կախված ավելանում են դեպի Ռուսաստան փոխադրումները։ Սակայն լաստանավն այդպես էլ չգործարկվեց։
ПОСЛЕДНИЕ ОТ АВТОРА
-
New2025-06-30 19:32Представители Католикоса Великого Дома Киликийского Арама I в Эчмиадзине встретились с Католикосом всех армян Гарегином II. Они передали Гарегину II обеспокоенность Арама I и его видение относительно выхода из сложившейся ситуации.
-
New2025-06-30 19:29Школьники из Армении завоевали 21 медаль на 5-й международной олимпиаде по прикладной биологии в провинции Бали в Индонезии. Об этом сообщает пресс-служба министерства образования, науки, культуры и спорта Армении.
-
New2025-06-30 19:20Баку выбрал путь обострения отношений с Москвой. Пока в Азербайджане наберутся мудрости, будет страдать азербайджанская диаспора, пишет обозреватель Pravda.Ru Любовь Степушова.
-
New2025-06-30 19:13«Предъявленное предстоятелю Ширакской епархии Армянской Апостольской церкви архиепископу Микаэлу Аджапахяну обвинение – полностью незаконное и необоснованное. И это не только наша позиция. Такой была также позиция прокуратуры и Следственного комитета – до того момента, как премьер-министр начал свои нападки на архиепископа. Хронология здесь абсолютно ясна», – заявил на встрече с журналистами 30 июня представитель группы адвокатов архиепископа Ерем Саркисян.